لم افهم

[amira3914]

بصراحة بقرب شهادة البكالوريا وانا راح نعقب هذا الامتحان والاخوة الكرام اتمنى التوفيق للجميع
الذي لم افهمه انا في هذه الفترة تعجبت بزاف وليت نشوف في الغاشي نفسي نفسي كل واحد يشوف غير في مصلحتو والله مفهمتش علاه علابالي كل واحد حاب ينجح بصح متوقعتش لي صار الانانية نشوفها والمصلحة ونسكت .والموقف لي صرالي اني كنا نقرو مجموعة ثلاثة بنات بعد الامتحان التجريبي الجماعة ولو يحبو يقرو وحدهم اي يا اميرة متدخليش مصلحتك تقريبا خلاص يعني هزو الفايدة وخلاص في حوايج كنت انا نجيبها من النت ومقترحات الخ لا يهم عند ربي خير والله ماني فاهمة حايرة برك وحبيت نفرغ قلبي قلبي معمر بصح ربي ينجحنا كامل

[1954مريم]

السلام عليكم ورحمة الله تعالى وبركاته :

اختي ربي يقدر ليك الخير هذه حال الدنيا لكن اعلمي انه هناك فترة يحتاج فيها الانسان للمراجعة الفردية وترتيب افكاره والوقت للبكالوريا قرب ....اجمعي معلوماتك واجتهدي ان شاء الله تنجحي ..

والله ذكرتيني بايام البكالوريا كنا نحن ثلاثة نراجع مع بعض سبحان الله وكل واحدة مكلفينها بمادة
تبحث وتعطينا المعلومات وتجمع لنا بكالوريات وووو
لكن الحمد لله نجحنا في ثلاثة ولان كل وحدة فينا في منصب

سبحان الله يد الله مع الجماعة

ربي يسهل امرك ووالله المراجعة الجماعية روعة جدا خاصة اذا كان الفريق لايزيد على 3 اشخاص ويكونوا في نفس المستوى

ربي يسهل امرك اه ما اجمل تلك الايام الله ينجحك والله اكتبوانا اضحك ذكرتيني باياك البكالوريا اه ياتلك الايام
ذكرتيني .......جزاك الله خير كما هي الدنيا صغيرة

وكان ذلك في 1997 وكانه لان سبحان الله

اعتذر عن الثرثرة الله تذكرت السلام عليكم

[abdel02]

ربي يسهل...انا في فترة البكالوريا انعزلت عن العالم مدة شهر تقريبا...كنت ضعيف قبل الباك...ولكن درت تربص مغلق طورت نتائجي من 8.33في التجريبي الى 11.83في الحقاني...واحد ماكان يستنى فيا نجيبو...الحمد لله...اما انت فخطيك من الغاشي وحطي راسك...وربي يسهلك

[amira3914]

شكرا اختي مريم لكن حبيت نقلك بلي انا مدبيا ينجحو هم لكن هم خدعوني لدرجة يروحو لبعضاهم ويخبو عليا مع اني كنت جدية في القراية بصح والله ماعد يهمني راح نكمل وننجح وهم تاني ربي ينجحهم....................اخي عادل ربي يوفقك في حياتك اسعدني مرورك العطر

[kamel76]

المشاركة الأصلية كتبت بواسطة amira3914

بصراحة بقرب شهادة البكالوريا وانا راح نعقب هذا الامتحان والاخوة الكرام اتمنى التوفيق للجميع
الذي لم افهمه انا في هذه الفترة تعجبت بزاف وليت نشوف في الغاشي نفسي نفسي كل واحد يشوف غير في مصلحتو والله مفهمتش علاه علابالي كل واحد حاب ينجح بصح متوقعتش لي صار الانانية نشوفها والمصلحة ونسكت .والموقف لي صرالي اني كنا نقرو مجموعة ثلاثة بنات بعد الامتحان التجريبي الجماعة ولو يحبو يقرو وحدهم اي يا اميرة متدخليش مصلحتك تقريبا خلاص يعني هزو الفايدة وخلاص في حوايج كنت انا نجيبها من النت ومقترحات الخ لا يهم عند ربي خير والله ماني فاهمة حايرة برك وحبيت نفرغ قلبي قلبي معمر بصح ربي ينجحنا كامل

حقيقة ما جرى معك من معاملة صديقاتك أمر ليس جيد ,لكن أنصحك ألا تهتمي بأمرهن ركزي على دروسك جيدا مثلما قال لك الأخ abdel02 ولا تلتفتي إلى هذه الأمور في هذا الوقت الحساس يجب أن يكون كل همك أن تنجحي إن شاء الله ولا تنسي أن المشوار مازال طويل بعد البكالوريا وسيندمن يوما ما .فكلنا مررنا بنفس الظروف وفي الأخير كل واحد ذهب لحاله.فمن كلامك يبدو أنك طيبة والمهم في هذا ليس ما يبديه الناس تجاهك المهم هو أن تبقي وفية لأخلاقك وطيبتك,ومع مرور الزمان يظهر لك من هو الصديق الحقيقي من الصديق المزيف.
أسأل الله تعالى أن يوفقك وجميع الطلبة.

[amira3914]

ربي يحفظك يا كمال والله كلامك فرحني ربي يحفظك

[ralf3219]

اتمنى ان يعوضك الله بالنجاح في الباك و بمعدل جيد
بالتوفيق

[ورود الشتاء]

ربى يوفقك اختى

[amira3914]

ربي يحفظكم ويخليكم

[~*لوفي*~]

السلام عليكم

راك عرفتيهم اليوم قبل الغد

اقراي واخطيك منهم ومتخليش هذا الامر يشوش عليك التركيز


ديجا واش قاعدة ديري هنا


ايا نوضي




كي تدي الباك عندك الوقت للمنتدى والنت


ربي يوفقك اختي اميرة


ونحن نتتظر انك جي وتفرحينا بالنجاح ان شاء الله




ودمتم سالمين

[amira3914]

ههههههههههههههههههه خلاص هاني رايحة المهم تفكروني وربي يحفظك يا خويا لطفي

[~*لوفي*~]

المشاركة الأصلية كتبت بواسطة amira3914

ههههههههههههههههههه خلاص هاني رايحة المهم تفكروني وربي يحفظك يا خويا لطفي

مزالكي هنا؟؟؟


انا لوفي ماشي لطفي





اكيد راح ندعولك اختي
مننساوكش


ربي يوفقك وينجحك



ودمتم سالمين