طلبة الانجليزية بجامعة مستغانم في حيرة

chouchouenglish · 2011-06-30, 20:57

السلام عليكم خاوتي
انا طالبة آداب ولغة انجليزية بجامعة مستغانم
احنا كملنا الامتحانات نتاوعنا بصح مازال ماراناش عارفين وقتاش الافيشاج والراتراباج
كاين الي يقول في سبتمبر وكاين الي يقول هادو ليام
الي عندي اي معلومة يفيدنا
وشكرا

حرمة شويرب · 2011-07-01, 14:40

نحن في ولاية الأغواط كل شي عادي و الحمد لله

حمامة السلام48 · 2011-07-01, 19:12

شوفي اختي ليطا دايمن هي التالية

هذي هي مستغانم كلشي روطار

انا تاني نقرى في مستغانم و الافيشاغج مازال

27 التالية

راني نعرفك واقيلا مشي نتي شوشو تسكني في لا سيتي تاع ليطا؟؟

mira27 · 2011-07-02, 18:46

kima kol 3am
rana mwalfine

djirah27 · 2011-07-03, 13:44

جامي تحبسو التحماااااااااااااااااااااااااااااااااص

نتمنى مستغانم ما تكونش فيه جاميعة ونريحو من المقيمات والمقيميين

حمامة السلام48 · 2011-07-03, 19:21

اختي ماكان ني تحماص ني والو هذي هي الحقيقة مستغانم هي التالية وتقعد هاك

هذي هي الصراحة ماكانش دليل قاطع كيما النقل تقولي رانا رايحين نخطرو ماشي غاديين للجامعة باش نقراو وما داك الريحة تاع المازوت

دايرة حالة مسلكينها غير بالباغفان وديودوغون والله غير هاد العام سوفرينا بزاف حتى الجامعات رهج مايعطوكش كامل الصح

وعلى المقيمين والمقيمات اللي راكي تهدري عليهم هوما اللي راهم معمرين جامعات مستغانم ليطا وخروبة وصلامندر وليناس والترافو وزيد

كون ماشي حنا المقيمين مستغانم تسوى زيرو ديجا غير في الافيشاغج لي نوت الفور يدوها غير المقيمين

نسوفرو في لاشان كلش عندكم بلاشان الماكلة والدخلة للحرم الجامعي وشراء التذاكر وزيد وزيد غير خليها لربي هو العالم

على الماكلة الزينه نخلوهالكم ونروحو وتشوفي مستغانم جامعاتها كي تخوى تبقاو نتزما ناسها غير قراد

اختي سمحيلي علابالي ماتبغيش على بلادك بصح ...

نــ الهدى ــور · 2011-07-05, 17:19

هههههههههه
راها حامية
أختي أنا أيضا طالبة في ليطا و ما كان حتى اخبار
ربّي يسهّل

chouchouenglish · 2011-07-05, 20:02

عندك الحق يا حمامة السلام
انتي يا آنسة الي راكي تهدري . هادي الي قلناها ماهي غير القليل من المعاناة فالجامعة نتاع مستغانم واذا عندك العكس اثبتي واصلا ماتقدريش علاخاطر ماراكيش عايشة فالاقامة
عيشي سمانة وحدة فيها ورديلي الخبر
والمهم انا ماحكيتش على الاقامات فالبداية بصح كي هدرتي خلينا نقولو الصح برك
وتاني نزيدك حاجة.هادي وين شفتوها ياربي نتاع الافيشاج في سبتمبر .معناها الواحد العام يدير فيه زوج ولا كيفاش.الجامعات لخرين دارو لافيشاج والراتراباج وكملو ماشي كيما احنا ادينا العطلة واحنا مارانا عارفين والو اذا بلعنا ولالا.
ياخي حالة ياخي . بصح شانديرو كيما قالت نور الهدى ربي يسهل برك

chouchouenglish · 2011-07-05, 20:09

انا صح نسكن في ليطا بصح انت شكون . أنا نعرفك ؟ شاتقراي ؟ اذا كنتي تعرفيني هاذا هو ال*****ي نتاعي
rihana9165

djamal_17 · 2011-07-06, 20:06

السلام عليكم ..
أنا ممثل طلبة اللغة الانجليزية في مستغانم ..لي عندوا استفسار يقولي ..
راهم افيشاو المداولة تع السنة الرابعة الثالثة والثانية كلاسيك
والسنة الثالثة ل م د
و لي ما يقدرش يجي يرسلي رسالة في - البريد الإلكتروني حذف من قبل الإدارة (غير مسموح بكتابة البريد) - نشوفلو ماكانش مشكل
على فكرة الشهادات توزع يوم 12 جولية 2011

رحماني رفيق · 2011-07-07, 11:38

رجاءا اخوتي الانجليزيين لو تفضل علي احدكم ببرنامج السنة الاولى انجليزية (emploi du temps) لاني اريد التسجل انشاء الله انجليزية واخاف ان يكون البرنامج كثيف لاني موظف .

حمامة السلام48 · 2011-07-07, 18:57

صحيتي شوشو

الله يرحم ذاك الفم

ايمالا كيتسكني في ليطا انا وحدة نشوفك وتشوفيني ديفوا

وزيد راني معاك في البلوك وبالضبط معاك في الكولوار

تعقلي على اكليل الجبل

سلمي على احلام بزاف بزاف

قوليلها هي تعرف قوليلها اكليل الجبل صحا

تهلاي في روحك شوشو

chouchouenglish · 2011-07-09, 15:02

يا حمامة اسلام راكي غالطة انا شوشو الي تسكن فل f
يا خويا جمال البريد حذفوه كفاش نقدرو نتصلو بيك
باش تعطيلنا برك الجديد على الافيشاج والراتراباج.انا قالولي بلي راهم آفيشاو زوج تاع لي موديل
والله اعلم بالباقي
شكرررررررررراا

chouchouenglish · 2011-07-09, 15:06

ياخويا رحماني رفيق احنا مانقدروش نعطولك --emploi du temps لانو على حسب .هادا حتى تدخل تقرا باش تعرفه
وبالمناسبة انت وين غادي تقرا ؟؟؟؟
بالاك نقدرو نعاونوك في حاجة وحدوخرا

chouchouenglish · 2011-07-09, 16:35

Thank u soooooooo much