السلام عليكم أخواتي العزيزات
اليوم جبت لكم الوصفة لي نعتمدها في صنع االتيراميسو
المقادير :
4 بيض
علبة ميسكاربو 250غ
ليبودوار
قهوة طايبة
4 ملاعق سكر
كاكاو
الطريقة :
-نخلط بياض البيض مع 2ملاعق سكر لازم يطلع مليح
-نخلط الصفار مع 2ملاعق السكر حتى يميل لونه للأبيض من بعد نزيد لو جبنة ميسكاربو ويخلط مليح حتى يتماسك مليح
-نقسم البياض لي طلعتو على ثلاث 'نضيف الاولى على الصفار ويخلط غير بالعقل من فوق الى تحت بالسبت لا لازم مايتكسرليش القوام نتاع البياض وهكذا نكمل مع باقي الطبقتين حتى نتحصل على كريمة متماسكة .
-نجيب الكيسان لي راح نحط فيهم نشمخ البسكوي في القهوة نشمخ غير شوية برك نحط في الكأس طبقة ومن بعد ندير طبقة من الكريمة ندير فوقها الكاكاو ونزيد وعاود نفس العملية : بشكوي مشمخ في القهوة ثم كريمة ثم كاكاو ومن بعد الى الثلاجة ليلة كاملة
- بالنسبة لعدد الطبقات كيما تحبي ديري 2او3 طبقات
والنتيجة تيراميسو رائع ، أنا أولادي يموتو عليه والزوج كل ما يرح يصرف يجيب الميسكاربو والبدوا ر يعني يحب ندير لو التحلية هههههههه
ومن بعد نحط لكم الصور ان شاء الله لأنني تعلمت كيف اه ندير ذكر راح عليا الحال ريح نرقد باش نوض الصباح ان شاء الله للأولاد للقرابة
وبالمناسبة نتقدم بالشكر الجزيل لام انس وأم أناس هما لي علموني كيف ندير
وتصبحو على خير غداً ان شاء الله .
( تقرير عن مشاركة سيئة )، و الموجودة أسفل كل مشاركة .
2013-12-10, 23:32
التيراميسو
لا شكر على واجب يا غالية
مرحباً بأخي العزيزة راح نحاول نحط الصور ان شاء الله
العرض العادي
