كيف تمضي يومك في رمضان

[ام ايمان16]

السلام عليكم

الموضوع باين من العنوان

كيف تمضي يومك في رمضان

ابتداءا من السحور وحتى السحور لليوم الموالي

كل واحد يدخل يشاركنا يومو الرمضاني وماذا يفعل فيه

تقبل الله صيامكم وكل عام وانتم بخير

صح فطوركم

[❀عنْفُوَاפּ طُمُوحْ❀]

تنودنا ماما نتسحرو و امبعدا كامل يرقدو

حتى انا الا ان اذان الصبح دائما يوقظني و كانني ضبطت المنبه على ذلك الوقت المهم انهض و اصلي

ثم اعود للنوم انهض على الساعة العاشرة

اقوم ببعض اعمال البيت

من ثم اشغل الكمبيوتر ثم اذهب لمشاهدة التلفاز

حين يؤذن اذان العصر اصلي ثم اكمل جلوسي و اقرا القران ساعة كاملة او اكثر

ثم اذهب كي اقلي و فقط يعني بوراك و غيره

ثم اضع الطاولة و نجهزها

نفطر ثم اقوم بغسل الاواني

و امي تحضر الشاي و هكذا نسهر قليلا ثم نذهب للنوم الساعة 11 ليلا و هكذا

شكرا لك اختي على الموضوع و اتمنى ان لا اكون قد اطلت عليك

اخبرينا انت ايضا بما تقومين

[ام ايمان16]

في السحورنوض نوجد ومن بعد تنوض امي وخاوتي وكي نكملو نغسل لماعن انا وزوجة اخي ثم نروح نصلي قيام ليل ثم نقرا القران حتى ياذن الفجر نصليه ثم نرقد حتى التاسعة اقوم باعمال البيت من تنظيف ومايلزمه ثم اجلس على الكمبيوتر ومنتدى الجلفة (لااستغني عنه)
تلحق 12 نقيل شوي حتى وقت الظهر نصلي ونقرى شوي قران ثم نزيد نقعد شوي مع اهلي نحكيو شوي ومرة على مرة نطل على المنتدى حتى قريب وقت العصر نوض انا وزوجة اخي لتحضير الفطور حتى وقت المغرب نفطرو نغسلو لماعن ثم نجلسو مع بعض ناكلو فاكية اوزلابية اوفلان او شيئ اخر حتى الساعة11او12 نرقدو باش نزيدو نوضو للسحور
تقبل الله منا ومنكم صالح الاعمال
صح فطوركم

[ام ايمان16]

المشاركة الأصلية كتبت بواسطة انا مسلمة

تنودنا ماما نتسحرو و امبعدا كامل يرقدو

حتى انا الا ان اذان الصبح دائما يوقظني و كانني ضبطت المنبه على ذلك الوقت المهم انهض و اصلي

ثم اعود للنوم انهض على الساعة العاشرة

اقوم ببعض اعمال البيت

من ثم اشغل الكمبيوتر ثم اذهب لمشاهدة التلفاز

حين يؤذن اذان العصر اصلي ثم اكمل جلوسي و اقرا القران ساعة كاملة او اكثر

ثم اذهب كي اقلي و فقط يعني بوراك و غيره

ثم اضع الطاولة و نجهزها

نفطر ثم اقوم بغسل الاواني

و امي تحضر الشاي و هكذا نسهر قليلا ثم نذهب للنوم الساعة 11 ليلا و هكذا

شكرا لك اختي على الموضوع و اتمنى ان لا اكون قد اطلت عليك

اخبرينا انت ايضا بما تقومين

بارك الله فيكي اختي وجزاكي خيرا
شكرا لمشاركتك
حفظكي الله ويسرلكي اموركي

[سلمى_2008]

تنوضنا ماما للسحور ومباعد نلمو الماعد ونغسلوهم ونروح نصلي شوية حتى يذن الفجر نصليه ونعاود نرقد على 8 نوض نسيق ونقعد في الميكرو شوية ونتفرج شوية ومباعد كي نصلي الضهر نروح نهز القران ونقرى شوية مي عندي سورة كل يوم نقراها هي سورة يسين ومباعد نروح للكوزينا انا الي ندير الفطور وماما تخبز الكسرة كي نكملو نروح نتفرجو في اقرا فيها برنامج ديني مليح بزااف واختي تروح تسجي الطابلة تاع الفطور كي يذن ناكلو شوية شربة ونروحو نصليو المغرب بابا هو الي يصلي بينا ومباعد نكملو فطورنا وكي نكملل نغسل الماعن بالدالة انا واختي وماما تروح للجامع تصلي التراويح هي وبابا حنا نتفرجو شوية الجمعي و ابو كريمة في رقبته 7 حريم ونتفرج ليلى الجزء الثالث ومباعدر نروح نصلي العشااء وتصلي ركعات زايدين نقيم الليل ونرق حتى تجي مااما تنوضني للسحوررر هادي هي حايتي نفس الروتين يتعاود كل يوم

[ميمنة الجزائر]

السلام عليكي حبيبتي أحلام
البداية انني انهض قبل الفجر بالمنبه او يوقضني زوجي انني اناًاالاخيرة التي تنام بساعة اقوم بوضع السحور لي وزوجي بعدها اقوم بقراءة القران وما تيسر ومع الدعاء عند الانتهاء منه اي عندما يأذن الفجر نصلي واكمل قراءة القران لان يطلع الفجر اقوم بغسل المعان ثم أنام الى غاية العاشرة بعدها انهض واجهز فطور ولدي ونرتبه بعدين اقوم بأعمال البيت الى الثانية عشر حيث اقوم بعملي اذا وجد اي في الميكرو واضعه في الفلاش ديسك اعطيه لزوجي بعدين اذهب لكي
اتسوق او اذا كان زوجي اعطيه القائمة صباحا لانه يذهب على السابعة والنصف ويحظر لوازم للفطور على الواحدة اين نوجد الغدا لابني وقبل اكون اتصفح المنتدى مرة على مرة بالايباد معي هاذا اذا لم يكون لي عمل لأنني هذه الايام الحالة حابسة شوية في رمضان بعدين اقوم بالصلاة بعد ما نوجد الفطور ومكمل على الساعة الثالثة اين اقوم بمشاهدة التلفاز بعديناقوم بتحضير الديسسار او حلوى اي عند العصر اقوم بالصلاة وقراءة القران لغاية السادسةانروح وتكسل شوية بعدما نخلي ولدي يلعب ونشربو حليبو لغاية السابعة نوجد الفطور او المطلوع اوالكسرة اذاعجنت حتى الأذان نفطرو ونوكل ولدي ونقوم بغسل المعان ومن بعد نوجد آلتاي والمكسرات والفلان وقلبةاللوز او اي نوع من الحلويات بعد ما نصلية التراويح انا عن نفسي بالبيت ساعة على ساعة نذهب معاه او اذهب عند الوالدة وتسهر الى غاية
الحاديةعشر ونصف اذا لم اذهب تلقاينب متفرج في التلفاز لان يحظرًزوجي وتسهر الى غاية منتف الليل اين احضر له المسفوف بالبن بعدين تتفرج الى غاية الواحدة او اكثر بعدما نكون انيمت ولدي على الحادية عشر وتلقايني انا. واالمنتدى بالايباد تتصفح مرة على مرة مع النقاش انا وزوجي في بعض المواضيع
وقد يتبدل اليوم كامل عندما اذهب للعمل لأني اشتغل مع زوجي لكن رمضان احبه في المنزل وهاذا هو يومي العادي في رمضان عسى اننى لم أطول عليك كثيرا وصح فطورك انت والعائلة الكريمة وتقبل الله صيامنا وقيامنا اللهم امييييييييين حبيبتي احلام

[❀عنْفُوَاפּ طُمُوحْ❀]

صحيح ساغير في برنامجي ان شاء الله و من الان فصاعدا ساقوم الليل لان الايام الاولى كنت انتظر ............. تعلمون هههههه

[رؤوف 1990]

ممكن اول ذكر نشارك
انا اصلا مانسحرش
نرقد في الليل على الثانية صباحا
نوض على العاشرة و النصف نصلي الصبح و نحكم الكمبيوتر نقرى شوية صحف حتى منتصف النهار
ونروح نتفرج على ايزيل و بعدو عريس ديلفري حتى الثانية بعد الزوال
نقيل شوية حتى للرابعة
و بعد نروح نصلي العصر في الجامع و نقرى شوية قران
نخرج من الجامع على الخامسة و الربع
نروح للدار نتفرج راجل و ست ستات و بعدو نحكم شوية منتدى الجلفة
حتى السادسة والنصف و نروح نطيب البوراك مع لميمة و بعد نتفرح رامز قلب الاسد حتى السابعة النصف
و نفطر و بعد نخرج نروح نخدم حتى منتصف الليل
نروح ناكل شوية و نحكم منتدى الجلفة شوية و نرقد
اذى هو رمضان عندي

[ام ايمان16]

المشاركة الأصلية كتبت بواسطة sami_2008

تنوضنا ماما للسحور ومباعد نلمو الماعد ونغسلوهم ونروح نصلي شوية حتى يذن الفجر نصليه ونعاود نرقد على 8 نوض نسيق ونقعد في الميكرو شوية ونتفرج شوية ومباعد كي نصلي الضهر نروح نهز القران ونقرى شوية مي عندي سورة كل يوم نقراها هي سورة يسين ومباعد نروح للكوزينا انا الي ندير الفطور وماما تخبز الكسرة كي نكملو نروح نتفرجو في اقرا فيها برنامج ديني مليح بزااف واختي تروح تسجي الطابلة تاع الفطور كي يذن ناكلو شوية شربة ونروحو نصليو المغرب بابا هو الي يصلي بينا ومباعد نكملو فطورنا وكي نكملل نغسل الماعن بالدالة انا واختي وماما تروح للجامع تصلي التراويح هي وبابا حنا نتفرجو شوية الجمعي و ابو كريمة في رقبته 7 حريم ونتفرج ليلى الجزء الثالث ومباعدر نروح نصلي العشااء وتصلي ركعات زايدين نقيم الليل ونرق حتى تجي مااما تنوضني للسحوررر هادي هي حايتي نفس الروتين يتعاود كل يوم

بارك الله فيكي اختي وجزاكي خيرا
شكرا لمشاركتك
حفظكي الله ويسرلكي اموركي
صح فطوركم

[ام ايمان16]

المشاركة الأصلية كتبت بواسطة ميمنة الجزائر

السلام عليكي حبيبتي أحلام
البداية انني انهض قبل الفجر بالمنبه او يوقضني زوجي انني اناًاالاخيرة التي تنام بساعة اقوم بوضع السحور لي وزوجي بعدها اقوم بقراءة القران وما تيسر ومع الدعاء عند الانتهاء منه اي عندما يأذن الفجر نصلي واكمل قراءة القران لان يطلع الفجر اقوم بغسل المعان ثم أنام الى غاية العاشرة بعدها انهض واجهز فطور ولدي ونرتبه بعدين اقوم بأعمال البيت الى الثانية عشر حيث اقوم بعملي اذا وجد اي في الميكرو واضعه في الفلاش ديسك اعطيه لزوجي بعدين اذهب لكي
اتسوق او اذا كان زوجي اعطيه القائمة صباحا لانه يذهب على السابعة والنصف ويحظر لوازم للفطور على الواحدة اين نوجد الغدا لابني وقبل اكون اتصفح المنتدى مرة على مرة بالايباد معي هاذا اذا لم يكون لي عمل لأنني هذه الايام الحالة حابسة شوية في رمضان بعدين اقوم بالصلاة بعد ما نوجد الفطور ومكمل على الساعة الثالثة اين اقوم بمشاهدة التلفاز بعديناقوم بتحضير الديسسار او حلوى اي عند العصر اقوم بالصلاة وقراءة القران لغاية السادسةانروح وتكسل شوية بعدما نخلي ولدي يلعب ونشربو حليبو لغاية السابعة نوجد الفطور او المطلوع اوالكسرة اذاعجنت حتى الأذان نفطرو ونوكل ولدي ونقوم بغسل المعان ومن بعد نوجد آلتاي والمكسرات والفلان وقلبةاللوز او اي نوع من الحلويات بعد ما نصلية التراويح انا عن نفسي بالبيت ساعة على ساعة نذهب معاه او اذهب عند الوالدة وتسهر الى غاية
الحاديةعشر ونصف اذا لم اذهب تلقاينب متفرج في التلفاز لان يحظرًزوجي وتسهر الى غاية منتف الليل اين احضر له المسفوف بالبن بعدين تتفرج الى غاية الواحدة او اكثر بعدما نكون انيمت ولدي على الحادية عشر وتلقايني انا. واالمنتدى بالايباد تتصفح مرة على مرة مع النقاش انا وزوجي في بعض المواضيع
وقد يتبدل اليوم كامل عندما اذهب للعمل لأني اشتغل مع زوجي لكن رمضان احبه في المنزل وهاذا هو يومي العادي في رمضان عسى اننى لم أطول عليك كثيرا وصح فطورك انت والعائلة الكريمة وتقبل الله صيامنا وقيامنا اللهم امييييييييين حبيبتي احلام

بارك الله فيكي اختي ميمنة وجزاكي خيرا
ختمتي القران ولامازال
يومك طويل ومليئ بالحركة
شكرا لمشاركتك
حفظكي الله وحفظ عائلتكي ويسرلكي اموركي
صح فطوركم

[ام ايمان16]

المشاركة الأصلية كتبت بواسطة رؤوف 1990

ممكن اول ذكر نشارك
انا اصلا مانسحرش
نرقد في الليل على الثانية صباحا
نوض على العاشرة و النصف نصلي الصبح و نحكم الكمبيوتر نقرى شوية صحف حتى منتصف النهار
ونروح نتفرج على ايزيل و بعدو عريس ديلفري حتى الثانية بعد الزوال
نقيل شوية حتى للرابعة
و بعد نروح نصلي العصر في الجامع و نقرى شوية قران
نخرج من الجامع على الخامسة و الربع
نروح للدار نتفرج راجل و ست ستات و بعدو نحكم شوية منتدى الجلفة
حتى السادسة والنصف و نروح نطيب البوراك مع لميمة و بعد نتفرح رامز قلب الاسد حتى السابعة النصف
و نفطر و بعد نخرج نروح نخدم حتى منتصف الليل
نروح ناكل شوية و نحكم منتدى الجلفة شوية و نرقد
اذى هو رمضان عندي

بارك الله فيك اخي وجزاك خيرا
شكرا لمشاركتك
حفظك الله ويسرلك امورك

[hajer.joujou]

انا ننوضو للسحور كامل كينخلصو يروحو الدراري للجامع و مبعدنصلي و نقرا شوية فالمصحف من 2 حزب الى 3 ثم اعود للنوم
نعاود ننوض على 9 او 10 فينا اللي يحط لفطور و فينا اللي يفرش و اللي يسيق و ماما فوق رواسينا تقول عليها مدير هههه كينخلص نقعد مع الانثرنث و منتدى الجلفة من 1 الى 3 و مبعد ننوض نرقد كيتلحق ال 4 تلقى الدار كامل مقيلة و مرة على مرة كينلقى روحي قاعدة نقرا فالمصحف نحاول نختمو اكثر من مرة نعاود ننوض فلعشية ندخل للكوزينة نوجد الطابلة و بعد الفطور نعاود نلم المواعن نغسلوهم بالدالة و بعدها نقعدو نتفرجوحتى يرجعو من التراويح و نروحو نرقدو و هكذا حتى يخلص رمضان
صح رمضانكم كامل

[راجي الصّمدِ]

السّلام عليكم ورحمة الله وبركاته

- توقظنا الوالدة حفظها الله تعالى للسحور

- صلاة الفجر في المسجد

- استراحة لمدة نصف ساعة

- الإبحار في منتدى الجلفة

- قراءة القرآن حتى 11:00

- مطالعة بعض الكتب حتى 13:00

- صلاة الظّهر في المسجد

- القيلولة حتى العصر

- صلاة العصر في المسجد

- متابعة برنامجي خواطر وأندى العالمين

- قراءة القرآن حتى المغرب

- اللإفطار وصلاة المغرب

- الإفطار مع العائلة

- استراحة لمدة 20 دقيقة لا متابعة للسكاتشات الحابطة

-الذهاب للمسجد لصلاة التراويح

- الجلوس مع الأهل قليلا قلب اللوز والشاي

- النوم على 12:00 على أقصى تقدير ............................



صح فطوركم وصحّ صيامكم

[imi02i]

المشاركة الأصلية كتبت بواسطة تفاحة12

السلام عليكم
الموضوع باين من العنوان
كيف تمضي يومك في رمضان
ابتداءا من السحور وحتى السحور لليوم الموالي
كل واحد يدخل يشاركنا يومو الرمضاني وماذا يفعل فيه
تقبل الله صيامكم وكل عام وانتم بخير
صح فطوركم

السلام عليكم
أغلب الأوقات
نوض للسحور
أحيانا أصلي الفجر في البيت وأحيانا أذهب مع الوالد إلى المسجد وأمكث هناك حتى طلوع الشمس لقراءة القرآن وأحيانا أصلي في البيت وأتي إلى المنتدى
بعدها أتوجه إلى الزاوية
فأقرا القرآن وأحفظه للبنات الضغيرات
أرجع وقت الظهر
أصلي وآخذ قيلولة حتى العصر
تبقى فترة مابين العصر والمغرب أحيانا قراءة قرآن وأحيانا كتابة بعض الخواطر والأشعار
وبعد الفطور إلى صلاة التراويح
وبعد التراويح إلى النوم

[ام ايمان16]

المشاركة الأصلية كتبت بواسطة hajer.joujou

انا ننوضو للسحور كامل كينخلصو يروحو الدراري للجامع و مبعدنصلي و نقرا شوية فالمصحف من 2 حزب الى 3 ثم اعود للنوم
نعاود ننوض على 9 او 10 فينا اللي يحط لفطور و فينا اللي يفرش و اللي يسيق و ماما فوق رواسينا تقول عليها مدير هههه كينخلص نقعد مع الانثرنث و منتدى الجلفة من 1 الى 3 و مبعد ننوض نرقد كيتلحق ال 4 تلقى الدار كامل مقيلة و مرة على مرة كينلقى روحي قاعدة نقرا فالمصحف نحاول نختمو اكثر من مرة نعاود ننوض فلعشية ندخل للكوزينة نوجد الطابلة و بعد الفطور نعاود نلم المواعن نغسلوهم بالدالة و بعدها نقعدو نتفرجوحتى يرجعو من التراويح و نروحو نرقدو و هكذا حتى يخلص رمضان
صح رمضانكم كامل

بارك الله فيكي اختي هاجر وجزاكي خيرا
شكرا لمشاركتك

تحطو لفطور مع الصباح
ربي يحفظلك والدتك (حتى وان كانت مدير)
حفظكي الله وحفظ عائلتكي ويسرلكي اموركي
صح فطوركم