الكبة المقلية من مطبخي

ام نسمة · 2013-01-30, 16:04

مرحبا قمت البارحة بعمل الكبة واردت مشاركتكم هاته الوصفة الرائعة تفضلو معي بسم الله

اولا هاته هي المكونات

عبرت بهدا الكاس برغل وغطيته بالماء في الصحن مدة 15 دقيقة

ثم قطرته مليح

ثم مزجت البرغل مع اللحم المفروم

ثم مررتهم ثلاث مرات على ماكينة فرم اللحم مع قطعة بصل , يعني حبة قطعيها على اربعة كل مرة حطي قطعة وفي ماقب الاخيرة قمت بالتتبيل بملح وفلفل ابيض وفلفل احمر وقرفة وقست شوية راس الحانوت وطحنت للمرة الاخيرة

ثم قمت بتجهيز الحشو بصل مفروم قليته في شوية زبدة مع ملح فلفل اسود وقرفة ثم اضفت اللح المفروم وكي طاب كما البوراك اضفت له اللوز مقطع طوليا وهده الحشوة بعد ما جهزت

ثم شكلتها بصبعي لوكان نقللكم تشبعو عليا ضحك هاديك الماكينة غير شريتها ورجعت للدار استعملتها واليوم كي قعدت نقرا في الكاتالوج تخيلو ...لقيت فيها اكسسوار لصنع الكبة لكن من عجلتي ماشفتوش هههه
[

ثم قمت بحشوها وقفلتها وشكلتها بشكل بيضوي هكدا

ثم سخنت الزيت في مقلاة وقليتها على نار خفيفة باش اتطيب سواها انا حمرتهاا بزاف على خاطر زوجي يحبها هكا

وشهية طيبة ارجو منكم التقييم والتشجيع على المواصلة لانو بضراحة الطبخ كان خاطيي شوية نطيب غير الاكل العادي الباين وخلاص لكن بفضلكن درت القلب ورجعت نحب الجديد ونطبقو انا ماقليتش كامل الكمية حطيتها في طبسي في الكونجي لاتور وكي جمدت حطيتها في دي بوات وخبيتها لكن لا اعرف ان كان تصرف صحي ام لا ارجوكم افيدوني لانو راكم تعرفو نشرو اللحم مرحي ديجا مديكونجلي ونرجعوه احنا للمجمد لانو العجية تاع الكبة ماش طايبة انا بانتضار نصا ئحكم

ام ساجد · 2013-01-30, 16:58

يعطيك الصحة جاتك تشهي بصحتكم
اما بخصوص لي خبتيه في الثلاجة من الاحسن انك تخدمي غير قيس وش راح طيبلان دجا اللحم ديكونجلي هذا على حد علمي

ام نسمة · 2013-01-30, 17:20

اقتباس:

المشاركة الأصلية كتبت بواسطة ام ساجد

يعطيك الصحة جاتك تشهي بصحتكم
اما بخصوص لي خبتيه في الثلاجة من الاحسن انك تخدمي غير قيس وش راح طيبلان دجا اللحم ديكونجلي هذا على حد علمي

شكرا عزيزتي على الرد واش من رءيك رمي اللي خبيتو ولا نطيبو نورمال

ام ساجد · 2013-01-30, 17:51

لالا ما ترميش ازربي طيبيه دريه اليوم في العشاء
ومن هك ديري قيس ما تحتاجي بصحتكم باي

soriaalg · 2013-01-30, 18:03

مممممممممممممممممممممممممممممم ما اروعها يعطيك الصحة فحلة ونص

soriaalg · 2013-01-30, 18:10

مممممممممممممممممممممممممممممم ما اروعها يعطيك الصحة فحلة ونص

ام نسمة · 2013-01-30, 18:50

اقتباس:

المشاركة الأصلية كتبت بواسطة soriaalg

مممممممممممممممممممممممممممممم ما اروعها يعطيك الصحة فحلة ونص

شكرا عزيزتي بارك الله فيك

faizarbh · 2013-01-30, 20:36

مممممممممممممممممممممم يعطيك الصحة جاتك كيما يلزم و هيا اجي حمرة

miro1508 · 2013-01-31, 11:29

la forme hayla o el bana sur bnina bessah la viande conjele machi mlihe tradiha lel conjelateur o merci pour toi

ام نسمة · 2013-01-31, 13:49

اقتباس:

المشاركة الأصلية كتبت بواسطة miro1508

la forme hayla o el bana sur bnina bessah la viande conjele machi mlihe tradiha lel conjelateur o merci pour toi

شكرا اختي على المرور والمرة الجاية ان شاء الله نعملها باللحم الطازج باش نقدر انخبيها في المجمد شكرا مرة اخرى اختي

أم ماجد · 2013-01-31, 14:27

ربي يخليك راكي فحلة ارني من فضلك ورة البرغل رايحة نجربها بسرعة

لسومة 41 · 2013-01-31, 15:49

شكرا لكي حبيبتي

ام نسمة · 2013-01-31, 16:54

اقتباس:

المشاركة الأصلية كتبت بواسطة أم ماجد

ربي يخليك راكي فحلة ارني من فضلك ورة البرغل رايحة نجربها بسرعة

مرحبا اسمحيلي هدا وين شفت الرد تاعك ما فهمتش واش قصدك صورة البرغل

لميس اميرة · 2013-01-31, 17:06

يعطيك الصحة اختي سخفتيني قتلتيني بالسخفة كنت هايبة منو بصح طريقتك جاتني مليحة

1 يا ريت كون تصوريلي الساشي نتاع البرغل باه نعرفة الماركة

2 هاديك الماسينة نتاع اللحم غير خاصة برحي اللحم ولا ممكن نستعملوها للغرس تاني و اسمحيلي ختي اسمحيلي بزاف بقداه شريتيها

3 يا اختي ننصحك لوجه الله ما تزيديش تشري اللحم الكونجلي لانهك يديرولو دوا بعيد الشر يستعملوه غير للجثث و الميتين باه لحمهم ما يروح ما يجي و لانو يطول فالطريق حتى يوصل للجزائر يكثرو فيه علا بيها لونو يجي هكذاك حمر بزاف

مولات الدار · 2013-01-31, 18:52

ياأختي واش هو البرغل نسمعو عليه بزاف في سوريا ولبنان وكل مرةنبحث ومانلقاش الجواب ؟:::::: هل هو تششة تاع الزرع ولا تاع القمح .:؟