وجهوني انا تائهة

خ جوهر · 2011-03-11, 23:47

السلام عليكم اخوتي الكرام اريد معلومات حول التشغيل عن طريق لانام و ارجو اجابتي على الاسئلة الموالية جزاكم الله الف خير:
- كم يتقاضى الشخص الموظف في اطار عقود الادماج بالنسبة للمتحصلين على شهادة ليسانس؟؟؟؟
- هل التوظيف عبر هذه الوكالة يكون في القطاعين الخاص و العام ام في الخاص فقط.
- اذا ما كان التوظيف في القطاع العام هل يتم الاستغناء على الموظف مع نهاية العقد.
- قمت بلقاء مع احد مسيري شركة غير تابعة للوظيف العمومي لكنها عمومية و سالت عن مدة العقد قالو لي سنة او سنة و نصف و لما سالت على الادماج يعني ان ابقى نهائيا في الشركة بعد العقد قال لي المسعععععوووول ان الاشخاص المواضبون يوظفونهم و الاخرين راكم عارفين يتقاعدوو . و لما اعدت السؤال بطريقة اخرى يعني قلتلو نتوما سور دايما تخلو المواضبين قالي ايه بيان سور نسحقوهم بارسك حنعلموكم و نقريوكم الخدمة. و قبل ما نروح ليه سالت الموظفة في لانام على ما بعد العقد قالتلي هذي الشركة تسحقكم نتوما بزاف و حتقارديكوم.
السؤال يقول هل اثق في كلام المسعوووول و الموظفة ام اواصل بحثي عن عمل بواسطة المسابقات.ارجوكم اخوتي الذي يملك خبرة في هذا المجال ينصحني و الله راني مبحرة جوزت مسابقات من قبل و حسيت بلي خدمت و مازال ما خرجو النتائج نسنا حتى يخرجو و ماعلاباليش اذا ربحت ولا نقبل الخدمة تع لانام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟و اذا قبلت الخدمة و بعدها نلقى روحي ربحت في احدى المسابقات هل يمكنني الغاء العقد؟؟؟؟؟؟؟؟؟؟؟؟؟؟؟؟؟؟؟؟؟؟؟جاوبونب يرحم والديكم

حسينة 36 · 2011-03-12, 00:31

انتظري النتائج بلاك فيها خير اما خدمة لانام ما تقبليش في الاقتصادي غير الي تابع للدولة كيف لابوست والتيليكوم و.......... والا اطلبي عقد في قطاع اداري يعني في ادارة عمةمية البلدية او الاشغال العمومية مديرية التربية و...........................لان تاع الوظيف العمومي بداو يرسمو فيهم
والا خلرجتي ناجحة في كونكور روحي اخدمي والعقد افسخيه قلهم ترسمت
وربي يسهلك انشاء الله

عاشقة السكـون · 2011-03-12, 00:35

طبعا اختي توكلي على ربي واخدمي مع لانام واذا فزتي بالمسابقة الغي عقدك مع لانام عادي اما اذا لم تفوزي لاقدر الله اعملي في مهنة اللي يوفروهالك وكل ما تاتي مسابقة شاركي لعل وعسى
انا نعرف واحده كانت تخدم معايا ولما جات مسابقة نائب مقتصد اشتركت فيها وربحت الامتحان الكتابي ولحظها لم يجر امتحان شفهي كملت الستاج ديالها وهي مازلت مسجلة في لانام ثم الغت العقد مع لانام والان هي تعمل في الوظيف العمومي
وبالتوفيق لكي ولللجميع

alnajda · 2011-03-12, 00:41

الراتب 12000دج يا أختي إلا راكي راح تخدمي على داركم تستاهلي أجسن الأعمال والرواتب أما إلى داركم لا باس عليهم وتسقسي على الخدمة راكي غالطة ............ رجال هاذ الوقت هوما رجال الإدارة المتخلفة نتاع نسا ..... ربي ايجيبلك بن لحلال تجيبي معاه ولد حلال وتعيشي لا بال في

خ جوهر · 2011-03-12, 17:36

اقتباس:

المشاركة الأصلية كتبت بواسطة عاشقة السكـون

طبعا اختي توكلي على ربي واخدمي مع لانام واذا فزتي بالمسابقة الغي عقدك مع لانام عادي اما اذا لم تفوزي لاقدر الله اعملي في مهنة اللي يوفروهالك وكل ما تاتي مسابقة شاركي لعل وعسى
انا نعرف واحده كانت تخدم معايا ولما جات مسابقة نائب مقتصد اشتركت فيها وربحت الامتحان الكتابي ولحظها لم يجر امتحان شفهي كملت الستاج ديالها وهي مازلت مسجلة في لانام ثم الغت العقد مع لانام والان هي تعمل في الوظيف العمومي
وبالتوفيق لكي ولللجميع

بارك الله فيك على النصج اختي الحبيبة من كلامك نفهم انه بامكاني ان الغي العقد و انا هذا لي كنت نقول بالاك ممنوع و لا شيئ كيما هكذا. اشكرك على الاهتمام

خ جوهر · 2011-03-12, 17:39

اقتباس:

المشاركة الأصلية كتبت بواسطة حسينة 36

انتظري النتائج بلاك فيها خير اما خدمة لانام ما تقبليش في الاقتصادي غير الي تابع للدولة كيف لابوست والتيليكوم و.......... والا اطلبي عقد في قطاع اداري يعني في ادارة عمةمية البلدية او الاشغال العمومية مديرية التربية و...........................لان تاع الوظيف العمومي بداو يرسمو فيهم
والا خلرجتي ناجحة في كونكور روحي اخدمي والعقد افسخيه قلهم ترسمت
وربي يسهلك انشاء الله

شكرا على المرور قالو لي انها شركة نصف عمومية يعني ماشي وظيف عمومي بصح ذات طابع عمومي تابعة لوزارة العمل c'est une caisse.
بارك الله فيك اختي جزاك الله خير

خ جوهر · 2011-03-12, 17:54

اقتباس:

المشاركة الأصلية كتبت بواسطة alnajda

الراتب 12000دج يا أختي إلا راكي راح تخدمي على داركم تستاهلي أجسن الأعمال والرواتب أما إلى داركم لا باس عليهم وتسقسي على الخدمة راكي غالطة ............ رجال هاذ الوقت هوما رجال الإدارة المتخلفة نتاع نسا ..... ربي ايجيبلك بن لحلال تجيبي معاه ولد حلال وتعيشي لا بال في

هههههههههههههههههههههههههه هدي دعوة مليحة خويا باش ما نكذبش عليك دارنا لاباس بيهم و الحمد لله بصح و الله غير كرهت كلمت اعطيني مدلي خصوني نسحق درااااااااااااااهم راني نشوف بلي صرفو بزاف و لحق الوقت لي نصرف شوية على عمري و نردلهم خيرهم .
خليني نقولك بما انك تطرقت لعمل المراة ان الرجل في البيت الجزائري ماراحلوش في يماه مرتو بنتو و خواتاتو بالنسبة ليه الحياة ماكلة يوكلهم و خلاص قليل وين تلقى راجل كي يخلص يفرح نساء بيته و يمدلهم شوية دراهم قال كاش ما خصهم كاش ما يشرو لوكان الرجل مخصص جزء من راتبه لاختو و الله غير ما تشقى تخدم حنا ما يمدولناش مصروف حتى ندومونديوه و بالمزية يعني يمدلك و يشنف.من هنا انا نشوف الثغرة لي يجب اصلاحها يعني كي يخصص الراجل مبلغ من المال لاهل بيته المراة ما تجراش تقولو نخدم خاطر ما خصها والو فهمت خويا.
على كل حال كل واحد و رايو و مشكور على الرد و الدعوة الجميلة .

imed bb · 2011-03-12, 18:17

المسابقات ::::::::::::::::::::::::::::::::

kaother · 2011-03-12, 18:33

عندك الحق اختي لقد اصبت وعبرت عما عجزت انا عن التعبير عنه
بارك الله فيك

خ جوهر · 2011-03-12, 18:35

اقتباس:

المشاركة الأصلية كتبت بواسطة imed bb

المسابقات ::::::::::::::::::::::::::::::::

خسر علي جملة مفيدة اخي العزيز مافهمتش المسابقات ايه و لا لالا

خ جوهر · 2011-03-12, 18:39

اقتباس:

المشاركة الأصلية كتبت بواسطة kaother

عندك الحق اختي لقد اصبت وعبرت عما عجزت انا عن التعبير عنه
بارك الله فيك

شكرا على المرور العطر نورتي صفحتي بالرغم من انني تمنيت لو افدتني برايك.

نينا الجزائرية · 2011-03-12, 21:20

ربي يوفقك
ختي
اخدمي وواش يمدولك
راكي جوزتي مسباقات اذا نجحتي وهذا مانتمناهولك من قلبي عادي تقدري تفسخي العقد
تقدمي استقالة وتروحي تقوليلهم
وراسك مرفوع خلاص لقيت خدمة ستابل وترسمت
سلام

genie pharmacologue · 2011-03-13, 17:31

Kalak 3amou rachid li howa sahab 3amou rachid ake3di fi eldar ana ndabarlak khadma lablad tba3at

خ جوهر · 2011-03-13, 17:50

اقتباس:

المشاركة الأصلية كتبت بواسطة genie pharmacologue

Kalak 3amou rachid li howa sahab 3amou rachid ake3di fi eldar ana ndabarlak khadma lablad tba3at

?????????????????????????????????????????????????? ????????????????????????????

خ جوهر · 2011-03-13, 17:51

اقتباس:

المشاركة الأصلية كتبت بواسطة نينا الجزائرية

ربي يوفقك
ختي
اخدمي وواش يمدولك
راكي جوزتي مسباقات اذا نجحتي وهذا مانتمناهولك من قلبي عادي تقدري تفسخي العقد
تقدمي استقالة وتروحي تقوليلهم
وراسك مرفوع خلاص لقيت خدمة ستابل وترسمت
سلام

بارك الله فيك اختي الكريمو على النصح و فقني الله و اياك