يا متعاقدي ولاية ام البواقي

[هدية]

السلام عليكم
نحن اذا اتفقنا جميعا على الاجتماع يوم 12 يعني بعد غد انشاء الله امام مديرية التربية
انا نتمنا نكون من بين الممثلين الي يقابلو مدير التربية ان صحت لي الفرصة
المهم
لازم نتفق جميعا على النقاط التالية حتى يكون بيننا توافق في الافكار
انا نكتب واش راني نفكر وكل واحد فيكم عندو راي مغاير او اضافة يتفضل
1- شرط اول الاساتذة اللي نجحو في المسابقات وهم من ولايات اخرى لازم ان يتم التنسيق بين مديريتنا ومديريات ولاياتهم ويتم تبديلهم
يعني يرجعو لولاياتهم ويتركونا المناصب الشاغرة
و عددهم كبير وحتى هما عندهم الرغبة في التبديل
نعطيكم امثلة
في عين مليلة فقط كاين عددهم يفوق 20 كل واحد من ولاية مختلفة
2- ان ينقلو انشغالاتنا كاملة الى وزير التربية
3- ان يتم فتح مناصب مالية جديدة
4- ان يتم الادماج على حسب سنوات الخبرة فهناك من هم مستخلفين منذ سنة 2001 ولم يمسهم الادماج
5- وان تطلب شهادة الاقامة في المسابقات في السنوات القادمة
يعني يجب احتساب سنوات الخبرة - السن - الاختصاص - عدد المشاركات في المسابقات - والانتماء الى الولاية






ملاحظة
نريد بعد غد وقفة تعكس مستوانا وثقافتنا من فضلكم يعني لا كلام غير لائق ولا ضرب ولا صراخ ولا حتى محاولات انتحار مع اني اعلم انكم مش لرح تنزلو لهذذا المستوى وتفكروا في امور مثل هدي
والى الامام
الله اكبر

الله اكبر

الله اكبر