نكت خطييييييييرة

[وسام المؤمنة]

السلام عليكم اليكم اروع النكت

* ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه بيقولوله : المنشار ، المنشار ، المنشار قالهم بايظ مايشتغلش .

.
* واحدة عجوزة بتسبح في حمام السباحه، وكان في برق بالسما، فقالت: لا حول ولا قوة الا بالله! مفيش امان بدأوا الشباب يصوروا.


* بخيل واقف فى البلكونة… ابنه جاى من بعيد يقول له بابا بابا بابا … قاله: يا ابن الكلب بابا واحده كفاية.


*واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين


*مره جهاز كشف الكذب اللي بيكذب بيضربه بالقلم .. المهم في واحد اشتراه وقال اما اروح اجربه ف ابني ف راح الراجل و جربه ف ابنه وسأله كنت فين ؟؟ قاله كنت بذاكر مع واحد صاحبي يا بابا ف قام الجهاز ضرب الولد بالقلم ف باباه قاله ينفع تكذب و انت ف السن دا دا انا و انا قدك مكنتش بكذب قام الجهاز ضرب الاب بالقلم قامت مامت الولد قالت لابوه خلاص متزعلش الولد دا برده ابنك قام الجهاز نزل فيها ضرب خخخ


*واحد صعيدى مبيحبش الكوره فا بص لقى ابنه بيتفرج على متش كوره فى الموبايل بتاعو فاراح جاب ميا ورشها على التلفزيون وقال ياله ياد انتا وهوه كل واحد يروح يلعب قدام بيتهم


* عجوز بيقول لواحد خلاص كبرنا فرد الواحد و قاله يا عم انت لسه شباب فقاله العجوز أديك خمشة جنيه و قول كده قدام مراتى فرد الواحد و قاله هات عشرة جنيه و أطلعك عيل .



* واحد لقى الفانوس السحرى ..خرج لة العفريت وقاله انا احققلك كل اللى تتمناه الراجل قاله نفسى تحللنا موضوع الحروب والنزاعات والبلاد اللى بتتحرق والناس اللي بتموت دي ..العفريت فكر شوية وقاله لالا دا موضوع صعب قوي عليا شوفلي موضوع اسهل شوية ..فالراجل طلع صورة مراته من جيبه وقال للعفريت انا عايش مع الوحشة دي من عشرين سنة صلحلي منظرها شوية علشان الواحد يقدر يكمل معاها..العفريت بص قوي للصورة وفكر شوية وقاله انت قلت حاجة عن الحروب والنزاعات .


* واحد خلقه ضيَـق جاب حتة قماش وراح للخياط وقاله عاوز قميص واسع و الاساور واسعه و الياقه واسعة …….. اقولك شكلك هاتتعبنى معاك… هات القماشه


* واحد وحش اوووي راح يخطب في بيت فقال لابوها انا كونت نفسي بنفسي فرد عليه الراجل: نا قلت ان مستحيل تكون دي خلقة ربنا


*- مرة كان في ماتش بين فريقين حشرات في الشوط الاول في فريق انهزم واحد صفر والشوط الثاني نزلت أم أربعة واربعين فدخلت 42 هدف.. فبعد الماتش صحفي بيسأل المدرب اللي فاز: ليه مانزلتش أم أربعة وأربعين من أول الماتش قال له: كانت بتربط الجزمة.


- مجموعة من الكلاب قاعدين مع بعض بيتكلموا فى موضوع فالأول قال: هوهو .. قام التانى رد وقال له : هوو هو .. الثالث قال: هوووهوو .. راح الرابع قال . وووووووو .. رد عليه واحد قاله لو سمحت ما تخرجش عن الموضوع.



- مرة واحد راح يخطب واحدة فأبوها قال له بس البنت لسه بتدرس .. قال له خلاص أجلها في الفسحة.



- مرة كلب فقد الذاكرة ماشى فى الشارع بيقول صوصو...لا نونو.....لا كوكو ....................



*- واحد لقى صاحبه بيجرى قاله بتجرى ليه .. قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه وقال له ماتخافش، مأنا أمى كانت بتتوحم على أسطوانة وأبويا مجبهاش... جرالى حاجة.... جرالى حاجة......جرالى حاجة..........جرالي حاجه.......جرالي حاجه


- مرة واحد بيسأل واحد معاك جنيه قاله بص .. روح موقف الاتوبيسات هتلاقي 6 اتوبيسات واقفين اركب اول اتوبيس هتنزل هتلاقي مترو اركب المترو وانزل تالت محطه هتلاقي 4ميكروباصات اركب اول ميكروباص وانزل هتلاقي 3 شوارع ادخل في الشارع الاول هتلاقي 8عمارات ادخل في العمارة الرابعة هتلاقي 6 ادوار اطلع الدور الخامس هتلاقي 4 شقق ادخل الشقة الاولي هتلاقي 3 أوض ادخل الاوضة التانية هتلاقي دولاب فيه 4 درف افتح الدرفة الاولي هتلاقي مصحف هاته علشان احلفلك اني معييش.


- مرة واحد غبي قال لأبوه: عايز آخذ نوكيا قال له:على جثتى حتاخد بنت عمك.


لا تبخلوا بالردود
.
المصدر: https://www.masreat.com/?p=14984