حيرانة

[nabila2402]

السلام عليكم
شفت قداش هاد المنتدى أفاد ناس بزاف حبيت أنا تاني نحكي لي في قلبي
تعرفت على شاب بالانترنت مدة 5 سنين ،هو ولد فاميليا و يحبني بزاف
مشكلتو أنو فقير ما قدرش يكون نفسو باش يخطبني
ما عندوش خدمة باينة 5 سنين ما دار فيهم والو
قالي نهدر مع دارنا باه يجي يخطب و نقنعهم بيه
أنا خفت نفتح الموضوع مع دارنا منأكدة مش راح يقبلو بيه
قتلو لازم عليه يدير حل و يكون روحو قالي الحل في يدي
خلينا بعضنا أنا ما نقدرش نوقف ضد دارنا
راني غالطة ولا لا’؟؟؟؟
قولولي وراسكم

[le fugitif]

كيفاش هذا يا نبيلة تعرفتي عليه عن طريق الانترنت يعني ما شفتيه ما شافك هو من بلادك ولا غريب عليك وكيفاش عرفتي انو يحبك وانو ولد فميليا التعرف عبر الانترنت شيء خطير وضحي شوية باش يساعدوك الاعضاء

[نجمة ساطعة]

5 سنين والله صبارات صح انا بسرعة نكره و نمل
المهم ... بالنسبة لي يا ابيض يا اسود يعني يا تقنعي
نفسك بيه و بظروفو و تقبليه كيما كان يا اما وقفي
هاذ العلاقة و ربي يرزقك ما خير منو

[nabila2402]

شفنا بعضانا ـ جاني لبلادي لأنو ما يسكنش وين نسكن
متأكدة أنو يحبني
حكيت مع دارهم و نعرفهم مليح

[z.abdo]

أعتقد يجب أن تقنعي أهلك انت وهو لا زم يكون روحو ويجي يخطبك وبالتوفيق المشكل الحين راه فيه هو لأن مش واجد فقط هذا رأي .

[نورالهدى**]

فكري بعقلك ماش بعاطفتك

تزوجتيه وهوا فقير ومبعد ؟

شكون يصرف عليك وعلى الدراري


؟؟؟؟

[sarl02]

الله اكون في عون شبابنا الاعزل ....تبا للفقر في كافة الاحوال.

[نجمة ساطعة]

المشاركة الأصلية كتبت بواسطة نورالهدى**

فكري بعقلك ماش بعاطفتك

تزوجتيه وهوا فقير ومبعد ؟

شكون يصرف عليك وعلى الدراري


؟؟؟؟

في هذي مش معاك .... كاين تزوجوهم خدامين بعد الزواج راحت الخدمة
و كاين العكس

[شذا الربيع]

أختي الفاضلة ربما مشكلتك تشبه الكثير من مشكلات شبابنا اليوم فمعظمهم نيته صافية وينوي الحلال لكن يقف العمل حاجزا لتجسيد نواياهم
برأيي إن كنت تعلمي أن أهلك سيوافقوا عليه فابدؤوا بالخطوة الأولى ومن بعد سوف يظطر لأن يعمل جهدا أكثر حتى يحضر نفسه لأنه وقتها كل شيء يكون رسمي وإن كان بإمكانك أن تساعديه انت بعد الزواج فلا حرج في هذا ان تعملا الإثنان وتتعاونا على أمور الحياة
لكن إن كان أهلك يرفضونه بلا عمل محدد فأجلي الأمر قليلا لأن يجد عملا محددا والأمر هنا ليس بيدك أنت بل بيده هو أنت ما عليك إلا أن تصبري على الوضع معه بعد الزواج أما الآن فبرأيي بإمكانك مساندته في ألا ييأس في الحصول على عمل وأن يبحث ويجد أكثر
ربي يفرج عليك إن شاء الله

[الامل في الله]

خمس سنين و مازلت تخمي وين رايحة ربي يوفقك و يوفق الجميع

[مشكاة الهدى]

والله ما لقيت ما نقول
اولا خمس سنين بزززززززززاف هادي حاجة غالطة
ثانيا نقلك خليه لا ابدا محال لانو الفقر ماشي عيب
ثالثا ماشي خدام مستحيل يفتح بيت ويصرف عليه

والله يا اختي ربي يفرج عليه وعليك هذا واش نقدر نقول

[نورالهدى**]

المشاركة الأصلية كتبت بواسطة نجمة ساطعة

في هذي مش معاك .... كاين تزوجوهم خدامين بعد الزواج راحت الخدمة
و كاين العكس

للي كان خدام على الاقل تكون عندو فرصة يلقى خدمة اخرى ادا كان عندو مستوى طبعا

اما ادا ماكانش عندو مستوى فهدا تاني راهو مشكل كبير

بصح انا شخصيا نشوف بللي الفتاة للي تتزوج من واحد مايخدمش معاناة كبيرة

يعني والديها زوجوها ورايحين يبقاو يصرفو عليها وعلى راجلها وولادها

كومام حاجة ماش نوغمال

[moi*]

يا ختي الفقر ماشي عيب
لكن شوفي انتي عليمن تقدري تعيشي مادامك طرحتي الاشكال يعني راكي متردة وهاذي حياة ماشي يوم ولا اثنين
يعني انت تقدري تعيشي مع واحد ميخدمش باه راح تعيشو
وزيد كي يكثرو المشاكل والطلبات الحب يروح
خمي مليح اختي

[معمر السوفي]

الفقر ماهو عيب لكن نحن من جعلنا منه حاجزا ممكن يكون بدراهم وكي يتزوج يفلس وممكن يكون فقير وكي يتزوج يغني يقول المثل الشعبي : قصص وجرر وبعض من الذرية .
أن كان الله كاتب لك العيش معه تجي تقولي لا تقولي نعم .
ربي يوفقك لما فيه الخير