الشعب يريد إسقاط بن بوزيد ( معًا لإعادة الباكالوريا )

SOFYANART · 2011-06-17, 10:28

صحيح أنا أطالب بإعادة الباكالوريا لأنّني لم أعمل جيدا في الإمتحانات .. ولكن ..؟؟؟؟؟
هل يجوز لوزارة مسؤولة أن تصمت على تسرب الأسئلة أو أن تتجاهل هذا الموضوع بحجّة الإشاعة ..؟؟
وهل يحق لنا أن نطالب بتغيير وزير فاشل لا يستطيع تنظيم الإمتحانات .. ؟؟
ومن يستطيع أن يفعل ذالك .. وكيف .. ومتى ..؟؟؟
ولمن يخالفني في هذا الرأي .. ما هو الحل .. ؟؟؟
مع العلم أنّ الأسئلة بالفعل تسرّبت ( وأقسم بالله على ذالك )

BACBAC2015 · 2011-06-17, 10:32

حنا ما نعاودوش الدورة ياربي مانجحناش، باينة عليك من جماعة السبت (الأرسيدي وغيرهم ) ماتحشموش يالباخصين حابين تستغلو التلاميذ في السياسة كيما

خرجتوهم في مظاهرات من قبل وزدتوا درتوا عليهم التشويش في الباكالوريا حتى راحو فيها كامل فيها في مادة الفيزياء

ومعامل 5 و 6 وذركوا جيتوا كيف كيف.

نتا والله ما تعيا تعاود العام نتاعك واللي نجح الله يبارك واللي مانجحش راهو يعاود

ونزيدلكم حاجة النتائج هاذ العام راهي ماشي كيما العام لي فات يعني نتا بالأسئلة لي تسربتلك كيما راك تقول ومانعرف لا تنجح لا

تزيد تفريني واحشموا شوي السياسة خاطيتنا والمظاهرات ماناش نتاعها حابين نقراو ماشي نديرو لا بوليتيك

SOFYANART · 2011-06-17, 10:36

عيب عليك ولله ما راني جماعة السبت
وراني نكرهم أكثر منك

hicham91 · 2011-06-17, 10:44

خلونا من التصنيفات هاذي
الاسئلة تسربت
أنا واحد من الناس وصلتني من ا حتى ي في الفيزياء والشريعة
مصدقتهمش بصح لقيتهم هوما لوقت لي دخلت نعقم
مع كل الاحترام لكنه وزير فاشل
نتمنى انهم يطيروه

sofiane0552 · 2011-06-17, 10:47

هي انتم باردين قلب نورمالموا ديروا مضاهرات لكي يعاد الكالوريا لانه حياتكم متدهش دك وقتاش اح تدوه والله لوكان تتفاهموا وديروا حملة لاعادة البكالوريا هذا من اجل حياتكم ومستقبلكم واحد ماقلك تكون جماعة السبت ياخي افطن باش ترجع حياتك قبل متخسره في 12 جويلية

difa · 2011-06-17, 10:48

ان شاء الله كامل يدو الباك غي انت يا وجه الشر ما خدمتش تفرت فيك

sofiane0552 · 2011-06-17, 10:48

متديش الباك اليوم وقتاش راح تديه

rania19/ · 2011-06-17, 10:50

انا هادي الاشاعات رجعت عليا بالسلب ونساتني معلوماتي كامل بالرغم راني ممتازة في الفيزياء ورب يستر ويجازي الي كان السبب في هادي البلبلة والفوضى

BACBAC2015 · 2011-06-17, 10:55

اقتباس:

المشاركة الأصلية كتبت بواسطة sofiane0552

هي انتم باردين قلب نورمالموا ديروا مضاهرات لكي يعاد الكالوريا لانه حياتكم متدهش دك وقتاش اح تدوه والله لوكان تتفاهموا وديروا حملة لاعادة البكالوريا هذا من اجل حياتكم ومستقبلكم واحد ماقلك تكون جماعة السبت ياخي افطن باش ترجع حياتك قبل متخسره في 12 جويلية

هههههههههههههههههههههههههههههه

كيعاد نتا ماخدمتش حبيتنا نديرو علاجالك مظاهرات؟؟

w.meghni · 2011-06-17, 10:57

و علاش يا خويا غير ماخدمتش انت تدي معاك امة كامل....احنا ما نعادوهش و ربي ينجحك و ينجح الجميع ديجا هادي غير اشاعة تاع التسريب و ماكانش منها قاع

mmidou34 · 2011-06-17, 10:58

علاش ياصاحبي نعاود الباك تا مهبول ...ماشي عقلية اذا كان تا مخدمتش باغي تزاير كامل تعاود باك على جالك؟؟؟؟؟؟ مقود انت ولا...

SOUMA 04 · 2011-06-17, 10:59

ههههههههههههههه.......والله غير الباك لي ميتعاودش ..متكسروش راسكم خلاص.....

BACBAC2015 · 2011-06-17, 11:01

ايه عندي سؤال حنا عندنا في سطيف.... نقولو مقود كلمة عادية لكن (هجالة) كلمة ماتقدرش تقولها قدم باباك ولا راجل كبير ولا يماك.......عيب بزاف

بصح في مناطق وحدة العكس مقود تجيهم عيب بصح هجالة يقولوها نووووووووورمال. (مقود عندنا معناها شغل مهبول)

اللي تبانلهم مقود عيب يقولولي ربي يخليهم واش تعني عندهم

SOFYANART · 2011-06-17, 11:07

ارحل يابن بوزيد

SOFYANART · 2011-06-17, 11:13

المشاركة الأصلية كتبت بواسطة paradox
السلام عليكم

للي راهم يقولو انو المواضيع ماخرجتش
اما راهم يصبرو في رواحهم ادا ماشافوش السوجي

ولا راهم يبعدو العين على رواحهم
خاطر شافو السوجي
وحابين يلعبوها ربحو الباك بعرقهم

ههههههههههههههههههه

السوجيات خرجو
وكانو يتباعو عند مكتبة عمومية
وارواح انت واشتكي بيها

العلوم الشرعية + فلسفة + فيزياء
هادو اللي سور
وماليهم اعترفو بيهم

والنتائج رايحة تبين التسرب

غاضوني برك اللي ماشافوش السوجيات
انا وكان كان عندي الباك
وماشفتش السوجي
ندير حملة في الفايسبوك نجمع بيها الغاشي كامل اللي ماشافش السوجي

ولو انهم قلائل

ونديرو انتفاضة
باش الباك يتعاود

سي نورمال عمرنا مانطورو

تبا لبلاد ميكي

سلاااااااااام