السلام عليكم ورحمة الله وبركاته
إليكم يا اعضاء المنتدى بعض النكت الطريفة والتي اعجبتني أن ايضا...
قلك واحد حابس راح يدير السكنار على راسو فكتبلو السكنار NO DISK ....
قالك واحد ماجاهش النعاس رقد و خلاه......
قلك واحد راح للسينيما و رافد معاه سلوم كي سقساوه علاه قالهم:الفيلم طويل ...
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي..
وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مورا البالية.....
قالك سرات اكسدنت بين 2 مرسيداس اخر عيطة ..بداو يداوسو صحاب السيارات في ما بيناتهم........حبس واحد مولا R4 رايبة واش قاللهم؟؟؟ ماتتقلقوش هذا واش قدر ربي..و حنا قاع عندنا الماتريال و نخافو عليه ...
قالك واحد كذاب دوما يكذب في يوم راح يكذب على أصدقائه قال لهم
شفت مقابلة كرة قدم في الدقيقة التسعين واحد اللاعب سجل هدف لكن في الإعادة ضيعها ....
التقى كذابان أحدهما من القطب الجنوبي و الاخر من الشمالي فقال الاول:إن البرد عندنا كثير لدرجة أن النار قد تجمدت فقال الثاني: أما البرد عندنا وصل الى درجة أننا لا نسمع كلام بعضنا حتى نضعه في الماء الساخن ....
مرة وحدة هي و زميلتها قاعدين يحكيو الاولى قالت
انا زوجي ديما ينسى بورتابله و المفتاح نتاع الطاكسي
هدرت الاخرى قاتلها أنت عندك الزهر انا زوجي كل يوم
يقولي وين شفتك من قبل ...
قالك الحمار عرض الحمارة لدارو كي دخلت الحمارة شافت الحمار معلق صورة الحمار الوحشي و سقساتوا : شكون هذا فقالها الحمار :هذا عمي كي كان يلعب في جوفانتيس.....
كاين واحد في البحر يصايد فرمى صنارته في الشاطئ فقال له واحد لماذا تصطاد الرمل قال له اعطيني 100 دج نقولك فاعطاه فقال له اني اصطاد الاغبياء مثلك؟؟؟ ....
قالك وحد الكلب كان يجري يجري يجري و من بعد طاح .... قالك راح عند صحابوا الكلاب قالهم و الله كنت نجري وطحت طيحة تاع الكلاب
هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال:
هيه... قلتلها نوضيني نوضت خويا
سالوا جحا في ايام صباه :اانت اكبر سنا ام اخوك؟
فاجابهم : في العام الماضي قالت لي امي ان اخاك اكبر منك بسنة واحده وعلى هذا الحساب ...فنكون كلانا في هذه السنه بعمر واحد
زوج حرَاقة جاو تحت باخرة العلم تاعها علم انغليزي
فشافو واحد من الطاقم فوق و نادوه:
-الحراق الأول: هااااي انت، ارميلنا الحبل، حابين نحرقو..
what, i dont understand arabic, what???? l: العامل على الباخرة-
- هااااي راني نهدر معاك قلتلك ارمي الحبل، يرحم باباك ارميلنا حبل حابين نحرقو معاكم..
- i dont understand a word, what are you talking about, what??l
- شوووف قلتلك ارمي الحبل والا نطلع ليك مابقاش وقت...
و هنا الحراق الثاني قال لصاحبو: اسمع اسمع خليني أنا نهدر معاه...
- الحراق الثاني: hey, you, do you speak english??l
-العامل قال : yes yes, i speak english
- الحراق الثاني: أرمي جد الحبل مالااااا
إن شاء الله ينالوا إعجابكم..
( تقرير عن مشاركة سيئة )، و الموجودة أسفل كل مشاركة .
2011-05-26, 23:31
نكت روعة ........
العرض العادي
