السلام عليكم...اخوتي هذا أمر عاجل أرجوكم ساعدوني

[informaticien-dz]

السلام عليكم و رحمة الله و بركاته
اخواني اخواتي الكرام أنا الآن واقع في مشكل لاأحسد عليه...لقد كنت أدرس في النظام القديم و لكن لم أتحصل على شهادة البكالوريا وعلما ألغي النظام الذكور آنفا سجلت لاجتياز امتحان شهادة البكالوريا في النظام الجديد و لكن الحقيقة المرة هي أني لم أحضر كما ينبغي لجتياز هذا الامتحان الهام -راني بعيد بزاااااف- فكررت بذلك الخطأء الذي ارتكبته سابقا مرارا و تكرارا و هو عدم التحضير من بداية السنة فتمضي الأيام و الاسابيع دون أن أتحرك الى أن يبقى شهر أو أقل عل امتحان الباك و أنا الآن منكسر الجناح محبط جدا و معنوياتي في الحضيض مع العلم أني أعلم قيمة هذه الشهادة و الأكثر من ذلك ما يزيدني حزنا هو أن أغلب الذين درسوا معي تحصلوا على شهادة الباكلوريا و هم على وشك انهاء دراستهم الجامعية[مع العلم اني أبلغ من العمر 23 سنة]فأخبروني ماذا أفعل لأنني حائر و لا أدري ما العمل هل أعيد التسجيل الموسم القادم ام ماذا? و ...و....وو

[achily09]

جرب خويا ياك ماراك خاسر والو حاول هذو اليومين تشوف غير الملخصاااااااات ربما تتذكــــــــر وروح فوت الباك نورمال ولا مكتبش ربي ابداها من الصيف ودير الجامعة في بالك واصحابك وان شاء الله ربي يوفقك ذا العام ماراكش عارف وش رايح يصير ؟ وتتهنا ومتجوزش الباك العام الجاي

ربي يوفقنا جميعا

[informaticien-dz]

بارك الله فيك أختي لأنك درتي رد بارك الله فيك مرة أخرى و موفقة ان شاء الله

[hajer.joujou]

مشكلتك صعيبو بزاف خويا لكن ماتفقدش الامل عسى ان تكرهو شيئا وهو خير لكم
كيما قالت الاخت شوف الملخصات وحاول تفهم المعنى العام و النقاط الاساسية فقط و القوانين بالنسبة للرياضيات و الفيزياء اما بالنسبة للعلوم ارجع للنشاطات اللي فلكتاب و حاول تتحلل و تفسر وحدك و شوف اللي يمدلك الكراس تاعو لان التمارين ماتخرجش على النشاطات اللي فلكتاب الافكار تيقى هي هي ربما تتذكر وراح تهز شوية معلومات ماشي كيما تروح فارغ خلاص
وربي يوفقك انشاء الله و تنجح و تروح للجامعة كيما الناس
دعواتكم لنا بالتوفيق

[informaticien-dz]

بارك الله فيك أختي هاجر على الرد الجميل و أتمنى لك كل النجاح و بتفوق في شهادة البكالوريا و نتمنى يتحقق الحلم اللي ما حققتوش أنا...ان شاء الله تقراي الطب...سلام

[hajer.joujou]

شكرا لك انشاء الله مع ان الطب خاطيني لكن لي رغبة في الشبه طبي
بالنجاح و التوفيق

[agenda]

حاول في المواد لي بقاو دير مجهودك ولاتياس من رحمة الله وانشالله قادر ربي ينجحك واذا لم توفق فليست نهاية الدنيا وانما عليك ان تسطر هدفا وتقوم بكل مجهودك لان سبب فشلك راجع لتهاونك رغم علمك باهمية البكالوريا وبالتوفيق للجميع

[hasnihasni5001]

بالتوفيق ان شاء الله

[hajer.joujou]

والله الصراحة كرهت تحطمت بعد الكارثة تاع المواضيع المتسربة حسيت رانا حشرات حاشا خلق الله
اين هي الجامعة بالله عليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[informaticien-dz]

المشاركة الأصلية كتبت بواسطة hajer.joujou

والله الصراحة كرهت تحطمت بعد الكارثة تاع المواضيع المتسربة حسيت رانا حشرات حاشا خلق الله
اين هي الجامعة بالله عليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

السلام عليكم ...هاجر بالاكي تفشلي بقالك غدوة و خلاص و ان شاء الله تفرحي و تفرحيني معاك نتمنالك تديري واش راكي حابة - شبه طبي نورمالمون -و نورمال.... الشهادة تاع الباك خير من وجوه الشر تاع جماعة بن بوزيد ولا لالا????