OoOoO اريد نصيحتكم فلا تبخلو عليا OoOoO

[narimene18]

السلام عليكم جماعة ان شاء الله تكونو بالف خير حبيت اليوم ندي رايكم في موضوع انا نريمان من مدينة غليزان هاد العام عندي الباك شعبة اداب وفلسفة حقيقة انا نحب قرايتي بزاف ومنحبش الاهمال الحمد لله عندي قدرات وهاد الفصل جبت 14.15 وانا هي ديما الاولى في شعبة الاداب الفلسفة ومشكلتي هاد العام هو انو العام لي فات كانت تقريني استاذة في الفلسفة و كنت نحب نقرا عندها وكنت نجيب ب15 و 16 وهاد العام راه يقريني بروف صعيب وكيما نقولو مزير فنقاط ومن اول الفصل بدا يقوللنا انتوما والو وبهاد النيفو متقدروش تجوزو الباك صحة طلعنا المستوى بصح هو يعني يقوللنا زاد مستواكم انا راني عارفة بلي راه يخوف فينا بس بهاد الهدرة نتاعو وليت ننفر من مراجعة مادة الفلسفة حقيقة راني نحل الكايي تاعها غير مين يكون عندنا فرض ولا اختبار بصح نجيب اعلى نقطة عندو يعني هو الحد الاعلى عندو 13.5 لوكان متعرف شتكتبلو المهم نظن طولت عليكم
راني حابة تقترحو نصيحة ولا حلول لمشكلتي باش نبدا نريفيزي علما انا والله مجبدت الكي تاعها فهاد الفاكونس رغم انو عندي مقالات وكتب رائعة وما عليا غير نريفيزي بصح منيش نقدر بليز عطوني نصيحتكم خصوصا انو الباك مبقالو والو ومعامل الفلسفة 6

[narimene18]

svp rodo rabi y3ayachkom

[abid.en]

قصتكي تشبه قصتي بعض الشيىء و خاصة في المعدل 14 و في الاولى على شعبة الاداب و الفلسفة و نحن كذالك في اول العام استاذ الفلسفة تاعنا كان ايهبطنا في المورال وانا عن نفسي كنت انزعج جدا من هذا الشيىء لكن في نفس الوقت ينصحنا داءما و يبذل كل جهده باه نفهموا جزاه الله كل خير و في احد المرات قال لنا كل واحد ياخذ ورقة و يكتب فيها اذا كنت انا مقصر معاكم في فهم الدروس طبعا بدون كتابة اسماءنا فكتبت له زميلتي انك اتهبطنا في معنوياتنا و هذا يؤثر علينا في الدراسة .بعدما قرا كل اوراق التلاميذ قال لنا انه يوجد تلميذ كتب لي في الورقة راك اطيحنا في المورال فقال انا افعل هذا الشيء عمدا لانه تصوروا اذا كنت انا امدحكم داءما يصاب التلميذ بالغرور ويقول في نفسه انا فاهم كل شيء فربما استاذكي له نفس الراي...على كل حال ماتخذيش عليه و راجع دروسك مازال غير شهرين على الباك واستاذك ادى الباك و لا يهمه في التلاميذ نجحو او لم ينجحو..بالتوفيق

[narimene18]

merci bccp khti rabi ynaja7na kamal

[abid.en]

امين.... كيف هي معنوياتك الان.....ان شاء الله متحسنة

[**تقوى الايمان**]

slt salam 3liki khti narimene
n9olk 7aja madirich 3al brof w malazemch yti7lek el moral abadan w 7afdi el philo w matkhamich fel prof puisk machi howa ra7 yjewez el bac wela lala?w 3an tajroba ana el 3am lifat jewezto w 7amdulelah jebTO kont na9ra ls langues kont nekrah histoire geo mi wach ndir kont nriviziha toujour.w t Amni ya khiti ki trivizi men debu d l anne matkhafich kamel KIYUSSl Mai . ma3lich marivizitich fel vacance mi rivizi doka mli7a lik mowafa9a el bac 7lawto hayla .ana doka rahi tjini ri7et el baC
nchallah nkon Afedtek
baaaaaaaaaaay mofa9a fi** 12 JUIN** nchaalah
**MERIEM**

[staifia]

البروف يزير في النقاط باش غير التلاميذ ما يتغروش و باش يقراو ماعليك غير تقراي وتريفيزي والباقي على ربي العالمين مرسي

[عزّالدّين]

كلّ أستاذ طبيب قسمه، فهو يعرف موقع المرض، يُحاول بشتّى الطّرق معالجته، لكن أحيانًا المريض لا يُتابع الوصفة بعناية تامّة، وعليه تكون النّتائج وخيمة ليس للمعني، بل للأستاذ. لأنّه ببساط يُريد أن يرى نتائج التّحاليل.
وحسب اعتقادي أنّ محاولات الإحباط - حسب قولك - من قبل أستاذك ماهي إلا تحفيزات إستراتيجيّة. أمّا الفرق بين نقاطك في السّنة الماضية ومقارنتها بالسّنة الجاريّة ليس مقياسًا، ربّما كنت في السّنة الثانيّة وبرنامجها يختلف تمامًا مع السّنة النّهائيّة، أو ربّما طريقة بناء الامتحانات تغيّرت عليكم، فكل أستاذ يُحاول أن يُجدّد ويُرِيَ تلاميذته الجديد.
أمر آخر كلّما يصير شيء مع الأستاذ لا نرتاح له نقول بكل برودة: نحن لنا "Bac"، بينما الأستاذ يُشارك في عملّية النّجاج بنسبة "Ba" وما تبقى "c" من اجتهاد المعني بالأمر.
نرجو لكلّ مترشّح لشهادة البكالوريا النّجاح وبصيغة HD

[narimene18]

wlh moch 3arfa wach n9olalkom rabi yafadkom merci bcp w banaci7atkom rani bdit nrivizi fiha w mal9it 7ata mochkil merci yfara7kom kima w9afto m3aya

[abid.en]

الحمد لله .....

[عزّالدّين]

ليتنا نستفيد من قَصص القرآن الكريم، لاحظي سورة الكهف وقصّة موسى عليه السّلام مع الخضِر عليه السّلام، ففي القصّة موسى عليه السّلام تلميذ يُريد التّعلّم، والخَضِر معلّمه، وفي تلك القصّة عِبر منها الإصغاء إلى المُعلم كما جاء في السّورة(قَالَ لَهُ مُوسَى هَلْ أَتَّبِعُكَ عَلَى أَن تُعَلِّمَنِ مِمَّا عُلِّمْتَ رُشْداً) ثمّ يتتابع الحدث ويقول لمعلّمه (قَالَ سَتَجِدُنِي إِن شَاء اللَّهُ صَابِراً وَلَا أَعْصِي لَكَ أَمْراً)