قصيدة سيدي عيسى
--------------------------------------------------------------------------------
غيمي سده راه جرف ياسادة **** طاح على لجبال من كل أثنايــة
مطره رشرش فيه براق ورعدة **** ريحو راه بسوط عني يادايــــة
غيمو سدى دار ببراجو كــده **** هوضلي لجراح راهم سنـــايــة
هذي مدة خاطري مابا يهدى **** وغير أنصبر فيه داير لهــايـــة
لابدة ربي يــزول ذ الشدة *** * يصحى هذ الغيم وينح أبــــلاية
ويتفتحو بيبان كانت مسدودة **** ويسهل ربي أنحقق منــــــــايــة
والدين إلي في أعناقي يتودا **** ونوفي عهدي على رغم أعداية
ولبعيدة من جات كودة مهمودة **** المسيلة وجبالها في مهـــــوايـة
شاهي نذكرناس فيها لا جحدة **** سيدي عيسى يالفاهم معنايـــــــة
أهل الجودةوالكرم هاذي عادة **** راهم معروفين بالجود حكايــــة
وذ المدينة ناسها ناس العهـدة **** ورجال المعاد تعجبني غـايــــــة
جميع أحبابي ثم ليهم مـــــودة **** يحفظهم ربي العالي مولايـــــــة
السعيد والحاج لخظر ياســـادة **** نهديهم سلام وأجمل تحـــايـــــة
والعموري ليه ثاني مـــــــودة **** من الناس الزينين واهل الهداية
وجبال وكيفان مبعدها كــــودة **** وما تصفاها قالناس المشايــــــة
ولاطاكسي قا تلمع وجــــديــدة **** ثلاث سوايع نقطعو ذالجرايـــة
ولا قمري نبعثــو منا يقــدى **** يسرفد ويروح يعمل مرضاية
يديلي جواب في وسطو وردة **** ضني في طيري يحقق منـايـة
والي سكنو جميع في هذ البلدة *** هلها والصلاح وأهل العنايــــة
وسيدي عيسى بن أمحمد بوزندة **** بو قبرين عليه قالو غنايــــــة
يعطينا براكتو عالي الجـــــودة **** ويفرج عنا الخالق مولايـــــــة
والصلاة على النابي أحــــــمدا **** نختم ذالأبيات ونــتم أغنايــــة
الشاعر/محمد أدونيس
__________________
( تقرير عن مشاركة سيئة )، و الموجودة أسفل كل مشاركة .
2008-12-17, 17:38
قصيدة سيدي عيسى
قصيدة سيدي عيسى
العرض العادي
