عاجل

[همسا]

من فضلكم ساعدوني بمقادير البسبوسة بصح تكونو مجربينها

[الفا6]

انا شيماء واستعمل عضوية اخي
كاس سكر
كاس زيت
كاس حليب
2 كاس دقيق احرش
1 كاس خبز مرحي
1 كيس خميرة كيميائية
6-5 بيضات
تخلطي كلشي الاول البيض مع السكر ومبعد الزيت والحليب ومبعد الدقيق مع الخميرة والخبز وتحطيها طيب في درجة 180 تقريبا 30 د
ومبعد تحطيلها العسل .....صح فطورك

[همسا]

بارك الله فيك يا أختي الكريمة ضح فطورك

[هديةالرحمان]

انا غير البارح درت نتاع الخبز
4 حبات بيض
1 كاس سكر
نصف كاس زيت
1 كاس حليب
علبة و نصف خميرة كيمياية
فانيلية
و بشور اليمون حسب الذوق
3ونص كيسان خبز يابس مرحي- شابلير-
خلطي البيض كامل والسكر حتان يطلع تولي كي الكريمة
ومن بعد زيدي المكونات الاخري بشوية
حمي الفور مليح وحطيها
البلاطو نتاعنا متوسط

[همسا]

[Meriemchawiya]

basbousa walah nas kamel yhabou ki ntayabha
choufi okhti jibi 4 baydat w adarbihom bien bi batteur hata ywali lounhom abyad w zidi kas sokhar w nafs el 3amalya bi batteur w zidi kas zit w adrbi w zidi kas hlib w bi bateur bien zidi 1 w nos khlmira gateau w zidi w zidi 2 kisan dgig matwasat w ida jatak jarya bezaf zidi chwiya dgig hatiha fi coucha w mathalich hata tatla3 bien w men jiha okhra taybi chrbat w juste tkharjiha askiha bien hawalay nos litre charbet w gosiha

[همسا]

بارك الله فيك يا أختي الكريمة ضح فطورك

[هديةالرحمان]

بصح اختي لازم تكون حاجة فيهم باردة الشربات ولا البسبوسة خطراكش الي كانو 2 سخونين راح تعجن ولالا

[همسا]

[quote=هديةالرحمان;6966328]بصح اختي لازم تكون حاجة فيهم باردة الشربات ولا البسبوسة خطراكش الي كانو 2 سخونين راح تعجن ولالا[/qu
شكرا لك هدية الرحمن صح فطططططططططططططططططططططططططورك

[janna]

يا اختي البسبوسه نتاعي ساهلا وصالحا ديري 3 بيضات امضربين كاس سكر كاس زيت كاس حليب 2 خميرة كيميائيه مبشور حبة قارص 3 كسان دقيق متوصط حطيها في سنيه مدهونه حطي فوقها جلجلانيه او كوكاو مرحي خشين شويه كي طيب اسقيها بشاربات الي تكوني حضرتيها من قبل نتيجه مضمونه انشاءالله وصح فطورك

[بشرى2008]

هادي انا دايما نديرها 4 بيض كاس سكر كاس زيت كاس حليب 3 كاس تشيشة 1 و1/2 خميرة مبشور القرص خلطيهم مليح فى الروبو ادهني السنيوة وفرغي الخليط ادا عندك اللوز افيلي ديريه مالفوق يجي شكلو هايل انا نديرو ضعيها فى الفرن مدة 25 دقيقة كي تخرج شربيها بالشاربات

[همسا]

[QUOTE=janna;7009107]يا اختي البسبوسه نتاعي ساهلا وصالحا ديري 3 بيضات امضربين كاس سكر كاس زيت كاس حليب 2 خميرة كيميائيه مبشور حبة قارص 3 كسان دقيق متوصط حطيها في سنيه مدهونه حطي فوقها جلجلانيه او كوكاو مرحي خشين شويه كي طيب اسقيها بشاربات الي تكوني حضرتيها من قبل نتيجه مضمونه انشاءالله وصح فطورك[/QUOTE
يعطيك الصحة ختي بارك الله فيك

[همسا]

المشاركة الأصلية كتبت بواسطة بشرى2008

هادي انا دايما نديرها 4 بيض كاس سكر كاس زيت كاس حليب 3 كاس تشيشة 1 و1/2 خميرة مبشور القرص خلطيهم مليح فى الروبو ادهني السنيوة وفرغي الخليط ادا عندك اللوز افيلي ديريه مالفوق يجي شكلو هايل انا نديرو ضعيها فى الفرن مدة 25 دقيقة كي تخرج شربيها بالشاربات

بارك الله فيك وصح فطورك