نحكيلكم قصة بنت خالتي و احكموا ...........

[CHOUCHOU1]

السلام عليكم راح نحكيلكم قصة بنت خالتي و احكموا

عندي بنت خالتي عمرها 16سنة تحب واحد اكبر منها ب9 سنين بصح هو متزوج قلتلها بلى هذا الحب حرام قالتلى بلي

عندها اربع سنوات وهي تحبوا وثانى قبل ما يزوج سقسيتها قتلها كيفاه بديتى تحبيه قاتلي هو كان ابوه حال تحتهم حانوت وهاذا ابنو يخدم معاه و كيما كانت صغيرة كانت امها تبعثها تشري من عندوا ومنبعد كي كبرت شوي ولاة متروحش وبداة تحبوا قالتلي لخطر يتعامل معى الناس بظرافة و كي يشوف كشما امراة يهبط راسو وتانى خجول بزاف ويطيع ربى فقاتلي عجبتنى الشخصية نتاعوا و قاتلي بلي كي كانت تروح تشري عليه كيما كانت صغيرة يسقسيها وشراكي وشحال جبتي المعدل ودكا كي عاد عندها 16 سنة وتعقب عليه كي يشوفها يهبط راسوا لخاطر خجول وتاني هو زوج معندوش بزاف وزاد عندوا طفل وهي نهار وطول وهي تبكي ومحبتش تنساه انصحوني وش نقلها باه تفهم وتنساه تعيشو

[بسمة محبة]

لا حول و لا قوة إلا بالله 16 سنة

استغفرك اللهم و اتوب إليك...

من أين لها بكل هذه الخبرة؟؟؟؟؟؟

سلام.

[خـواطـر]

السلام عليكم

سنّها 16

هذا ليس بحُبّ

الفتاة لديها فراغ عاطفي

ســلاام

[طيب القلب]

السلام عليكم الفتاة تمر بفترة المراهقة و بحاجة إلى توجيه ومشكلتها تتمثل في الإعجاب ب الشاب لا أكثر تطور إلى حد التعلق به عليك أن تفهميها بأن الذي تشعر به إعجاب لا أكثر و أنها مازالت صغيرة و المستقبل أمامها .

[nessmat el charq]

سلام
هدا ليس حب بل اعجاب او فقط ه هي معجبه باخلاقه و طيبته و عليك يا اختاه ان ترشديها اخبريها بان هدا الحب مستحييييييييييييييل و افهميها بان ما هدا سوى اعجاب عابر بالله عليك ان تخبرين هل من جديد يا اختي فيما يخص ابنه خالتك و شكرا

[Gulussa | GIMP]

هذي ماتكون غير أنتي ... ليس من المستحيل أن تتزوج بشخص أكبر منها و لكن بعمر والدها لا أظن أن هذا يجوز.
والشيء الآخر أنه متزوج إن فعلت شيء فستدمر العائلة.

ربي يهديك اختوو تحب واحد قدها ماشي قد باباها

[سلمى_2008]

اختي العزيزة هادا اسمو اعجااب هادا مكاان الطفلة مزالت صغيرة انصحيها تهتم بقرايتها وكي يزيد يسميوه بوزيد كي تكبر انشاء الله يجمعها ربي بولد الحلال

[sinyoorah]

هاد الشي طبيعي و ماهوش حب مع الوقت هي راح تفهم هاد الشي بلي مجرد اعجاب حاولي تقنعيها انها ما تحبوش و طلعيلها معناوياتها انها فتاة شابة و جاية للدنيا و قدامها مستقبل كبير لانها بحاجة لهاد الشي و ربي يهديها و يهدينا جميعا ان شاء الله

[perle_noire]

tefla mezalha sghira , ana j la conseil t'occupé le temps ta3haw matriyahch bezaf wahedha hakda bach matekhememch fih
, sois tkamal ls études dyawelha wela dir une ptite formation ( cuisine couture..etc)hakda ki tekhraj tchouf lghachi , tgessar m3a ls collegues ta3ha
tweli tensah

puisque il est marié ghir tensah, sinon elle va détruir tt une famille ,

[hajer.joujou]

هذي فترة مراهقة لا اكثر ولا اقل و هي تمر بحالة اغلب بنات عمرها يمرو بها لازم تفهميها بلي هي صغيرة و تنحي الافكار هادو من راسها تهتم بقرايتها و مبعد يرحمها ربي
ربي يهدينا ..............صح جيل صعييييب

[ربي اغفر لي]

ههههههههههههههه اختي سمحلي انا نضحك بسكو في عمري 16 سنة
قوليلها قالتلك ختك نحي الهبال من راسك كيفاه تحب واحد متزوج قولها تبركاها من الخرابيط
وتقر لكتوب وتملا فراغها بما ينفعها
وتحية ليها ومعليش عونيها درجة درجة متاكدة مع الوقت تقتنع و تنزح بادن الله تعالى عن هادي الفكرة

[sarl02]

المشاركة الأصلية كتبت بواسطة ربي اغفر لي

ههههههههههههههه اختي سمحلي انا نضحك بسكو في عمري 16 سنة
قوليلها قالتلك ختك نحي الهبال من راسك كيفاه تحب واحد متزوج قولها تبركاها من الخرابيط
وتقر لكتوب وتملا فراغها بما ينفعها
وتحية ليها ومعليش عونيها درجة درجة متاكدة مع الوقت تقتنع و تنزح بادن الله تعالى عن هادي الفكرة

16 سنة واش راكي اديري هنا ..نورمالمو راكي اتشوفي في توم و جيري ذرك .

[المتوكل محمد]

رأيي أن تمنعوها من الذهاب الى الحانوت الذي يعمل فيه الشاب
ولايسمح لها الذهاب الى هناك ابدا مهما كان لانه معصية لله عزوجل ..
وتشغلونها في عمل البيت بزاف
وتشغلونها بالتعليم ولاتغفلون عنها لان هذا الامر في هذه السن
ابتعاد كبير عن الصواب وربما يؤدي الى انحراف اكبر ..
وفقنا الله تعالى لكل خير

[ivaoran]

اجل لديها فراغ عاطفي
و هذا حب مراهقة
خليها برك
يجي النهار تنساه و كي تتفكره
تضحك على روحها

[~~ أغيلاس ~~]

كما قال الإخوة الأعضاء، هذا ليس حبا و إنما إعجاب .

حاولي تنصحي بنت خالتك و اطلبي من أمها بطريقة غير مباشرة بأن تشغل ابنتها و لا تتركها للفراغ الذي ينجر عنه الكثير من الوساوس و الأوهام .

بعد أشهر أو اكثر سوف تضحك بنت خالتك على نفسها لما تتذكر ما كانت تفكر به .