عَــــــــــــيْنِي لشاعر عمر زيعر / بن عــــلال

[ziar]

عَــــــــــــيْنِي

سَـالُوا عَـــيْنِي وَاشْ شَـافَتْ يَا عُـــقَّالْ[1] سَـالوهَا تَـــحْكِـيْلْكُمْ وَاشْ جْــــــــرَالِي
سَـالُوهَا هِـيَّ اللِّــي قَــــــبْلِي تَــتْسَـــالْ سَـــالوا وَهْدُوا مْسَالْتِي تَبْقَى تَــالِي
سَـالو مَنْ هِىْ سَبْتِي في كُل سْـــوَالْ سَالوا وَعْـلاشْ سَـيْلْهَا بَــلْ[2] نْـجَالِي
عَــيني سَـبَّة نْـسَـالْهَا يَـــومْ التَّــسْوَالْ هِيَّ لا سَــــبَّة سْــوَاهَا لَــسْوَالِي
لَــوْمَا عَـيْنِي مَـا يْــضِيْقْ عْــلِيَّــا حَــــالْ مَا نَـتْلاحْ مْنَ الوْسَـعْ وَسْـطَ خْـبَـالِي
عَـيْنِي شَافَتْ مَـا شْـفَيْتْ آنَــــــا لَلْحَـــالْ شَـوْفَة وَتْمَشَّيتْ فِي شَوْشَةْ حَـالِي
شَتاوَنْ شَافَتْ شَلْوْشَتْنِي شَفْتْ هـْــوَالْ شَـبْتْ وْ مَـــا شَــفَّـيْتْكُمْ يَاعُــــــذَّالِي
شَاوَ شْبَابي رْشَيْتْ مَنْ كُثْـرَتْ لَمْشَـالْ[3] عَـيْنِي شَافَتْ حَالْهَا شُــــوفُو حَــالِي
يامَنْ شُــفْتُوا شَــارْدَة[4] عَـشْرَتْ خَــيَّـــالْ رَ امَــتْ دَزْ الخَــيْلْ لا بيـه تْبَـــــالِي
شَـبْهَتْ لَـجْـــــــدَلْ شَفْتْهَا كَحْلَتْ لَنْجَــالْ في مَـشْيَتْـهْا تْــدُقْ لَــَـــوَّلْ بَالتَــالِي
عَيْنِي شَــافَتْ عَـيْنْهَا وَ الرَّمْشْ ذْبَـــــالْ أَضْحَى مَنْ لَـبْــعَادْ فَالــذَّاتْ يْــخَالِي[5]
أنْـــطَقْلِي بَحْدِيثْ حَـرْفُوا مَــا يَـنْقَــــــالْ يَعْجَــزْ عَنْ تَفْسِيْــرْهَا صَمْتْ الخَـالي
يا رَاجَــلْ مَـضْمُونْــهَا ضِــيْقَة وَهْبَــــالْ بَعْدَ مَّـا بَــشْكَــــالْهَا غَــــرَّتْ حَــــالِي
أغْطَسْتْ آنَــا في كْحَالْ العَــيْنْ شْحَـالْ تَـاهَـتْ بِيَّــا دُنْـيْـتِي وَسْــطْ البَـالِي[6]
زُرْتْ مْرَاسَمْ خَـــــــالْيَة وَلاَّتْ طْـــــلاَْلْ جَـبْتْ مْجَاحَمْ[7] دَامْـيَة بَينْ دْخَـــالِي[8]
لَـــوْمَا عَـيْنِي مَـــايْضِيــقْ عْـلِيَّــا حَــــالْ مَــا نَتْــلاحْ مْنَ الوْسَعْ وَسْطْ خْبَـالِي
عَـيْنِي وَالعَـينْ عَـيْنْهَا وَعَـيُونْ الفَــــالْ هُــومَا كُــلْ جْـرَاحْ قَـــلْبِي وَعْـلالِي
وَالقَافْ إيْذَا بْغَيتْ تَعْرَفْ وَاشْ نْحَــالْ [9] سَالْ عْــلِيْهَا هْـبِيلْ حَالوا مَـن حَــالِي
وَلْيَـا قَصْبَة شِــــيْخْهَا شــَـدْ التَـرْحَـــالْ هَـــلَّكْلِي تَــرْيَاشْهَا[10] جُـــــلْ دْخَــالِي
لا تَــحْسَبْ في لَـيْــلْهَا لَيْـــلاتْ طْــــوَالْ يَــا رَاجَــــل ْ حَـذَّارْهَا[11] فِــيهْ لْيَــالِي
سَـوَّلْ رُوحَكْ وَاشْ تَنْطَقْ قَبْلَ القَــــالْ تَــــفْهَمْنِي بَالعَــينْ وَطْــرِيحْ التَــالِي
لَـوْمَــا عَـيْنِي مَا يْـــضِيْقْ عْلِيَّــا حَـــالْ مَـــا تَـتْغَنَّى وْتـَــار قَـــلْبِي بَالعَــالِي

عمر زيعر / بن عــــلال

[1]عقال = جمع عاقل

[2]بل = بمعنى بلل

[3]لمشال = جمع مشل وهو أثر الخيط على القماش

[4]شاردة = الغزال

[5]يخالي = يهمس

[6]البالي = قديم الذكريات

[7]الجحم = ما يرمي إلى الدم والجراح

[8]الدخال = الجوف

[9]واش نحال = ما هو مخفي

[10]الترياش = نوع أو موال من مواويل آي ياي

[11]الحذار = هو آذان الفجر