قصيدة : الزواج المحتم بقلمي

[عبدو الزاهي]

السلام عليكم و رحمة الله و بركاته

هذه قصيدة تعالج قضية إجبار الأولياء لأبنائهم الزواج مع من لا يرضونه زوجا

تلقيت طلبات كثيرة عن هذا الموضوع خاصة و أنا هذا المشكل وقع للعديد من معارفي

القصيدة نشرت في جريدة * الجزائر *

أتمنى أن تعجبكم و لكم مني سلام الله

قصيدة : الزواج المحتم

بسم الله نبدا الأقوال و الصلاة على شفيع الأنام

نكتب و نهدي المقال لجميع من قهراتو ليام

حكاية تزعزع البال و تجرح القلوب بالتمام

سبابها ناس ماشي عقال شايدين رايهم على الدوام

يهدرو و يقولو موحال حنا نرجعو في الكلام

ظلمو نسوان و رجال حطموهم بغير تخمام

حرموهم من الحلال حرموهم من نصف الإسلام

يا حسراه كيما كان الحال بغاولهم حاجة بالتحتام

هذا غواتو المادة و المال شد في الراي المظلام

لاخر يقول البراني ما يسال بنتي تروح غير للأرحام

هذا قال و لاخر قال و بقاو مع اولادهم في خصام

رجعت عداوة و قتال و رجعت سبة للحرام

وحدة شنقت روحها بالحبال لخرا ما خلاتش السلام

بالله عليكم ما تكونو جهال خافوا ربي يا كرام

يحاسبكم على جميع لفعال و ما يبقالكم حتى حكام

القضية فيها كم من مثال و النهاية كانت ظلام

طلاق و قطيع الوصال خراب و دموع النيام

يا رب أشفيهم من الخبال و فرج كربة الشبان و الريام

تميت كلامي و تركت السوال لمن يحب عثماني مول النظام

بقلم الشاعر : عثماني عبد السلام

[ام سيرين22]

شكرا قصيدة جميلة نتمنى ان نرى المزيد