أدخل : تحية عطرة إلى البرساوين والمدريديين

[mca83]

تحياتي إلى جميع الأعضاء

ـ صراحة مانيش عارف علاه هذا الغل كلو والحقد ما بين البرساوين والمدريدين ، أظن جمهور البرسا والريال في إسبانيا ما يكرهوش بعضاهم كيما مناصرين المنتدى ، لاحظت أصبح التراشق بالكلام اللي ما عندو حتى معنى ما بين الأعضاء ، صراحة ما يشرفنا نحن كأعضاء ونحشموا حتى من الزائرين " اسمحولي على العبارة ما رانيش مشرف على المنتدى "

ـ يا خويا البرساوي والمدريدي شجع فريقك كيما تحب أو تنقد شرط أن يكون بناءا غير هدام ، ولا يمس بالأعضاء في كرامتهم ، سمحولي أصبح الحديث أنت وقتاش تعلمت البالون ؟؟ وأنت ما تفهم والو في الرياضة ؟؟ أنا نتبع في البالون من عام كذا ؟ وأنت ما تعرفش اللاعب الفلاني ؟؟؟ أو نعنت الإخوة بالحمقى أو العبيد ؟؟؟؟ فصراحة الله يلعن الرياضة من أصلو إذا كانت راح تفرقنا ونسب خويا؟؟ ما نضحكوش على بعضانا ما راح يسمع بينا أي لاعب ، وبالتالي ما تخسرش أخوك وأختك وتجرحوا بالهدرة على خاطر واحد يكرهك ممكن من غير ما يعرفك سوى لأنك مسلم وأنت تروح تسب أخوك على جالو، ومش شرط تقنع الطرف الآخر لازم البرسا أحسن أو الريال أحسن وعلاه حنا خبراء في الرياضة ؟؟ ولكن بكل روح رياضية ،صح فيه مدريدين قالك البرصا الآن هي أحسن فريق ، وفيه يرى العكس ويقولك البرصا تفوز بالحكام ،يا خي أنت تشوف تسعين دقيقة إذن أحكم بأحكامك كيما قالها رؤوف خليف ، يا خويا كل واحد حر مش لازم تقنعوا

وأرجوا من الإخوة الأعضاء اللي تراشقوا بالهدرة أن يتسامحوا . أنا حشمت في بلاصتكم

أنتظر تعليقكم على الموضوع

إذا راني غالط في حاجة قولولي راك غالط