كريمة الأنناس بنينــة بزااف

[mouna0989]

السلام عليكن

اليوم جبتلكم كريمة جد جد بنينة أنا عن نفسي منشبعهاش ولقيت بالي حتى الأطفال تعجبهم

نظن مشفتهاش خلاص محطوطة في هذ المنتدى عليها قلت لازم نحطلكم الوصفة وتجربوها و انشاء الله تنال اعجابكم

نبداو بالمقادير:

1 لتر من الماء

5 ملاعق أكل سكر

5 ملاعق أكل نشاء (ويلا عمرتي الملعقة بزاف ديري غير4)

ساشي أميلا ليمون (لازم يكون ذوق قارص هو ليزيد ف بنة هاذ الكريمة بحموضتو)

علبة أنناس مصبرة

نبداو فطريقة التحضير:
نفتح علبة الأنناس و نحتفظ بالعصير لي فيها و دوائر الأنناس نقطعهم الى قطع صغيرة و نضعهم على جنب
من جهة أخرى
نحطو الماء + السكر+ النشاء+ كيس الأميلا ونخلط جيدا ثم يوضع على النار مع ملازمة التحريك حتى نشوف الخليط تاعي بدا يعقد نصبلو عصير الأناس و نرمي قطع الأناس كذلك ونستمر في الخلط حتى يعقد
هنا كما تحبي,تحبي تجيبي صحن كبير و تصبي فيه كما يديرو الفلان في الأعراس ولا تصبيه ف les ramquins و التزيين كما تحبي
تحبي تخلي شريحتين من الأنناس تستعمليهم في التزيين مع كريمة شانتيي أو أو أو أو
نعرفكم فحلات والله ابارك مبدعات مايش حتغيبلكم فالتزيين و لا وش قلتو
نتمنى تجربوها و دوقوها وتردولي لخبر سورتو الهام و أم أنس و الامنيات و أم رامي و بريق الأمل و أنا أمهم و و و و و و و و الله يبارك مقدرتش نتفكر الفحلات بكل