حلوة النوقا

[miri_27]

هذه الوصفة مستوحاة من حلوة البقلاوة لكن بطريقة جديدة و ناجحة 100%
المقادير :
3 كيلات فرينة
كيلا واحدة سمن المدينة
كيلا ماء و ماء الزهر اي الكيلا مقسومة على اثنيين نصف كيلا ماء و النصف الاخر ماء الزهر.
شوية ملح
كيلا كوكاو مقلي و مرحي
باطا حلوة الترك و اذا كان عندك تاع الميزان افضل بكثير
شوية بستاش
كيلا عسيلة و من الافضل عسيلة نونورس
زيت للقلي
التحضير:
نخلط المقادير الكل مع بعضها البعض و نشكل عجينة طرية نخليها ترتاح .
من جهة اخرة نحضر نحضر الة البقلاوة و نتركها جانبا
بعدما ترتاح العجينة حوالي ساعة نشكل شرائط نخرجها تدريجيا في ارقام الالة الى ان نصل الى الرقم الاخير. كل اخت حسب ترقيم الة البقلاوة ديالها .
ناخذ شريحة و نزيد انخرجها كيما نصنع الرشتة لكن في جهة الشرائط الرقيقة اي يكون عرض كل شريط حوالي 0.5 سم
في مقلاة نضع الزين نقلي الشرائط الرقيقة ثم انقطرها في كسكاس و عندما تقطر ناخذ قصعة نفتت الشرائط كيما انفتو القوفريط ثم نضع فوقها الكاوكاو + حلوة الترك مفتة + البيستاش و نزيد العسيلة بعدما انكونو شوية خففناها و نخلط الكل مع بعض لكن عينك هي ميزانك ماجريهاش بزاف حتى تشرب مليح.
بعد ذلك خذي بلا تاع البقلاوة و ديري فية الخليط و بسطي العجينة بيدك موريها من الفوق بالسكين على شكل مربعات و خليها تنشف مدة معينة حتى تحكم روحها جيدا. بعدها قطعيها و ضعيها في لكيسات وقدميها و بصحتكم.