الشمرة تحترق

aissamchemora · 2011-05-30, 16:44

يا أخواني اخر الاخبار وانا في عين المكان " الشمرة ولاية باتنة"
الشمرة تحترق نعم تحترق
اليوم خرجت القائمة الخاصة بالسكنات الاجتماعية
وقد تم حرق كل البلدية واجهزتها وكل ماهو متعلق بالإدارة
وكذا تم حرق مقر الدائرة والخسائر المادية كبيرة
تم حرق السيارة الخاصة برئيس الدائرة من نوع 406 اش دي يي ورميها في الواد المحاذي للدائرة
وتم الدخول إلى حضيرة البلدية وحرق المركبات المتواجدة هناك واخراج جرار من نوع سيرتا وحرقه في الرومبوان
و و و و و
المهم بصفة عامة الشعب في الشمرة راهوا مضرور
والله لاليست الي تسربات بالاك يستاهلوا فيها 3 او 4 من الناس والباقي بن عميس
تحيا الميزيرية ولا الطحين انتاع البلديات
وسأوافيكم بالفيديو الخاص بالكارثة
يحا اولاد الشمرة كامل يحياو الزاوالية تسقط الادارة وتسقة لاميري
يا خاوتي مادام المير والاعضاء انتاعوا في كل بلديات الجزائر مازالوا يحكموا في البلديات ماناش رايحين نطلعوا
انا في رأيي رئيس البلدية لازم على الاقل ايكون عندوا لاليسونس او شهادة عليا واترك لكل منكم رأيه الخاص
والسلام
عصام الشمرة

صُبح الأندلس · 2011-05-30, 16:51

لو كان الأمر بيدي لأوقفت هذه السكنات الاجتماعية التي لم تعد تجلب سوى المشاكل ، و سبحان الله ينتخبون على (المير) ثم ينقلبون عليه و البارح انتخبوه باسم العروش و ابن عميس و اليوم أصبح عدوهم !!!! كما أن عدد هذه السكنات قليل بالمقارنة مع واضعي الملفات و بين قوسين واضعو الملفات من الشعب و لكن بعضهم يتحايل ليحصل على سكن فمن يلوم من ؟ و أكيد كل من لم يحصل على سكن سيعلنها ثورة ، ثم ما ذنب الجرار و السيارة و المنشآت حتى تحرق ؟

~~ أغيلاس ~~ · 2011-05-30, 19:17

اقتباس:

المشاركة الأصلية كتبت بواسطة صُبْح

ثم ما ذنب الجرار و السيارة و المنشآت حتى تحرق ؟

ما فهمناش ذنبهم .

الجمادات و ما سلكتش

أيمكن لشخص واع ذي عقل سليم أن يدمر و يحرق منشآت حكومية و مركبات ذات قيمة ! ! ؟ ؟

لا أعلم كيف يفكرون .

الرجل الحر · 2011-05-30, 19:41

اقتباس:

المشاركة الأصلية كتبت بواسطة صُبْح

لو كان الأمر بيدي لأوقفت هذه السكنات الاجتماعية التي لم تعد تجلب سوى المشاكل ، و سبحان الله ينتخبون على (المير) ثم ينقلبون عليه و البارح انتخبوه باسم العروش و ابن عميس و اليوم أصبح عدوهم !!!! كما أن عدد هذه السكنات قليل بالمقارنة مع واضعي الملفات و بين قوسين واضعو الملفات من الشعب و لكن بعضهم يتحايل ليحصل على سكن فمن يلوم من ؟ و أكيد كل من لم يحصل على سكن سيعلنها ثورة ، ثم ما ذنب الجرار و السيارة و المنشآت حتى تحرق ؟

الحمد لله ان الأمور ليس بيدك

الرجل الحر · 2011-05-30, 19:43

بوتفليقة 1999-2004 سنوفر مليون سكن
بوتفليقة 2004-2009 سنوفر مليون سكن
بوتفليقة 2009-2014 سنوفر مليون سكن

و مازال ...

saadat · 2011-05-30, 20:28

اقتباس:

المشاركة الأصلية كتبت بواسطة الرجل الحر

الحمد لله ان الأمور ليس بيدك

كن نود و الله أن تكون الامور بيدها فما قالته صبح عين العقل .

~~الوليـــــد~~ · 2011-05-30, 20:33

دائرة من دوائر سطيف تم غلقها اليوم و الخبر مؤكد , بسبب الاحتقان الذي رافق توزيع السكنات الاجتماعية الى غير مستحقيها بنسبة 90 بالمئة, أعزب 22 سنة وضع في القائمة و كهل ينتظر منذ سنة 1997 لم يتم ادراجه و غيره كثير كثير.
المتجمهرون يهددون بالتصعيد.

aissamchemora · 2011-05-30, 20:40

الله غالب اخاوتي بن عميس هدا لازم نقضو عليييييييييييه راهو فيروس كبير

aissamchemora · 2011-05-30, 20:41

وانا تبالي رايحة تنوض بارطو

ayaat4 · 2011-05-30, 20:58

الاميار هادو والله غير هبلونا يكون موسى قبل ينقلب فرعون هدا المير ماسلكناش معاه قاعدين نشوفو للفوق احنا والله المير نتاعنا غي قفزو به جماعة الصحاح سجلوله شحال من فخ و شكاو به راهو في الحبس لو كان كامل الناس تنضف بلديتها الاول وكان مانوصلوش هدا النهار نتاع الرشاوي وبن عميست السكاني راهم يتبناو واحد يقول الحق لكن وين راهم يروحو هدا هو المشكل وزيد الطلب اكثر من العرض برك لازم تكون الاولوية للاولوية

ayaat4 · 2011-05-30, 21:01

اقتباس:

المشاركة الأصلية كتبت بواسطة نبيل الموحد

ما فهمناش ذنبهم .

الجمادات و ما سلكتش

أيمكن لشخص واع ذي عقل سليم أن يدمر و يحرق منشآت حكومية و مركبات ذات قيمة ! ! ؟ ؟

لا أعلم كيف يفكرون .

هادو لي حابينهم ينوضو يديرو ثورة والله غير يحرقو البلاد بالبهائم والعباد كامل ونقعدو نغنو ياريت لي جرا ماكان هدا لا بقينا حيين

سيفاو · 2011-05-30, 22:26

بارك الله فيك أخي الان فقط فهمت
يبدوا ان الشمرة لم تكن وحدها في الموعد
مررنا هذا المساء على بعض دوائر وبلديات باتنة الساحرة بجمال طبيعتها
شاهدنا اثار حرق اطارات السيارات ويبدو انهم قاموا بقطع الطريق كما يبدو

صراحة أصبحت الان متأكدا أكثر من اي وقت من مضى أننا لا نستحق هذا البلد الرائع