لكل جزائري دمو حامي على بلادو....

[amel_mamel]

الحمدلله والصلاة والسلام على رسول الله وعلى آله وصحبه أجمعين أما بعد:
لقد نظمت هذا القصيد من كتابة يدي وما ساعدني على كتابته حب الجزائر الذي يتغلغل داخلي حبيت أني انقله لكم لتعطوا رأيكم فيه:


بيض ....خضر ...حمر في البساتين
أسود شجعان في الميــــــــــــاديـــن
دمهم حامي ماهو دفــيـــــــــــــــــــن
اسمهم يلالي هنا في الخارج وفي الصين
مايحبوا الظلم يوقفوا بوجه الظالمين
غاروا منهم عملوهم متوحشيـــــن
مروا على المصاروة خلاوهم زعلانين
بهدف في أم درمان فرحوا الملاييـــن
والمصاروة من الغيرة قالوا رانا بلطجيين
ربحناهم وخليناهم مع الاسى والبكاء والأنين
رحنا للمونديال وعلى الله متوكليــــــن
ماسجلناش الأهداف بصح شرفنا الجزائريين
فتنا على الإنجليز حصرنا جيرارد وروني المسكين
رحنا للماريكان ااااااااااه عينا واش درنا في الأمركيين
بن كلينطن يتفرج في المباراة يظن بلي حنا ساهلين
بصح عرف شكون حنا وشكون هوما اللاعبين
ولاد الدزاير دمهم حامي وواعريـــــن
في وجه الثعالب والغداريــــــــــن
مايرضاو الخسارة وللفوز ديما رايحين
متوكلين على الله ماشي على السحارين
يفوزوا بالمباراة وبروح رياضية يسلموا على الخاسرين
والله نحبوا المصاروة بصح هوما ماكرين
حاشا بعضهم فيهم اللي أغلى من الذهب الثمين
رانا خاوة بصح أصحاب فتنة وصلوا الكورة للسياسيين
سبو شهدائنا في القنوات والإعلام وخاصة بعض الفنانين
الله يسامحهم رانا كامل عرب ومسلمـــــين
يخي كورة وفاتت ماشي حرب صليبييــــن
امحوا الكره من قلوبكم وخلونا كيما كنا متحابين
احنا ولاد الدزاير مانحبوش الإهانة واللي يسبنا نعمولوا العين
راسنا عالي عمرنا ولا حطيناه في الطـــــين
على بلادنا نخلوا العالم ماشي غير المصريين
خليكم ملاح معانا واحنا رانا معاكم صافيين
الدزاير هي أمنا وبلادنا مانفرطوش فيها على مر السنين
نحبوها الله غالب واش انديروا إذا كنا بحبها مغمورين
ربي يخليها لينا ولحمايتها رانا مستعديــــــن
نعماو المستحيل باش تبقى مرفوعة الراس عالية الجبين
أنا ,اللاعبين,الشعب ..حب الدزاير يجريلنا في الشرايين
بلادي نور ضاوي ماشاء الله على زهرة التـــوليــــــــن
إخواني الجزائريين حبي ليكم قاوي وفي قلبي راكم ساكنين
الله يحفظنا ويحفظ بلادنا من السحرة والحاسدين
هذي بلادينا عليها نفدو بكل ماهو ثميـــــن
ربي يوفقها وينصرها يا جماعة قولوا امـــــــــــين

[كارينا]

1 2 3 viva l algerie
تحيا الجزائر بلاد المليون والنص مليون شهيد
صحيتي امال على الشعر الشباب هادا

[نينا الجزائرية]

لو كتبتي هذا الذي تسمينه شعرا قبل سنة كان الكل سيسفق ويهلل لك
لكن الان وفي الظل الاوضاع التي نعيشها ويعيشها الوطن العربي
من سيهتم لكرة القدم وافراحها الزائفة
حب الوطن لا يقتصر علي جلد منفوخ
وياريت تكفون أذاكم عن اشقاءنا
سلام

[الاستاذ عابر]

بلادي نور ضاوي ماشاء الله على زهرة التـــوليــــــــن
إخواني الجزائريين حبي ليكم قاوي وفي قلبي راكم ساكنين
الله يحفظنا ويحفظ بلادنا من السحرة والحاسدين
هذي بلادينا عليها نفدو بكل ماهو ثميـــــن
ربي يوفقها وينصرها يا جماعة قولوا امـــــــــــين

امين
قصيدة رائعة سلمت يمناك
دمت متالقة

[ياسر البرشلوني]

شكرا قصيدة رااااااااااااائعة

[aze123]

هم عمروا الشكارة و راحوا الى فرنسا بلدهم الام و انت اقعد تتغنى بهم لا حول ولا قوة الا بالله

[رشيد آل عمر]

المشاركة الأصلية كتبت بواسطة نينا الجزائرية

لو كتبتِ هذا قبل سنة كان الكل سيصفق ويهلل لك
لكن الان وفي ظل الاوضاع التي نعيشها ويعيشها الوطن العربي
من سيهتم لكرة القدم وافراحها الزائفة
حب الوطن لا يقتصر علي جلد منفوخ
وياريت تكفون أذاكم عن اشقاءنا
سلام

[أجمل الزهور]

تحيا الجزائر
بارك الله فيك على هذه الكلمات الرائعة.