اريد طريقة عمل قاطو القارص

جولنار1000 · 2009-10-23, 12:04

السلام عليكم
اريد مقادير وطريقة عمل قاطو القارص اللي تعرف تقول راني ننتظر لانو كانت عندي المقادير وضاعت واللي عندها طريقة جديدة تفيدنا بيها

اسمهان زاد · 2009-10-24, 11:27

لم افهم اختي نوع القاتو لي تحوسي عليه قوليلي كيفاه عامل يمكن نقدر نفيدك

جولنار1000 · 2009-10-24, 12:09

شكرا اختي على مرورك هو قاطو قديم يجي حسب رغبتك اصابع او مقروذات ويغلف بالسكر قلاصي اكيد تعرفيه لكن ماعنديش المقادير اذا عندك فيديني بيها وجزاك الله الف خير

زهرة تشرين · 2009-10-24, 15:45

السلام عليك اختي
سالبي طلبك فيما يخص قاطو القارص و تفضلي باخذ المقادير
4 صفار بيض
3 ملاعق اكل سكر عادي 250 غ زبدة او مرغرين
مبشور ليمونة
نصف كيس خميرة كيميائية
والفرينة
طريقة التحضير
تحكي الزبدة مع السكر جيدا حتى يذوب السكر بعدها تضيفي البيض وتستمري في الحك ثم مبشور القارص و في الاخير تضيفي الفرينة و لاتنسي الخميرة معها كمية الفرينة على حسب العجينة يعني تتحصلي على عجينة مليحة
تعملي من العجينة حربوش و تقصيه مقرودات و تحطيهم يطيبو في الفرن
لما تبرد الحلوى تغطسيها في عصير القارص وتمرغيهى مباشرة في السكر قلاص
وحتى تتحصلي على وجه مرمد مليح للحلوى عاودي مرغيها مرة ثانية في السكر قلاص
شهية طيبة

جولنار1000 · 2009-10-25, 17:21

شكرا لك الاخت زهرة تشرين راح نجربو اكييد تعيشي حبيبتي

meddad · 2009-11-05, 08:45

qشكرااااااااااااااااااااااااااااااااااااااا

didin · 2011-05-29, 15:39

ممكن مرة بس تعملونا حاجا بصور