النصح من فضلكم اخواني

[micha85]

السلام عليكم اخوان الأعزاء انا قتاة من الشرق الجزائري عمري 26 سنة و تقد لخطبتي شاب عمره 34 سنة عامل و شكله وسيم و اوضاعه المادية ممتازة و لكنه اعرج من الرجل اليمنى فانا في حيرة من امري فهو لا ذنب له في اعاقته و انا ايضا لا ذنب ليفانا مترددة انا اقبل و ممكن اندم و لو لم اقبل لا ادري ما تخبؤه لي الاقدار فارجو ان تفيدوني في اسرع وقت ممكن انا محتارة هو من ناحية الاخلاق ماشاء الله و مصلي و ناس ملاح و الناس كامل يشهدولو بحسن الاخلاق يعني تقدر تقول فيه كل واش تتمنى اي بنت غير انو اعرج

[بنت الحجاج]

وسيم

عامل

اوضاعة المادية ممتازة

ماذا عن الجانب المعنوي يا اختي ؟


ــــــــــــــــــــــــــــــــــــــــــــــــــ ـ

[صبريـنة]

السلام عليك أختي
أختي الكريمة أريد أن أذكرك بحديث الرسول صلى الله عليه وسلم
هل ذكر فيه شيئا مما ذكرت من عيوبه، من كونه أعرجا أو غيره من الصفات؟
أختي الكريمة هل أنت بمأمن من أن يحدث معك حادث لا قدر الله؟
تذكري أختي أن العمر يجري وقد تندمين أشد الندم على هذه الفرص
فلا تضيعي فرصة أن تكوني أسرة وتكوني عامل إنشاء في المجتمع
واستخيري أختي والحاجة المليحة إن شاء الله هي اللي تجيك
راني ندعيلك وادعيلي أنت ثاني يرزقني ربي بإنسان صالح

[micha85]

هو من النحاية الخلقية مليح يصلي و ناس مليح و أخلاقو عالية و متربي و خدام عن روحو هو مصور و ربي يرزق كل البنات واختي رني ندعيلك

[sweetgril22]

انا ننصحك اذا كان لاباس اعليه هذاك ماشي عيب انو رجلو قصيرة اذا كنتي مقتنعة بيه ماشي تتزوجي من بعد تندمي لازم تخمي بقناعتك الشخصية
ممكن اجيك شخص شباب ولاباس اعليه وماتتهنايش معاه الصح فالهنا وكل واحد فينا راه معرض لحوادث وامور لايعلمها الا الله ربي يسترنا كامل امين
ربي يجيب لي فيه الخير وصلي الاستخارة وربي يهنيك ويهني جميع البنـآت

[بسمة محبة]

السلام عليكم ورحمة الله وبركاته

ما عساي أقول لك أختاه

ان كان دينه و خلقه طيب لما لا تحاولين معه بعد صلاة الإستخارة طبعا

والله هذا ماوش عيب ان كنت انت راضية بيه ما يهمك حتى حاجة

ربي يجيب لي فيه الخيران شاء الله

سلام.

[اسماء 28]

صار نفس الموقف لاحدى قريباتي ورفضت الشخص وهي لحد الان لم تتزوج
والله المراة الي تزوج بها عايشة معاه في جنة وقالت جامي كنت نتخيل نلقى انسان كيفو
لوكان جا مشكل في دينو او اخلاقو رح ننصحوك بالابتعاد ولكن هذا خلقة الله وليس له ذنب
ممكن تتخيلي العكس مثلا بعيد الشر عليك لو كان جيتي في بلاصتو ا..................؟كيف الموقف
الاهم هو الدين والاخلاق للزوج

[مصريه جدا]

صلى استخاره اختى وربنا يقدملك الخير يارب

بس مادام اخلاقه كويسه يبقى جميل جدا

اهم شئ فى الانسان اخلاقه

صلى استخاره وبعدها حددى

[عطر البنفسج]

الصفات الخلقية هاذي جات من عند ربي سبحانو يعني قادر نتي ليوم لباس عليك و قادر غدوا بعيد الشر كشما يصرالك
انا برايي مدامك مؤمنة و الشخص هذا متدين يصلي و امورو المادية لباس عليها برايي ما تضيعيش الفرصة عليك و اقبلي مكتوبك
كل شيء فالاخلاق بالدرجة الاولى نتمنالك التوفيق في حياتك

[نينا الجزائرية]

يا اختي اذا كان المشكل في رجلو وهو راجل خدام يعني مشي عاطل وشباب ولاباس عليه وفوق هذا الشيء اخلاقو طيبة
واش تحوس اكثر
ربي ميمدش كل شيء للعبد باش ميتغرش وميتكبرش ويجحد نعمة الله
تحمد ربي
لان عيبو مراهش يعيقو في اي شيء
وحتي الزواج يمدلها كل حقوقها
نعرف جارنا اعرج وتزوج وعندو ذراري وزوجته فائقة الجمال
وعايشين لاباس عليهم
ماشاء الله عليهم
ربي يوفقها

[عُضو مُحترم]

تخافي يضحكوا عليك صحاباتك و حباباتك؟؟؟؟؟

[شريان الحياة1988]

يا اختي اتكلي على ربي و ننصحك اقبلي بيه .....و ربي يجيب الخير ان شاء

[abdel02]

الراجل عيبو في لسانو....ادا كان يطير يعيي و يجي النهار اللي يطيح يا اختي العزيزة

[نورسين.داية]

يا أختي أهم شيئ هو دينه و خلقة أما الخلقة هي من عند المولى عز و جل و والله المودة الإحترام بين الزوجين أغلى شيئ و لا تهتمي بصغائر الأمور وفقكي الله عزيزتي

[أريج الكوثر]

أهم شيء أنه ذو دين وأخلاق وكيما قلتي لاباس بيه

علابالي الحاجة اللي راهي محيراتك هي اعاقته؟؟؟؟؟؟؟؟؟؟؟؟؟؟؟

أنا عن نفسي كن يتقدملي واحد معاق اعاقة بسيطة كيما هادي رح نقبل

خاصة لا عاد ولد أصل

ما عليك غير تصلي صلاة الاستخارة

وانساي بلي معاق وأحكمي على حوايج أخرة

لأنو واحد مو عارف واش راح يصرالوا غدوا؟؟؟؟؟؟؟؟؟؟؟؟؟؟

أنتي وأنا اليوم نمشيو على 2 رجلين وغدوا وبعد غدوا؟؟؟؟؟؟؟؟؟؟؟

العلم بيد الله

ربي يهنيك ويوفقك في أتخاذ القرار الصائب والمناسب لك
ان شاء الله