كنا ننتظر إلغاء كل الشروط لكن نلاحظ العكس

mostafa27250 · 2011-07-28, 15:14

كنا ننتظر إلغاء كل الشروط لكن نلاحظ العكس بدلا من إلغاء شرط المعدل الذي كان السنوات الماضية بإحدى عشر أصبخ الأن بإثنى عشر
السؤال المطروح لماذا ؟
الجواب هو أننا نحن لا نتكلم حتى تمسنا الشروط )مصلحتنا الخاصة)
فئة كبيرة من الطلبة رضيت بالشروط السنوات الماضية بالرغم من أن معدل القبول كان 11 بحيث تم حرمان فئة كبيرة من متخرجي الجامعاتومن بينهم أنا شخصيا
كي نتضامنا مع بعضنا يجب المطالبة بإلغاء كل الشروط دون استثناء ولا نرضى بإلغاء بعض الشروط
كل من تحصل على شهادة ليسانس له الحق في المشاركة لأن المسابقة على أساس الإختبار

إني أتكلم على جامعة سيدي بلعباس
بالتوفيق للجميع

lwiza2000 · 2011-07-28, 15:23

بتوفر كل الشروط ولم انجح 4 مرات

zanzi · 2011-07-28, 15:41

كلام الوزير التعليم العالي بخصوص الغاء الشروط خرطي في الخرطي

blacksol · 2011-07-28, 15:57

علاه يلغى الشرط خلي نطلعو المستوى شويا

mostafa27250 · 2011-07-28, 17:07

اقتباس:

المشاركة الأصلية كتبت بواسطة blacksol

علاه يلغى الشرط خلي نطلعو المستوى شويا

نتا واحد من هادو الي راني نهدر عليهم
راك تقولي المستوى، المستوا يبان نهار المسابقة ماشي في الشروط ياخويا
الوزارة راهي عارفة بلي كاين ناس كيما نتا ويفكرو بهدا التفكير
تخمم غير في روحك
ونزيدك حاجا أنا معدلي لأربع سنوات كان 10.89 وشاركت في الماجيستير عدة مرات وخرجت في القائمة الإحتياطية وين راه المستوى نتاعك
حتى ولو أنك متحصل على الماجيستير ماتكونش أناني
الله يهديك

hamza722 · 2011-07-28, 17:17

في الإتحاد قوة أنا معك أخي الكريم

blacksol · 2011-07-28, 19:06

اقتباس:

المشاركة الأصلية كتبت بواسطة mostafa27250

نتا واحد من هادو الي راني نهدر عليهم
راك تقولي المستوى، المستوا يبان نهار المسابقة ماشي في الشروط ياخويا
الوزارة راهي عارفة بلي كاين ناس كيما نتا ويفكرو بهدا التفكير
تخمم غير في روحك
ونزيدك حاجا أنا معدلي لأربع سنوات كان 10.89 وشاركت في الماجيستير عدة مرات وخرجت في القائمة الإحتياطية وين راه المستوى نتاعك
حتى ولو أنك متحصل على الماجيستير ماتكونش أناني
الله يهديك

عندك الحق في بعض ماقلت بصح الشروط تبقى منطقية واحد لي اجتهد طيلة 4 سنوات أولى lمن شخص لي اجتهد غير فالمسابقة و الله أعلم

mostafa27250 · 2011-07-28, 19:19

اقتباس:

المشاركة الأصلية كتبت بواسطة blacksol

عندك الحق في بعض ماقلت بصح الشروط تبقى منطقية واحد لي اجتهد طيلة 4 سنوات أولى lمن شخص لي اجتهد غير فالمسابقة و الله أعلم

صحيت خويا بصح ماتنساش بلي كاين في جامعات متفوق الدفعة بمعدل 11 وين راه الإجتهاد يا خويا وكلين بعض الجامعات أحسن معدل 16 أو 17 و13 و14 بلا مانقولك هذا ماشي ضلم لأصحاب 10 و11
الحل الوحيد هو إلغاء كل الشروط
ربي يوفق كل مجتهد وعلابالك يا خويا لوكان نبغي نعاود نقرى في الجامعة نبلع العام ب17 لخاطرش صحابي راهم يقرو مانحظرش ونبلع بصح ماخصنيش كيماهاك

نور التفاؤل · 2011-07-28, 20:48

عمر الانسان ما يقيس مستواه بالمعدل راكم تهفو في رواحكم وتقولو نطلعو المستوى
راني معاك الاخ مصطفى هدرتك في مكانها

akrimou · 2011-07-28, 20:51

أنا عندي معدل 12 في اللغة الفرنسية و كتفوني بشرط السن يحسبوني كبش رايح يهرب.

سفيان01 · 2011-07-28, 21:22

السلام عليكم...
إخوتي الكرام يجب أن نتكتل ونضع حدا لهذه المسألة...كيف يصرح الوزير ويرسل تعليماته رسميا إلى كل الجامعات بإلغاء جميع الشروط الخاصة بمسابقات الماجستير؟؟؟هل أصبحت قرارات المجالس العلمية فوق قرارات الوزير؟؟؟أمر غريبوالأغرب منه صمت طلبة الكلاسيك على هذا الأمرإخوتي يجب أن نعترض على مثل هكذا تصرفات لامسؤولة من طرف بعض المجالس العلمية وحتى من طرف عمداء هاته الجامعات...
بالنسبة للطلبة الذين يقولون بأن رفع المعدل ووضع الشروط من شأنه رفع المستوى
عن أي مستوى تتحدثون...الأمر ومافيه هو عبارة عن إجراء مسابقة وفي المسابقة يظهر المستوى الحقيقي الذي تتحدثون عنه...مالذي تخشونه؟؟؟دعوا كل طالب يجتاز المسابقة والطالب الذكي والشاطر ينجح...لقد درست في جامعة الأول في الدفعة لديه معدل 12والسبب هو أن الأساتذة يتحدون الطلبة"وكاين السابوتاج" كما يقال بالعامية عن نفسي لدي خطأ في المعدل بالنسبة للسنة الأولى جامعي خاصتي ولليوم لم يصحح هذا الخطأ من طرف الإدارة،وهو الأمر الذي تسبب في حرماني من المشاركة في العديد من مسابقات الماجستيروإني أفكر في رفع دعوى قضائية ضد الجامعة لتسببها لي بهذا الضرر المعنوي وأطالب بتصحيح الخطأ
على كل حال حسبي الله ونعم الوكيل في من ظلمني الجزائر هي البلد العربي الوحيد الذي يفرض شروطا في الماجستير على مستوى الجامعات العادية
أفيقوا ياطلبة لم ولن يكون المعدل المعيار الدقيق لقياس مستوى الطلبةوكما أوجه كلامي للإدارة المكلفة بمتابعة ملف الماجستير على مستوى وزارة التعليم العالي والبحث العلمي بأن تكون صارمة في إتخاذ قرارات ردعية ومعاقبة الجامعات التي خرقت تعليمة السيد وزير التعليم العالي والبحث العلمي وإلا أطلب من كل طلبة الكلاسيك الإحتجاج أمام مقر الوزارة حتى يستجاب لمطالبنا المشروعة

أخوكم سفيان

يوسفي عبدالقادر · 2011-07-28, 21:43

اقتباس:

المشاركة الأصلية كتبت بواسطة lwiza2000

بتوفر كل الشروط ولم انجح 4 مرات

هذه السنة أتمنى لك الظفر بمنصب ، و أنا متابع لرحلتك الشاقة مع الماجستير مع الأخت دلال و الأخ كونان و ألأخ عيسى (إقتصاد) ..وغيركم تمنياتي للجميع التوفيق

lwiza2000 · 2011-07-29, 09:37

شكرا جزيلا لك
ان شاء الله

mostafa27250 · 2011-07-29, 09:50

اقتباس:

المشاركة الأصلية كتبت بواسطة soumia mosta

عمر الانسان ما يقيس مستواه بالمعدل راكم تهفو في رواحكم وتقولو نطلعو المستوى
راني معاك الاخ مصطفى هدرتك في مكانها

إن شاء الله نجيبو حقنا

mostafa27250 · 2011-07-29, 09:52

اقتباس:

المشاركة الأصلية كتبت بواسطة يوسفي عبدالقادر

هذه السنة أتمنى لك الظفر بمنصب ، و أنا متابع لرحلتك الشاقة مع الماجستير مع الأخت دلال و الأخ كونان و ألأخ عيسى (إقتصاد) ..وغيركم تمنياتي للجميع التوفيق

شكرا وأنا ماشتنيش شفت غير الأخت لويزة
صحيت خويا ربي يحفظك