سلكوني قبل مانهبل كيفاه نشمخ القلب لوز

[khadoudje]

سلام عليكم
تعيشو قولولي كيفاه يتشمخ قلب اللوز اذا بزاف ولا شوية و اذا يتشمخ كي المقروط أو قل منو
درتو آخر مرة جاني يتفتت
كيفاه نديير تعيشوا

[ريال مدريدية و افتخر]

ما تشمخش السر فيه هو انك ما تعجنيهش من الاحسن خلطيه بالباتور
كي تكملي خليه يريح من الصباح لليل و لا العكس
ووجدي العسل يعني برديه و عي تخرجيه سقيه
يخرج هبال صنعيه و رديلي الخبر

[Remàn]

شوفي مقدار يوطرو تاع شاربات ولا عسل .......ل صينية صغيرة ....
وماشيي شرط تخليهآ لمدة ليلة ساعة تكفي قبل ما تحطيها في الكوشة
وكي تخرجيها حامية من الكوشة فورا اشقيها بالشاربات او العسل
وعينك هي ميزأنك
وهذآ على حد علمي
وشكرآ أختي

[أمل العرب]

المشاركة الأصلية كتبت بواسطة khadoudje

سلام عليكم

تعيشو قولولي كيفاه يتشمخ قلب اللوز اذا بزاف ولا شوية و اذا يتشمخ كي المقروط أو قل منو
درتو آخر مرة جاني يتفتت
كيفاه نديير تعيشوا

السلام عليكم صح فطورك
أختي الكريمة بالنسبة لقلب اللوزكاين اللي يشمخو وكاين اللي مايشمخوش بزاف
أن نعطيك تجربتين درتهم ونجحولي باذن الله وخرجلي خيرمن الي يتباع
الأول نعطيك الرابط نتاعو وجربتو عدة مرات وانجحلي وما يتشمخش بزااااف
وتبعي الردود تلقاي الي جربوه واعجبهم


قلب اللوز مضمون وعلى طريقة الغالية نسرين ربي يحفظها


الثاني تعلمتو من عند أخت لي في الله تعلم الحلويات وكان أسرع وأسهل وهو كالتالي

قلب اللوز
لكل تجربة للاول مرة جربي رطل سميد او كيلو
2 كيلات سميد خشين
1 كيلة سكر
نصف كيلة زيت
نصف كيلة ماء الزهر
نصف كيلة ماء
قرفة نصف مغرفة صغيرة
الحشو
3 كيلات للوز او كاوكاو
1كيلة سكر نقص 1 اصبع قرفة نرش بماء الزهر
الشربات
500غ سكر
1 لتر ماء
الديكور
حبات كاوكاو او للوز
نخلط السميد مع السكر جيدا حتى يصبح يبرق ونرمي القرفة فوقها
نزيد فوقه نصف كيلة زيت ونخلط جيدا
ونرش بالماء الزهر
نعمل بكف اليد كورة وادا تشكلت يعني حلاص ماء الزهر لان السميد كين اللي يشرب وكاين لا
نمسح السنوة جيدا بالزبدة نقسم العجين على 2 ونفرغ الخليط بدون الضعط عليه
في الوسط نعمل الحشو
ناخذ معرفة كبيرة وكاس ماء ونشمخ المعرف ونمسح من فوق حتى يتساوى السطح
نعمل خطوط مربعات و نرقش حبات اللوز او كاوكاو
الكوشة تكون سخونة جيدا
يطيب تقريبا ساعة وعندما يحمار من اطراف نشعل من فوق
ثم نخرجه ونسقيه بالسيرو
شهية طيبة وكل ما قعد يبرد يشرب السيرو




نخلط السميد مع السكر حتي تصبح كل حبة سكر مع حبة سميد تبرق 5 د



نفرغ الماء والماء زهر









نستطيع ان لانكمل كمية الماء حسب السميد اذا كان يشرب او لا بهذه الطريقة عندما تحكم الكورة تتوقفي من وصع الماء



نفرغ الحشو بدون الضعط



ونرفد العجين ونفرغ فوق الحشو بدون ضعط بمغرف مبلول في الماء نمسح الوجه


تعملي خطوط بدون ان تضعطي للاسفل السنوة غير من فوق لكي



والان تدخليه للفرن درجة حرارة مرتفعة توضغيه في الوسط الفرن وتوجدي الشربات

ملاحظة /

تستطيعي تخليه يرتاح ليلة قبل الطبخ
الشربات لازم تكون باردة



وما تنساينيش وصاحبتا الوصفتين من دعائك الصالح

[أمل العرب]

كل من الوصفتين نا جحتين مئة بالمئة فقط تبعي جيدا الخطوات
الوصفة الثانية تقدري تطيبيه في وقتو بلا ما يبات أما الاول فصاحبة الوصفة تقول لازم يرتاح على الأقل نصف يوم
وأنا ننصحك جربي الوصفة الثانية لأنها أسهل وأسرع وبعدما تنجحي باذن الله جربي الثانية وتنجحلك ثاني

نوريلك صور من تطبيقي للوصفة الثانية واحكمي بنفسك



وهذي عن قرب




واذا حبيتي تجربي حاجة قليلة
شوفي جيبي سنيوة صغيرة وأعبري فيها 2مشيربات تشيشة ونصف مشيربة سكر وهوما نا شفين
واذا جاتك فيا مليحة قريب تتعمر ديري فيها
وأعبري بالمشيربة
2مشيربات تشيشة ونصف مشيربة سكر ونصف مشيربة زيت
وامبعد تبعي الخطوات
واذا درتي سنيوة صغيرةديري الشاربات 250غ سكر في نصف لتر ماءوخليها فوق النار ربع ساعة لا أكثر
يعني ما تخليهاش تثقل باش ما ييبسش
وأنا مانخليهش يبات نديرو مباشرة ويجيني هاااايل
وما تنسايش كي تشمخيه لازم يشكل كرة كيما تقول صاحبة الوصفة وما تقوليش كثرتلو الماء ,,,بالعكس


وان شاء الله نكون قدرت نساعدك بهذا التفصيل الممل وكي تخدميه رديلي الخبر

وما تنسايناش من صالح الدعاء

[khadoudje]

اللي جاوبوني كامل نقوللهم
اذا كنتي غير مخطوية ان شاء الله تتخطبي لواحد وليد فاميليا و اذا كنتي متزوجة الله يرزقك ذراري اللي راكي حابتهم و اذا عندك دراري الله يجعلهم ذرية صالحة
بارك الله فيكم و اليوم راني جربت وصفة و الله يجعل خير
صح فطوركم

[أمل العرب]

ربي يسهلك وينجحك في كل شي تحبي تديريه

وان شاء الله الصباح تدخلي باش تفرحينا بلي راهو نجحلك

ورانا هنا باش نتعاونو باذن الله وماكانش اللي زادت معلمة ,,,,,,,,,,,والعلم بالتعلم

[أمال2008]

شكرااا على النصائح