اريد ان اشتري بطاقة visa من هنا من الجزائر لكي اشتري اشياء من ebay

[Mr Amine Dz]

السلام عليكم
لدي حساب paypal جزاشري غير مفعل ياي بطاقة
اريد ان اشتري بطاقة visa من هنا من الجزائر لكي اشتري اشياء من ebay
بمادا تساعدونني و تنصحونني ؟

[ahldz]

الحساب الجزائري يلزمه بطاقة فيزا اردنية مسبقة الدفع ليتم تفعيله

في حالة استقبلت الدولار في حسابك يبقى هناك ولا تستطيع استعماله حتى يمر عليه شهر او يتم شحنه في البطاقة مباشرة كل بداية شهر مجانا بعدها يكون ملكك

اذا استقبلت دولار مسرووق وهذا متوفر كثيرا للبيع يعني انسى حسابك وراحت بطاقتك في الريح

شكرا

[Mr Amine Dz]

صحيت خويا
انا حاب نفعلو بطريقة صحيحة يعني نشري visa بصواردي و باسمي و نفعلوا وكل شي تاعي يكون صحيح يعني حاجة ما تكون مسروقة
باش نشري برك ماني حاب نستقبل والو ماندخل روحي في السرقة ماوالو
وين نقدر ندير visa باسمي هنا في باتنة .

[ahldz]

اذا تقصد فيزا باسمك وحساب بنكي باسمك او قانوني روح بنك الخليج التكلفة غالية

شكرا

[Mr Amine Dz]

هذا ما ابحث عليه اخي يعني كل شيء يكون قانوني
يعني نجيب كارت فيزا من بنك الخليج و paypal جزائري و يكون كلش قانوني ؟ نشري و نستقبل مشترياتي عادي ؟
ممكن مساعدة في التكاليف ؟ و الوقت اللازم ؟

[ahldz]

بطاقة بنك الخليج تكلفتها تقريب 35000دج

البطاقة مشحونة ب 100 يورو غالية الثمن لا انصحك بها

اذا حاب تشري سلعة شوف واحد يشريلك السلعة ويدي عمولته وخلاص

[Mr Amine Dz]

انا راح نحتاج البطاقة على المدى الطويل يعني نقدر نخسر مع لول في شرائها بصح من بعد كي نحب نشارجيها كي تخلص و لا تموت تبقى التكاليف غالية ؟

اسمحلي خويا ادا عييتك معايا الباتني تاعنا

[ahldz]

روح لبنك الخليج راهم يفهموك يوم انت حليتها

البطاقة لا تموت واول مرة مدة صلاحيتها سنيتين ويتم تجديدها

المشكل نتاعهم غالية ويزد اليورو تشريه من السوق السوداء يقولوك اعطينا بيان منين شريته

روح واتوكل على ربي هي راهي مليحة بصح العمولات تكره

ملاقات الخير

[Mr Amine Dz]

يعطيك الصحة خويا كثر خيرك

[Mr Amine Dz]

ممكن معلومات اضافية خويا
كيفاش نجددها كي تموت و كيفاش نعمرها كي يخلصو الدراهم ؟
و نقدر نخلص كاش او سيسيبي ccpما عنديش علاقة بامور اخرى
انا من باتنة

[الأستاذ سامي]

السلام عليكم
لمن يقول ان تكاليف الفيزا الرسمية الحقيقية القانونية غالية ... فكل واحد واش عطاه ربي و الفيزا لمن يملك دخل و يودع امواله في البنك و ليست لصغار السن الذين دخلوا للتو في الحياة
و لا اظن ان تاجر جاد مثلا لا يستطيع دفع هذا المبلغ مقابل فيزا
اضافة الى ان هذا الثمن ضئيل مقارنة مع تكاليف الكروت البنكية للبنوك العمومية

[ahldz]

المشاركة الأصلية كتبت بواسطة الأستاذ سامي

السلام عليكم
لمن يقول ان تكاليف الفيزا الرسمية الحقيقية القانونية غالية ... فكل واحد واش عطاه ربي و الفيزا لمن يملك دخل و يودع امواله في البنك و ليست لصغار السن الذين دخلوا للتو في الحياة
و لا اظن ان تاجر جاد مثلا لا يستطيع دفع هذا المبلغ مقابل فيزا
اضافة الى ان هذا الثمن ضئيل مقارنة مع تكاليف الكروت البنكية للبنوك العمومية

اول شخص جرب هذه البطاقة في المدينة هو صديقي حتى البنك اخبره انه هو رقم 1 الذي حصل عليها

في البداية عند فتحها بخصوص 100 يورو استقبلوها عادي ولم يخبروه منين شراهاو لا شيء لانه راح يفتح حساب

بعد استعمال 100 يورو واراد شحنها مرة ثانية رفضو استلام 100 يورو وعمولتها 1000دج مرة ثانية لانهم طلبو بيان منين شرى اليورو

اخبرهم انه من السوق السوداء فرفضو استلامه يطلبون justification

لكن قالو له لو تريد شحن 50 يورو مقابل عمولتها 1000دج نقبل وقالو له تستطيع ان تشحن كل مرة 50 يورو يعني يعني 100 يورو عمولتها اصبحت 2000دج


كذلك عندما استقبل 100 دولار في حسابه بايبال لا اقول لك من مشاكل حصلت معه في البنك بسببها ومصدرها وكانت حكاية طويلة معهم لان البنك لا يثق بشيء ويرى ان مبلغ يدخل في الحساب كانه مسروق

لازم تبقى ديما تشحن عندهم فقط

بعد مدة وجد 20 يورو اختفت من حسابه من دون استعمالها ولا يوجد اي اثر لها سحبها البنك

المشكل ليس في المبلغ فانا بطبيعة الحال راح افتح حساب عندهم

المشكل في القوانين والتعقيدات والعمولات وبيان شراء اليورو الذي يطلبونه

يعني 100 يورو تكلفك 16000دج جزائري

مجرد توضيح شكرا

[الأستاذ سامي]

شكرا على التوضيح
السياسة ليست سياسة البنك ففي بلده يمكن الحصول على البطاقة و شحنها بكل سهولة اضافة الى ان البنك يحتاج للعملة الصعبة
هذه السياسة مفروضة محليا و تطبقها البنوك المحلية لانها قوانينها

لكن هناك ثغرتين :
اولا هل الاورو فقط هو المشكوك فيه؟ يعني شخص عامل يريد ان يدخر امواله في البنك بالدينار سيطلبون منه مصدر الاموال !!!
ثانيا : هنا في الجزائر معروف انه لا يمكن التقدم الى البنك الخارجي مثلا و شراء العملة الصعبة لمجرد انك تريد ادخارها في بنك الخليج - بغض النظر عن انك تريد شحن بطاقة - فمن أين نأتي لهم بالعملة الصعبة ؟ يعني ما هي المصادر المقبولة ؟ .... لا توجد اليس كذلك ؟
اليس هذا فيه تناقض بين عمل هذا البنك و القوانين الخاضع لها؟ أو انه دخل الجزائر مغمض العينين !!!

[mandila 2010]

اخي يمكنك شراء بطاقة فيزا جيفت تصلح للشراء من النت و المتاجر التي تتعامل بها و هي قابلة للشحن و تفعيل البيبال

[الأستاذ سامي]

المشاركة الأصلية كتبت بواسطة mr amine dz

ممكن معلومات اضافية خويا
كيفاش نجددها كي تموت و كيفاش نعمرها كي يخلصو الدراهم ؟
و نقدر نخلص كاش او سيسيبي ccpما عنديش علاقة بامور اخرى
انا من باتنة

عند فتح حساب الامر يكون مثل اي بنك اخر
يعني تأخذ الشكارة و تتجه اليهم وتطلب ايداع الاموال في الحساب

اريد فقط التنبيه الى ضرورة تجنب المحاذير الشرعية في التعامل مع البنوك - جلها ربوية -