شخشوخة من مطبخى

ملك اريج · 2011-03-15, 17:18

مساء الخير اليوم جبتلكم شخشوخة لورق من مطبخي

ان شاء الله تعجبكم

ام البناات15 · 2011-03-15, 18:10

السلام عليكم
وينها الوصفة والمقادير........؟
وطبعا شكرا على الصور

ملك اريج · 2011-03-15, 18:28

مايكون لا خاطرك
مقادير عجين الشخشوخة
دقيق ، ملح
تعجنيها مليح مليح
ومبعد تلوزيها وتخليها ترتاح
مبعد ترققيهم بالوحدة ديرى كي طيب قلبيها وديري فوقها وحدة خرى حتى يولي برنوس كبير
بعد ماطيب قصيها كاريات وحليها بالورقة
المرق
بصل ، ثوم ، لحم غنمى ، طماطم مصبرة ، هريسة ، كسبر ، ملح ، فلفل اسود ، قرفة، زيت ، حمص ، زبيب

الاعداد
تقلي البصل والثوم و الحم والتوابل والزيت وطماطم ولهريسة مليح بعد مايتقلاو تزيدى الحمص وتمرقي
تقفلى عليه الكوكوط ساعة
بعد مايطيب تزيدي الفلفل وتخليه يغلي باه يخشار
تنحى شوي من المرقا وتلوحيها على الزبيب
تحطى شخشوختك فى صحن التقديم تحطى الحمص والزبيب والحم وتزينيها بابيض
نشاء الله تعجبك طريقتى

OU SS AMA · 2011-03-15, 19:20

يعطيك الصحة والله سخفتينا في العطلة ان شاء الله نديرها

mimicha1977 · 2011-03-15, 23:54

هايلة يعطيك الصحة

ام سامي15 · 2011-03-16, 07:53

محب السلف الصالح · 2011-03-16, 07:56

ربي يحفظك

بارك الله فيك ونفع بك
وجزاك الله كل خير

واسْع‘ـدَ الله قَلِبِكْ .. وَشَرَحَ صَدِرِكْ ..
وأنَــــآرَ دَرِبــكْ .. وَفَرَجَ هَمِكْ ..

يَع‘ـطِيِكْ رِبي ألَفْ عَ‘ــآآإفِيَه عَلىآ الطَرِحْ
المُفِيدْ ..~
جَعَ‘ـلَهْ الله فِي مُيزَآإنْ حَسَنَـآتِك يوًم القِيَــآمَه ..
وشَفِعْ لَكِ يَومَ الحِسَــآإبْ ..~

شَرَفَنِي المَرٌوُر فِي مُتَصَفِحِكْ العَ ـطِرْ ..~
تَقَبِلْ تَوآإجِدِي ..
دُمتَ بَحِفْظْ الرَحَمَــــن ..}