تيراميسو بالبرتقال

[ام ساجد]

اليوم نقدملكم التيراميسو بالبرتقال بما ان وقت البرتقال وراو متوفر
تقريبا في كل منزل ان شاء الله ينال اعجابكم

اول حاجة نخلط في كاس نص عصير برتقال طازج + نص ماء + شوي سكر حسب الرغبة نخلطهم ونحطهم يغلو
فوق النار غلوة ونخليه يبرد لوقت الاستعمال




والان نحضر الكريمة** عصير كاس برتقال + نص كاس ماء + + عصير حبة ليمون + صفار 4 بيضات + 2 فاني + 2 ملاعق كبار نشاء + 2ملاعق سكر
ونحط في طبق مزدوج يعني حمام مائي من غير ما يلمس الطبق لي فيه المقادير الماء لي يغلي ونحرك دون توقف
حتى تتكاثف وتثقال ونخليها تبرد مليح مليح





نطلع بياض 4 بيضاة + نص كاس سكر عادي ونطلع 100غ كريم شانتيي بشوي حليب لازم تكون سميكة
بعد ما تبرد الكريمة تماما نضيف ليها الفرماج *جبن طري* 2 علب او كيري 6 حبات
ثم نضيف بياض البيض والكريم شونتيي للكريمة ونخلط برفق بالسباتيلا من تحت للفوق
نحضر مول تاع زجاج ونحط اصابع البسكويت في العصير الاول لي حضرناه نحطها ونحيها بسرعة ما يلزمش
تتشرب ياسر ونحطها في الطبق



ونحط طبقة من الكريمة

وطبقة كاكاو

ونكمل طبقة بطبقة حتى نكمل

ونغطيه بكيس وندخل للثلاجة ونخليه اقل حاجة 7 او 8 ساعات قد ما يطول قد ما يجي بنين وهنا راو بات في الثلاجة