حادثه غير مسبوقه فى الاستفتاء

[محمد شعبان 8]

التزم رئيس الوزراء المصرى عصام شرف الوقوف فى الصف وسط جموع الشعب للادلاء بصوته فى الاستفتاء فى سابقه لم تحدث من قبل رغم ما يحيطه من مصوريين وصحفيين وكذلك التزم الكثير من الوزراء الوقوف فى الصف كذلك اراد السيد عمرو موسى الوقوف فى الصف اثناء الانتخاب لكن المواطنين رفضوا وقالوا لايصح يا سيادة الرئيس والتفوا حوله مطالبينه بالاصلاح والقضاء على الفساد ان نجح فى الانتخابات

[مصريه جدا]

فعلا يااخى محمد الناس النهارده فى مصر كانوا فى منتهى الالتزام
الكبير قبل الصغير

كله بيدلى بصوته بكل سعاده

بجد ماشاء الله شعب عظيم وبلد عظيم

وعلى راى الناس ان عمرو موسى سيادة الرئيس
الطريق مفروس له بالورود الى الرئاسه

ربنا يقدره على المهمه دى ويكون عند حسن ظننا بيه ان شاء الله يااااااااارب

جزاك الله خيرا اخى محمد على الموضوع

[عُضو مُحترم]

الله يبارك و يزيد

ان شاء الله تتغير بلادنا


صورة جميلة

قليلا ما تحدث عند العرب

ان شاء الله يكون فيها الخير لمصر و شعبها

[مخيمر1]

قوام كده خليتو عمرو موسى رئيس
مش فيه حاجة اسمها انتخابات ...
يا جماعةمش كده

[ana muslem 3arby]

هذا تعبير مجازي لا أكثر و لا أقل

[المهزوز]

ما شاء الله شئ محترم ومشرف

بلادنا تغيرت اخي محمد

نحن علي الطريق الصحيح

بغض النظر عن النتيجة ما يحدث شئ حضاري وراقي

فقط احزنني ما حدث للبرادعي في الدويقة

حتي لو هناك علامات استفهام كثيرة حول البرادعي ما كان يجب ان نشوه صورتنا الحضارية الناصعه من بعد 25 يناير

المختلفون معه يقولون كلمتهم في الاستفتاء بالموافقة علي التعديلات التي تقطع طريق ترشحه للرئاسة

وحتي لو له حق الترشح الشعب ايضا سيقول كلمته اذا كان يستحق او لا

اقول انه لا داعي لمثل ما حدث فلندع الاستفتاء والانتخابات تقول كلمتها

[مصرية من الجزائر]

بجد لما رحت صوت في اللجنة
كان الطابور طويل للرجالة
والستات بردو
المهم واحدة بتقول لأمها وامها كانت ورا اللي ورايا
انها تتطلع ادام
امها رفضت وقالت ميصحش عشان محدش يزعل
ومحدش كان بيضايق حد ولا بيرخم ولا عايز يسبقه
بجد انا لما عرفت مواقف الشخصيات العامة
بجد كانت حاجة تفرح
كان يوم جميل عمري ما هنساه ابداا
شكراا لحضرتك

[madjid232]

اخي ان شاء الله ستكونون خير من الاول لكن انصحكم باتباع كتاب الله وسنة رسوله واولي الامر منكم ما اطاعوا الله ورسوله
ثم اعيد ما كتبته من قبل في حقكم اخواننا في الله والله احبكم حقا في الله فانتم شعب يستحق ان يكون في الريادة وان تكونوا قائدين للعرب جميعا