بعد ما كنت وحدي ربي لاقاني بيك...

[the_evile]

تم حذف الموضوع

[صَمْـتْــــ~]

المشاركة الأصلية كتبت بواسطة the_evile

بعد ما كنت وحدي ربي لاقاني بيك
وغير بنظرة وحدة في قلبي عشقتك
نهار اللي جات عيني في عينيك
قلبي ضرب و عقلي جا لعندك
مدة صغيرة ربيت الولف عليك
رجعت وين ما نكون وحدي يقابلني خيالك
راني نبات طول الليل نفكر فيك
هامل من بكري وكمل عليا غرامك
أنا انتي من البنات اللي قلبي راهوا متمنيك
لكن مالقيتش الطريق اللي يجيبني لعندك
مالقيت حتى طريق يقربني ليك
نبغيك نبغيك و خايف الا نقولهالك
خايف و مانيش خايف من كلمة نبغيك
أنا نخاف لا الديريني خداع في بالك
هذا هو الشيء اللي خلاني نشوف و ساكت
على هذا اللي ماقدرش لساني يتكلم
عارف بلي الزمان دار و الساعة انقلبت
وصور الحق اليوم رابوا حجاروا وتهدم
شمعة الحق اليوم طفات ذابت
رانا نشوفوا الباطل قدامنا يتنعم
شفت الحق غطاوه الغيوم درقت
قوات الحقرة و الظلم منين الزمان غيم
الوقت اليوم راه يمد غير للشمايت
الراجل يشوف بالعين ما يقدرش حتى يتكلم
الراجل في وقتنا انحقر و دموعوا سالت
الخداع زاهي و مول النية في الفراغ يحلم
في الحياة عيطة رجال في الغرام انحقرت
وشحال من عاشق راه يبات في فراشوا يتألم
وشحال من حمامة في قلوب الرجال كبرت
وبعد ماربات الجنحان هجرت المراسم
صاحبت غراب و جابلها ربي شي وين وصلت
وكانت تظن بالي الزهو في هاذي الحياة دايم
وبعد اللي فات الحال بكات بالدموع ندمت
هك يصرا لجميع الغالطة اللي غلطت
اللي سمحت في الرجال في لافا كل تندم
أنا قلبي ينظر كي نشوف الوردة ذبالت
نبكي كي نشوف الوردة في يد البهايم
أنا ضد الظلم و الحقرة وين كانت
عشت مظلوم و الحمد لله ماعشتش ظالم
قبلك انتي ميات محنة على هذا القلب فاتت
وبمحان قلبي غير ربي اللي عالم
هذا شحال و أنا في الدنيا نعاني
هذا شحال وانا فدنيا نعانى
ومكنش لى كان دارى بيا
جميع اللى يشوفنى يقول هذا زهوانى
وانا قلبى مكوى بميات كية
مجروح فقلبى وجرحى دخلانى
ومجبرت اى طبيب لى يسيبلى دوايا
عارف بلى لوكان نعيدلك محانى
قلبك كيما كان يحن اعليا
انا ليوم يا امينة ربى معاك لقانى
تمنيت يومها لو كان تكونى ليا
لكان تعرفى اعليك يا امينة كى رانى
ما يخليكش قلبك تسمحى فيا
هذى حقيقة نطقتها بلسانى
وقادر حتى نكتبها بدموع عينيا
طحت فيك وربى بيك بلاني
وخايف الا نموت مشتاق فيك انتيا
صارحت بلى فى قلبى مكذبتش اعليك
و مشى لخدع هو الى جابنى لعندك
المكتوب كتب و الصدفة جمعتنى بيك
ومنيش عارف علاش انتى يامينة لعشقتك
عيت نفكر فى الطريق لى يجيبنى ليك
نبغيك نبغيك بصح ملقيش كيفاش انقولهالك
عارف بلى ماشى غير انا اللى قتلك نبغيك
هذى غنية بزاف ناس من قبلى قالوهالك
انتى شابة وجميع من شافك يحلم بيك
واش من عقل يبقى يامينة كى تزيدي تذبلي عيونك
انا طحت طيحة ورانى فى يديك
وديرى مابغتى فيا ياك الراي رايك
الراى رايك شوفى لى يخرج اعليك
حنى على حالى وفكرى قبل مترديلى جوابك
بعد الى كنت وحدى ربى لاقنى
بيك وغير بنظرة فى قلبى اعشقتك
نهار الصدفةوالمكتوب
جمعتنى بيك قلبى ظرب وعقلى جا لعندك
فى مدة اصغيرة ربيت الولف اعليك
رجعت وين مانكون يقابلنى خيالك
يا بنت الناس اذا طاحت بريتى فى يديك
بعد اللى تقرائ حروفها رديلى وجابك
اتكلمى اهدرى قولى الشئ اللى يرظيك
المهم صارحنى بلى راه فلى قلبك
حتى كى يكون قلبك يفكر فيه
فهمينى باش منبقاش قدام بابك
حتى كى تكونى باغية منى باش انبعد اعليك
قوليهالى واتاكدى بلى متزديش تشوفينى فى طريقك
انا قدما نعزك ونبغيك قدما منحملش انعيش ذليل فى غرامك
قلبى كبير مى منرظاش باش تذلينى
كلشئ نرظا بيه بصح مرظاش بذل
منقدرش نسمح فقدرى يرخص قدام عينى
حالف مركعش لكان نموت نموت راجل
لكان حتى اما اللى جابتنى تقولى روح اخطينى
نديرلها برظاها نخرج من الدار نرحل
قلتلك نبغيك يا امينة وما قتلكش بسيف ابغينى
الا عندك لى تبغيه حتى شئ مايعطل
الا عندك حبيب قو ليهالى وهنينى
باش نقطع لياس ومنبقاش حاصل
ماشئ تبقاى ساكتة حتى تولفينى
وبعد ما بفوت الحال تقوليلى ربى يسهل
اذا راكى باغية منقلكش ظلمتينى
متخليش وجابك اعليا يطول
كى نسمع غير كلمة تهنينى
حتى كى تقوليلى اخطينى وكانش اى مشكل
المشكل كى بين وبين تخلينى
نبقى مشطون وحالى مهول
بعد ماتسمعى هذا الكلام جاوبينى
ومدرينيش فقفص وتزيدى اعليا الخلاخل
انا منيش عدوك باش تحاربينى
انا غير عاشق ومنيش قاتل
قلبى كبير مى مرظاش باه تذلينى
كلشى نرظى بيه مى منرظاش بذل

منقدرش نسح فقدرى يرخص قدام عينى

نسج نغمي جميل
سجِّل إعجابي بقلمِك
تحياتي

[the_evile]

أختي العمر سراب أسعدني مرورك و أفرحتني ردودك و أقول لمن رمتني في قفص من حديد بحبر اسمك( العمر سراب)
حبك سراب و حبي لك كان عذاب
حبك سراب وحبي لك كان خيال و كنت انا في غاية الأسف
لأنك جعلتني اتوهم من الأشواك ازهار
و كنت ارى الدنيا كلها خضراء

[stayfi_19]

مشكووووووووور