جميع أعمالي في مسابقة بداعاتي في التزيين

موجو جوجو · 2014-04-18, 13:21

في البداية ،اود شكر منظمة المسابقة محبوبة الجميع فيفي الغالية

كما اخص بالذكر المشرفات و المؤطرات و ضيوف الشرف ، كذا جميع من زار المواضيع و شاركنا في هذه المسابقة
ماتخافوش، مانسيتكمش، و جميع المشتركات من بداية المسابقة بالرغم من انه لظروفهم الخاصة الله غالب لم يكملوا لاخر المشوار
لكنكم عندي جميعكم فائزات، اعمالكم كامل كانت ما شاء الله ،متنوعة ، و متقونة الله يبارك

و في موضوعي،وددت ان اجمع كل اعمالي لكي يتسنى لكم مشاهدتها في صفحة واحدة و اخذ افكار، لمل لا، بالرغم من بسااااااااااااااااااااااااطتها
نخليكم مع الصور

اول عمل، كان عبارة عن علبة تاع القميص، غلفتها و زينتها و صارت علبة لحفظ الاكسيسوارات لبنت أختي مانو

هدا التحدي الثاني، تعليقة الحائط، كنت رايحة ندير مرايا دائرية و نزينها كي ماوجدليش النجار كونتغبلاكي دورتها ماكرامي

التحدي الثالث،المفرش، تهاوني و مرض بنتي خلاني مانخدموش فالوقت
كان عمل مزروب

التحدي الرابع، مئزر المطبخ
هنا خدمت زوج وحدة اديت الفكرة من طابلية تاع بنتي ، والثانية كان سروال جين تاع زوجي ضحية هههههههه

واخير التحدي الخير و الفاصل، بما اني كنت شاحنة على المرايا فالتحدي الثاني و سهلش ربي فيها، طبقتها بتقنية الكرطون، و لي عودة بالموضوع الخاص بطريقة إنجازها
و خيرت الون الذهبي و الازرق على حساب المفرش و شورتي

ها ، واش رايكم فيهم كي راهم ملمومين

هادا القاطو تاع الحفلة جابتو فيفي، سرقت منو شويا ، كولو حبة حبة بصح ماتبيعونيش لفيفي

belseme · 2014-04-18, 13:30

الله يبارك فيك يا الفحلة ماشاءالله ربي يهنيك خدمتك شابة كملي التميز اختي الغالية

موجو جوجو · 2014-04-18, 13:44

اقتباس:

المشاركة الأصلية كتبت بواسطة belseme

الله يبارك فيك يا الفحلة ماشاءالله ربي يهنيك خدمتك شابة كملي التميز اختي الغالية

و يبارك فيك اختي
اشرفني مرورك

ام كوكو · 2014-04-18, 14:13

يعطيك الصحة حبيبتي انا كليت بزاف القاطو البارح ضرك ندير حتى انا موضوعي وراني عارضاتك على قاطو اخر ههههه

fifiarch · 2014-04-18, 14:14

اعمال هايلة ماشاء الله عليك

شفت كي تتجمع الاعمال مع بعضها وتشوفيهم تفرحي بيهم اكيد

والف شكر على الكلام الطيب وطريقة تقديمك للموضوع

تحيااااتي

موجو جوجو · 2014-04-18, 15:11

اقتباس:

المشاركة الأصلية كتبت بواسطة ام كوكو

يعطيك الصحة حبيبتي انا كليت بزاف القاطو البارح ضرك ندير حتى انا موضوعي وراني عارضاتك على قاطو اخر ههههه

الله يسلمك
بصحتك القاطو
رانا نستناو فالموضوع

موجو جوجو · 2014-04-18, 15:15

اقتباس:

المشاركة الأصلية كتبت بواسطة fifiarch

اعمال هايلة ماشاء الله عليك

شفت كي تتجمع الاعمال مع بعضها وتشوفيهم تفرحي بيهم اكيد

والف شكر على الكلام الطيب وطريقة تقديمك للموضوع

تحيااااتي

هدا كل من فضل ربي اولا و فضلك انت
اتحتيلنا فرصة لابراز مواهبنا و قدراتنا
ربي يخليك لينا ان شاء الله

و طريقة التقديم، راني نكتب فيها حتى حسيت روحي راح نسوتني من جديد ههههه