من مطبخ فرح تي بان برغائف المسمن روعة روعة

[فرح.]

بسم الله الرحمن الرحيم
السلام عليكم ورحمة الله تعالى وبركاته
تبارك الله مشاء الله
غالياتي جبتلكم طريقة اعداد بتي بان برغائف المسمن صدقوني راااائعة ودوق رهيييييب ويجي مورق وخفيف مشاء الله
اما الحشو انا ستعملت المعجون والشكولاطا
المقادير هاد الكيفية تقطع 12حبة
نصف كيلو فرينة
125غ زبدة على شكل بوماط
100غ سكر
20غ خميرة الخبز
ملعقة صغيرة فانيليا
حليب
ملح
حبة بيض
نخلط الخميرة مع كمية صغير نتاع الحليب ونتركها جانبا
وفي اناء نحط الفرينة وندير فيها حفرة ونحط فيها قرصة ملح وزوج مغارف كبار زبدة ونخلط جيدا ونضيف السكرونزيد نخلط ونضيف حبة بيض والفانيليا ونزيد نخلط ونضيف الخميرة ونعجن بالحليب دافئ ونعجنها جيدااااا ونغلفها بكيس بلاستيكي ونتركها جانبا مدة 10د وبعدها نمسح طاولة العمل بالزبدة ونزيد نمسح العجينة بالزبدة كيما نخدمو المسمن ونزيد نعجنها فوق هديك الزبدة ونقم العجين على 5 كوريات ومباشر كل كرية نحلها مليح رقيقة وطبعا مننساش كل شوية نمسح عليها الزبدة ونطويها على 4 كيما المسمن حتى نكملهم ونفضل تشوفو بقية الشرح بالصور كي يخمر مسحوه بالبيض ورشو عليه الجلجلان