بن بوزيد تحدث عن ادماج المتعاقدين وين راكم ياتاع الاحتياط

تقوى الايمان · 2011-04-03, 20:31

لقد تحدث بن بوزيد في نشرة الاخبار عن ادماج المتعاقدين وانه سيتم المبادرة في الاجراءات اللازمة انطلاقا من
هذا الاسبوع واحنا الاحتياطيين قاعدين نتفرجوا ولا حنا احتياطيين في كلش حتى في الاححتجاج و الاعتصام حدوا
نهار للاعتصام و نبركوا من الهدرة الزايدة و الناقصة لازم نوضوا في جميع الولايات و في يوم واحد و ارجو من
كل من هو احتياطي يضع و لو رد صغير باش نعرفوا اسكو العدد كبير باش نقوموا بالاعتصام و لا لالا

bebe81 · 2011-04-03, 20:38

10 افريل يوم الاحد العنوان:رئاسة الجمهورية

سندريلا SF · 2011-04-04, 10:44

معاك حق اختي
راح تهبلنا القرارات تاعهم
الى الاحتجاج
لا للحقرة

charachoucha · 2011-04-04, 11:14

بصح واش تقولو نتاع الاحتياط يقولولكم هدرة نتاع جرائد و عمرها ما صرات انهم يدخلو الاحتياط يخدمو بصح الادماج من بكري كاين لكن ديرو اللي عليكم و خليوها على ربي
متقولوليش اللي اخذ هاد العام عقد للمرة الاولى و كمل القراية في 2010 يتدمج و الله هادي حقرة عندهم خبرة نتاع شهور برك و اخذو العقود بالرشوة و المعريفة
الله لا تربحك يا بن بوزيد في عوض نتجمعو كامل و نديرو اعتصام ضد بن بوزيد كل واحد يحوس على صلاحو راه هلكنا هاداك بن بوزيد
الشعب يريد اسقاط بن بوزيد

تقوى الايمان · 2011-04-04, 12:35

يا ختي بصح المتعاقدين هما ثاني عقبوا المسابقة كيفنا كون جاوا يستهلوا هذا المنصب كون نجحوا و زيد احنا الااحتياطيين
نستهلوها اكثر لانو حنا الناجحين الحقيقيين في المسابقة و داوها المعارف لازم هذا العام نديروا حاجة لانه هذي هي فرصتنا
يا احتياطيين اتحدوا لانو يد واحدة ماتصفق

imen_23 · 2011-04-04, 13:39

السلام عليكم انا من ولاية عنابة رحت مديرية التربية قالي ماجانا والو على الاحتياطيين لازم نديرو حاجا او حقنا راح يروح راه يتحدت غير على المتعاقدين

medmay86 · 2011-04-04, 13:40

ربي يجيب الخير انشاء الله

سندريلا SF · 2011-04-04, 13:43

لازم نتفاهمو على الرسمي
رانا نهدرو في هدرة ماعندها حتى معنى
واذا فات 2011 خلاص دانا الواد

تقوى الايمان · 2011-04-04, 15:38

والاحتياطيين الآخرين وين راكم لازم نساندوا بعضنا البعض باش نقدروا نديروا حاجة هذا اكل راهو في مصلحة الجميع