حوار بين محند ونوارة 2

أميمة سدراتي · 2011-11-01, 15:46

اسمحولي طولت عليكم
*
*
*
*
*
*
*ايا نبداو
*
*
*
*
شوفو واش صرى وجرى من بعد
*
*
*
*
*
*
*
*
*
*
*
ايا خونا وصديقنا محند الليلة هديك مرقدش الليل كامل وهو يخمم فى نوارة مسكين فى ظرف ليلة شيان يعنى نقص فى الميزان وعينيه حمارو وجفونو كحالو ايا مسكين مرقدش بات يحسب فى ويعس فى الساعة بالسيف باه طلع النهار
ناظ من فراشو وحالتو حالة عينيه منفخين فمو محلول يعنى يثاوب وجهو زراق وخشمو زاد طوال وودنيه دبالو
ايا زعما لبس قشو وسيرج صباطو ردو يلمع وجلجل شعيراتو مالقرى مسكين شعرو تقريبا مكانش ايا على السبعة تاع الصباح خرج من الدار وهابط مع لى زيسكالى يديه فى الجيب ويصفر مع الصباح راح ديراكت وين تسكن نوارة قعد يستنى حدا البوطو لمقابل دارها مدة من الزمان هاهى خرجت نوارة تمضغ فى الشوينغوم مع صباح ربي صباط طالو يطب طب وساك اسود اللون مسكينة تتكل عليه باه ما طيحش قصدى يعاونها فى المشية ايا نبداو الحوار
*
*
*
*
*
*
*
*
*
*
*
*
محند....صباح الخير انوارة ان شاء الله فطرتى بيان
نوارة....يااااااااااا ربي هدوك الصباحات لى مشافكش خير
محند..... واش بيك انوارة مع الصباح مقلقة مرقديتش انتى ثانى كيما انا
نوارة....شبعت رقاد ماكش تشوف فيا رانى بون فورم
محند....مالا جيتك فى المنام والاحلام
نوارة.... ايه والله غير شفتك فى منامى
محند.... واااااو مكانش منها كيفاه شفتينى فى منامك
نوارة.... شفتك تجرى والنار من وراك وانا بالماء نطفى
محند....يعنى معنتها انك راكى تحبينى
نوارة....تحبك حبة وعقرب شهبة
محند....تقرصك وديرلك فى اللسان حبة
نوارة....ياخى قلتلك اخطينى
محند.... موحال نخطيك انتى الحيط وانا السيما لااصق دايمن فيك
نوارة....لاحول ولا قوة الا بالله
محند....استغفر الله العلى العظيم
نوارة....قادر روحك علاه راك تستغفر انا شيطان قدامك
محند....حشى لله الشيطان ومايقدرلكش انوارة
نوارة....ههههههههههه ضحكتنى
محند.....اويلى على الضحكة حتى ضرسة لعقل شفتها
نوارة.....تشوف لعمى يعميك والضلمة تديك
محند....عيب عليك تدعى عليا انا رانى نشتيك
نوارة....تشتيك اللفعة
محند....لفعة تهدر على اختها
نوارة....ايا اطلق راسك راك كثرت فيها سى نو نلم عليك الغاشى
وبداءت نوارة فى الصراخ
*
*
*
*
*
* لى تكملة ان شاء الله