مشكلتي الحقيقية

[(يودومي)]

السلام عليكم

موضوع يقولون عليه انو حرام او لا يجوز الجميع عارف هادا الشي

الي يهم انو قلت نحكي قليلا عن الحب هاذه قصة حقيقية لي بالتأكيد

قديما تعرفت على بنت الي هي جارتي والامر انو نشأت بيننا علاقة حب ما فيهاش شوائب كان عمري 11 سنة

استمرت هاذ العلاقة قريب 8 سنين وبعدها انو عرفت انها مجرد نكتة قالت انو كنت نضيع في وقتي معاك وفوقها في السنوات الأخيرة قالت لزميلاتها وعائلتها انها تتمسخر بي فقط انا عرفت في آخر الامر هادا الشيئ هادا اتصلت بي زميلتها قالت اني مهبول وعايش في الاحلام ومريض نفسي قالت انو حكايتك مضحكة على كل لسان حتى انو كنت نحكي معاها في التلفون وكانت تسمع في صحاباتها ويضحكو علي

على بالي انو علاقات مثل هادي حرام بصح كاينة في المجتمع تاعنا
قررت انو نبطل كافة اشكال التعامل هادا بعد ما ابتعدت عنها رجعت لي وقالت اني غلطت معاك ! قلت ما نسامحش 8 سنين راحت في 0000000 اطول مقلب تاريخي يدخل اكتاب جينيس انعزلت مدة تاثرت بصح بعد ما تغيرت الامور ورجعت الامور المادية لاباس بيها عندي بدات الأم تحوس تخطب وراكم تعرفو انا عندي خويا تزوج على 21 سنة احنا يتزوجو شوي بكري شغل تقاليد بصح انا ما زلت مصدوم من البنات عارف انهم ماشي زي بعض كامل


انا حكيت على مشكلتي قلت نلقى حل او نرتاح على بالي يقولي واحد دوك اتق الله راهي صرات قديمة الحكاية والي صار صار
كيفاه هنا نتخلص من الخوف تاعي من التجربة السابقة على اقل نعيش ونبدا من جديد ؟

ربي يخليكم المهم رد اي شي

[عُضو مُحترم]

شوف يا خويا

انت كنت ابن حلال

و احببت من قلبك

بنية و صدق

هي خدعت و كذبت 'و تمسخرت بيك

ماشي مُشكل

كل شخص يتصرف على حسب تربيته

لن اقول لك اخطات او كانت على صواب

لان ما مضى قد مضى

و انقضى

و التفكير في المُستقبل

اذا انت لا تعرف من النساء الا الصنف المخادع

الذي لك معه تجربة جعلتك تكرههم

أكيد والدتك تعرف كل النساء

و كل طبائع النساء لانها امرأة
و لها خبرة في الحياة

خليها هي تختار لك

و من بين من تختارهن لك

ابحثن عن التي يرتاح لها قلبك

و هكذا تضمن انك تطيع الوالدة و تريح نفسك

***************************
انا هكذا نظرتي للقضية

ممكن راني صح
و ممكن راني غالط

الله يعلم

ربي يوفقك خويا و ان شاء الله تفرحوا بيك

في القريب

[عبد النور مكي]

الفتى صغير جوابه كافي وافي....راني من رايه و الله اعلم
ربي يعطيك على حساب نيتك صاحبي

[تواضعي يانفس]

اتوكل على ربي...الضامن ربي

[الظل الخفي]

صلي صلاة الاستخارة وتوكل على الله حق التوكل

وتأكد أنه لا يخيبك

بالتوفيق أخي

[amira3914]

والله يا خويا ربي خلق وفرق يعني متخفاش وتوكل على ربي ونزيد نقلك الناس كل ماشي كيفكيف ونشاءالله تلقى الي تقدر حبك وقيمتك

[العبقور]

بالاك تخطب البنت هادي لأنو كيما تمسخرت بيك تقدر تعاودها مرة ثانية ( عشرة 8 سنين .....)

[1954مريم]

السلام عليكم اخي الكريم لقد قرات رسالتك ومشكلتك انك كنت ضحية حب زائف او امراة مخادعة

اخي الكريم قال احد المشايخ عن الحب حلاله حلال وحرامه حرام فالقلوب بيد الرحمن يقلبها كمايشئ .

لكن انت قلت انك كنت ضحية وات كنت صادق اقول لك كل واحد يعنل باصله .

فالكثي ر من البنات هداهم اله عندما تجد شاب طيب ومتاكدة من حبه تتلذذ بعذابه او تقول هذا مضمون وتبحث عن واحد اخر اذا صدق الثاني ترمي الاول واذا لم يصدق الثاني تتمسك بالاول لان الاول في الجيب

لكن الله يمهل ولا يهمل .......
لكن نصيحة لرجال او النساء لابد ان يكون للانسان كرامة وقيم ومبادئ لا يسمح بتجاوزه لانه هناك من يخدع وتداس كرامته لكن يقول احب في راي هذا ليس حب

لانه لابد من موقف لا يسمح بتجاوزه مهما كان حتى مع الاهل والاقارب مهما كان

والحب الذي يهيننيي ليس حب بل مرض

انت لان تبحث عن فتاة سهل الله سعيك وانت متخو ف والله كلتا الجنسين متخوف حتى ان الواحد فقد الثقة من كثرة مايسمع

لكن الانسا ن يتقي الله ويستخير ويحدد اهدافه وينطلق منها ويسال ويتريث
وكل خطوة لابد من استخارة ويكون صريح مع الطرف الثاني مححد الشروط والاهداف

اطلب من الوالدة اطال الله عمرها تبحث لك وانت اختار او اختك او شخص تثق في اخلاقه واعطيه شروطك وربي يهل امرك ان شاء الله

والله هناك نساء قانتات حافظات للغيب ....ويبقى الخير في امتي لان يرث الله الارض ومن عليها

كما يوجد فرعون يوجد موسى وكما وجد ..زوجت العزيز توجد زوجت فرعون
بمعنى كما يوجد الشر يوجد الخير

والسلام عليكم

[نينا الجزائرية]

حبيتها في سن 11 وهي ربما في سنك او اقل
يعني خويا اطفال ومراهقين
هل هذا حب حقيقي
يا اخي
الحب الحقيقي
يكون في سن البلوغ وفي عشرينات او اكبر من هذا السن
كان تعاملك مع طفلة
تجربة ومريت عليها لا يجب ان تقيسها علي كل نساء
توكل علي ربي
وان شاء الله تتزوج بامراة صالحة
مدراكش خاسر حتي حاجة لانك لم تعش معها قصة حب
يعني تبدي معها الحب الحقيقي
وان شاء الله ميكونش خداع وميثاق غليض لا يفسخ الا بالموت
موفق خويا

[سحر الجزائرية]

انسي اخي والبنات معادن وان شاء الله زوجة المستقبل من المعدن الطيب والزمن داوي الجروح

[maiar]

kima kaltlek nina kant 3akliatha sghira mais hea li rabi yahdiha
par exemple ana hakaiti kima t3k ana w khatibi habina b3dana hob ma fihch chawaib kima nta hwa kan 3mrou 14 w ana 11 w dork rana makhtoubin w meme hwa makhda3ni w ana matmskhrtch bih rbi yahdiha w hram 3liha w rabi ysahalek m3 mra saliha nchalah