مسآآآآآآعدة عاجلة

قطعة ذهب · 2011-08-23, 21:49

السلام عليكم

اخواتي حابة نجرب قاطو بوسو لا تمسو تالمو شكرو فيه بزاف
بصح لقيت شحال من كيفية وماعلاباليش وينها المليحة والصحيحة

ممكن اخواتي الي موالفة ديرو تعطيني la recette الصحيحة والمجربة

وصح فطوووووركم

قطعة ذهب · 2011-08-23, 22:27

ارجوكم اخواتي
هل من رد

نورة · 2011-08-23, 22:37

https://www.djelfa.info/vb/showthread.php?t=679636

اختى انظرى لهذه الوصفات ان شاء الله تستفيدى منها
اما الوصفة التى كتبتها انا وجدتها فى كتاب خاص بالحلويات

ليلى الجزائرية1 · 2011-08-23, 22:59

اختي القاطو هذا بيني ياسر مي عندي مدة ما درتوش نحوسلك في المذكرة نتاعي على الوصفة ونمدهالك وانت في نفس الوقت وجدي قشور القارص كرفجيهم .وزيدي وجدي ماء ذهر يكون مليح.
ونوعدك نجيبلك الوصفة .
وطريقة التحضير ساهلة ياسر

قطعة ذهب · 2011-08-23, 23:34

اقتباس:

المشاركة الأصلية كتبت بواسطة نورة

https://www.djelfa.info/vb/showthread.php?t=679636

اختى انظرى لهذه الوصفات ان شاء الله تستفيدى منها
اما الوصفة التى كتبتها انا وجدتها فى كتاب خاص بالحلويات

شكرا اختي على الرد
وجربتيها هاد الوصفة الي لقيتيها في كتاب الحلويات ؟

قطعة ذهب · 2011-08-23, 23:36

اقتباس:

المشاركة الأصلية كتبت بواسطة ليلى الجزائرية1

اختي القاطو هذا بيني ياسر مي عندي مدة ما درتوش نحوسلك في المذكرة نتاعي على الوصفة ونمدهالك وانت في نفس الوقت وجدي قشور القارص كرفجيهم .وزيدي وجدي ماء ذهر يكون مليح.
ونوعدك نجيبلك الوصفة .
وطريقة التحضير ساهلة ياسر

انا في انتظااااارك اختي
ما طوليش عليا
شكرا حزيلا

سَلْسَبِيّلْ · 2011-08-23, 23:52

اختي و الله هذه الوصفة مجربتها 100 بالمئة و يجي يذوب في الفم
المقادير
250 غرام زبدة + كاس تاي سكر قلاصي + كاس تاي زيت + كاس تاي كوكاو + كاس تاي جلجلانية + شوية ملح + قشور ليمونة مبشورة + شوية نشاء مايزينة يعني + و لميه بالفرينة و و بعد الطياب مباشرة و مرغديه بالسكر قلاصي مرتين
كي ديره ادعيلي ربي و الله غار روعة و يذوب في الفم و طري

عطور المعاني · 2011-08-23, 23:57

سلااااااااااااااااااااااام من فضلكن تقدرو تعرفوني على هاذ الحلوى وشكرا

سَلْسَبِيّلْ · 2011-08-24, 00:02

الحلوى جي عبارة عن مقروطات مرغدين بالسكر قلاسي طريين وخفاف روعة وتحمر الوجه واقتصادية

قطعة ذهب · 2011-08-24, 11:21

اقتباس:

المشاركة الأصلية كتبت بواسطة hanadi193

اختي و الله هذه الوصفة مجربتها 100 بالمئة و يجي يذوب في الفم
المقادير
250 غرام زبدة + كاس تاي سكر قلاصي + كاس تاي زيت + كاس تاي كوكاو + كاس تاي جلجلانية + شوية ملح + قشور ليمونة مبشورة + شوية نشاء مايزينة يعني + و لميه بالفرينة و و بعد الطياب مباشرة و مرغديه بالسكر قلاصي مرتين
كي ديره ادعيلي ربي و الله غار روعة و يذوب في الفم و طري

ان شاء الله نجربها
بصح ما قلتيليش الجلجلانية نرحيها ولا نديرها كيما راهي
ونقدرو نستغناو على الكاوكاو ولا لازم

narimane1991 · 2011-08-24, 11:40

شوفي حبيبتي انا هادي هي الوصفة نتعي والله والله والله مجربة مليون في الميه تصدقلك وبلا خوف راني كل شهر نعملهالم في الدار علي كتر مايحبوها والي يدوقها يقولي اعطني الوصفه شوفي مليح معايا
انا ندير كيلة فرينة ( عبر ) +عبر نواة كوكو ولا كوكاو والاحسن جلجلان حمريه غير شوية بلاكي راهو يمرار وخليه علا حالو مترحيهش+ وكيلة نشاء مايزينة و+ كيل دهان (سمن موش زبدة ) الزبدة يجي يابس منها شوية + وديري كاس اتاي سكر غلاسي موش عادي راهو تاني ييباس منو
خلطيهم ولميهم غير بعقلك طيببيهم راهو يجيك قريب 70 حبة كي تعبري بالعبر نتع الشوربة
بعد الطياب خليهم يبردو واللمسه الجديدة فيه هو الغلاساج موش سكر غلاسي لالا من الاحسن ديري شيكولابيضاء فوندي ( دائبة ) ( حسب الرغبة هاد الشيء ) ونتمني يعجبك وادا حبيتي ديري سكر غلاسي حسب الرغبة مي الاحسن الشيكولاظه البيضاء روعه روعه روعه وراهو مجرب من عندي

narimane1991 · 2011-08-24, 11:44

و الكوكاو كما تحبي تستغناي عليه هادو كامل وصفات جدد نتع بوسو لا تمسو مي هي في الاساس من بكري يعملو زوج كيلات فرينة وكيله نشاء وكيله دهان وكاس اتاي سكر رطب برك و يغلاسوه في السكر رطب هادا هو الاصلي وهادو الي قاتلك عليهم الاخت ولا الي في الكتاب ولا الوصفه نتعي كامل جدد مي ملاح هايلين وجربي الي تعجبك وكامل يصدقولك و جربيه ورديلنا لخبر عليه