(مبقاش شاب صالح ولا فتاة صالحة وعلاش؟؟؟؟)

[***وحيدة كالقمر***]

بسم الله الرحمن الرحيم
مرحبا بكل اعضاء منتديات الجلفة
انشاء الله تكونوا لباس عليكم في وقت مبقاش فيه الامان ولا راحة البال من كثرة الهبال
راني حابة نشاركم فهاد الموضوع ولي هو :::::::::::::::::
راني نشوف وربما انتوما تاني وكامل الناس بلي فهاد الزمان مبقاش شاب صالح ولا بنت صالحة
وعلاش في رايكم
انا راني حايرة على خاطر كيما يقولوا ناس زمان راح المحرم فالمجرم ،ولينا نحسوا اي شاب ولا فتاة غير صالحين وعلاش هكدا راه يصير
ولات بنت الحرام تجر معاها بنت الحلال حتى ادا كانت عاقلة ويقولوا عليها كيفها
وبالمثل الشاب الفاسد يجر الصالح وهي هكدا
اليوم حبيتكم كامل لهنا نتحاوروا ونتناقش وبلاك ربي نلقاو حل
انشاء الله يا رب

[عزة20]

بصح هذا الشيء موجود في كل زمان وفي كل مكان لازم كاين صالح وطالح اللى الابد وشكرا لك

[** سدرة المنتهي **]

يا شوشو...........هده هي هدرة الناس ديما يخرجو في العبد لي راهي خلاه مش فيه ...وش رايحة نقولك .... لازم نعيشو عيشة ترضي الله و مايهمناش في اللي يهدر خاطر مشو هو اللي راح يرقد في قبري ................ربي يهدينا اجمعين..........وشكرا علي هدا الموضوع الواقعي والمعاش

[أبو خالد سيف الدين]

كاين أهل الخير مازال
و كثير من الشباب الله يبارك شاد في دينو
و كثير من الشابات الله يبارك محترمات

المهم ما نبالغش
يعني ماشي باش يكون الواحد صالح لازم تكون فيه صفات صحابي جليل, و لوكان فيه صفة أو إثنين ماشي ملاح نحكم عليه بالفساد
و لازم كذالك ما نحكموش على الناس من الظاهر فقط
لأنه الصح في القلوب
كاين الي ما يصليش و سوكارجي بصح قلبه بيض و حنين و يتصدق على الفقراء و يحب الناس و ما يظلمهمش
هاذا لوكان لقى الي ياخد بيده يتوب

و هذه هي الفايدة الكبيرة

لازم نأخذوا بيدين بعضنا

لأن الدين هو: النصيحة


شكراً

[رملاك]

سلام و جمعة مباركة

[***وحيدة كالقمر***]

المشاركة الأصلية كتبت بواسطة عزة20

بصح هذا الشيء موجود في كل زمان وفي كل مكان لازم كاين صالح وطالح اللى الابد وشكرا لك

شكرا على مرورك اخي بصح رانا نشوفوا بليالطالح غلب الصالح
ربي يجيب الخير

[***وحيدة كالقمر***]

المشاركة الأصلية كتبت بواسطة tassnime

يا شوشو...........هده هي هدرة الناس ديما يخرجو في العبد لي راهي خلاه مش فيه ...وش رايحة نقولك .... لازم نعيشو عيشة ترضي الله و مايهمناش في اللي يهدر خاطر مشو هو اللي راح يرقد في قبري ................ربي يهدينا اجمعين..........وشكرا علي هدا الموضوع الواقعي والمعاش

امين يا رب ،وانشاء الله الناس كامل يفيقوا ويفطنوا مليح والي يحب يهدر لازم يوزن كلاموا قبل
شكرا حبيبة تسنيم على ردك الجميل

[***وحيدة كالقمر***]

المشاركة الأصلية كتبت بواسطة abou_khaled

كاين أهل الخير مازال

و كثير من الشباب الله يبارك شاد في دينو
و كثير من الشابات الله يبارك محترمات

المهم ما نبالغش
يعني ماشي باش يكون الواحد صالح لازم تكون فيه صفات صحابي جليل, و لوكان فيه صفة أو إثنين ماشي ملاح نحكم عليه بالفساد
و لازم كذالك ما نحكموش على الناس من الظاهر فقط
لأنه الصح في القلوب
كاين الي ما يصليش و سوكارجي بصح قلبه بيض و حنين و يتصدق على الفقراء و يحب الناس و ما يظلمهمش
هاذا لوكان لقى الي ياخد بيده يتوب

و هذه هي الفايدة الكبيرة

لازم نأخذوا بيدين بعضنا

لأن الدين هو: النصيحة

شكراً

كلامك موزون وصحيح اخي
بصح الي راه يصرا دك صعيب بزاف وكي تلقى واحد ولا وحدة مليحة مغاديش يخلوك العباد ترتاح لازم يخسروا ولو بالقليل
شكرا على مرورك

[***وحيدة كالقمر***]

المشاركة الأصلية كتبت بواسطة mimicabba

سلام و جمعة مباركة

جمعة مباركة شكرا

[جوهرة تلمسان]

السلام عليكم و رحمة الله

من قال أن الناس هلكوا فهو أهلكهم
لا زال الخير في أمتنا مهما كثر الشر فيها
فقولك هذا : مابقاش شاب و لا فتاة صالحة و علاش؟
أظنه في غير محله و لا يصح أن يقال

[***وحيدة كالقمر***]

المشاركة الأصلية كتبت بواسطة جوهرة تلمسان

السلام عليكم و رحمة الله

من قال أن الناس هلكوا فهو أهلكهم
لا زال الخير في أمتنا مهما كثر الشر فيها
فقولك هذا : مابقاش شاب و لا فتاة صالحة و علاش؟
أظنه في غير محله و لا يصح أن يقال

شكرا على مرورك الكريم
قولك انا هذاليس في محله
اظنه خطا ونحن نعرف ان هذا شائع جدا في وقتنا هذا فلما تتهربين

[ماجيك بوقرة]

السلام عليكم و رحمة الله و بركاته
بادئ الامرلي ملاحظة عن العنوان ارى انه ليس بالعنوان الصائب لانو يا اختي متى خلت الدنيا من الناس الصالحة ؟؟؟؟ لكن كان الاجدر بك القول" من يؤثر في الاخر الشاب الصالح ام الشاب الطالح "
اختى الكريمة في كل وقت هناك خير و شر هناك صالح و طالح لكن لا ننكر في وقتنى عم الفساد و بالاجهار ايضا لدلك اختى علينا معرفة السبب اولا
هل هو عدم معرفة الدين جيدا او التدين الخاظئ او نقص الخلق ؟؟؟؟؟؟ اسئلة كثيرة تطرح نفسها بدل من طرح تساؤل هل هناك شباب صالح
بارك الله فيك اختى هو موضوع اكبر من هدا الحجم الى حطيتيه فيه لكن جيدة هي المبادرة منك
تقبلي مروري

[need+]

السلام عليكم ورحمة الله وبركاته

يا ختي

ماش وش تشوف عينك هاذاك الموجود

ياختي البنت الفالحة ماتبانش في وقتنا هذا

علاه؟؟؟

خاطر الكالحة راهي تلمع ...مش غير تبان

وخاطر اللمعان تاع فاق الحدود....حجبت العيون كل

وأصبحت الدنيا موجودة بوجدهم

لكن هذا الظاهر برك يا ختي


فعلى قد ماكاين الشر راه كاين الخير

وغير الخير لي ما يخلصش بإذن الله

هاذي ثقافة الغرب وش دارت فينا

ربي يهيدنا ويردنا للطريق

وربي يثبت الشباب خاطر هو أمل الأمة


التعقيب بزاااف مي أكتفي بهذا برك باه ماتزعفيش




تحياتي

[NEWFEL..]

الخير يستحيل ان يزول . فعلا هناك تقهقر لكن مهما كان يبقى الخير موجود في الانسان وهناك أناس صالحون والحمد لله ..................

[RAYANE22]

المشكل في التربية