استطلاع:خدمتو في الاختبارات؟ولا لالا؟

[جناح الحمام]

السلام عليكم.كيف هي أحوالكم مع الاختبارات؟ وكيفاش لقيتوها؟ساهلة ولا صعيبة...........خدمتوا ولا ماخدمتوش,حنا الاختبارات نتاعنا مليحة يعني في المستوى.وما خدمتش في الفرنسية والأدب........................وأنتم فاه ماخدمتوش؟؟؟؟؟

[الجوهرة السوداء]

السلام عليكم و رحمة الله و بركاته ..
بداية شكرا لك أخي على طرح هذا الموضوع ..
بالنسبة لي ..فأرى اني لم ابلي بلاء حسنا ..
ولم أحقق إلا جزءا معتبرا مما كنت أطمح إليه ..
بصراحة لست راضية عن آدائي ..
لكن يقى هذا حكما نسبيا ..لعله يتغير بعد تصويبنا للاختبارات هههههههههههه
صحيح اني تفاديت أخطاء الفصل الاول ..لكني وقعت في اخطاء جديدة ..
لا ادري غى متى سيستمر هذا الوضع ..؟؟؟خوفي كبير من أن ارتكب أخطاء كتلك في البكالوريا ..

[koukou93]

مش في كلش المواد الادبية هلكوني مي عموما كاين تحسن في مواد الا اني عاودت غلطات الثلاثي الاول الا كاينة حاجة مليحة تعلمتها و هي منكتبش في المحاولات و هذي عجبتني

[جناح الحمام]

المشاركة الأصلية كتبت بواسطة الجوهرة السوداء

السلام عليكم و رحمة الله و بركاته ..
بداية شكرا لك أخي على طرح هذا الموضوع ..
بالنسبة لي ..فأرى اني لم ابلي بلاء حسنا ..
ولم أحقق إلا جزءا معتبرا مما كنت أطمح إليه ..
بصراحة لست راضية عن آدائي ..
لكن يقى هذا حكما نسبيا ..لعله يتغير بعد تصويبنا للاختبارات هههههههههههه
صحيح اني تفاديت أخطاء الفصل الاول ..لكني وقعت في اخطاء جديدة ..
لا ادري غى متى سيستمر هذا الوضع ..؟؟؟خوفي كبير من أن ارتكب أخطاء كتلك في البكالوريا ..

شكرا لك أختي, أنا تاني صححت أخطائي تاع الفصل الأول.بصح زدت طحت في أخطاء أكثرمنها.....في كل مرة نطيحوا في الأخطاء ومحبوش يخلاصوا هاذو الأخطاء,بصح في الباك نكونوا ان شاء الله صححنا أكبر قدر من الأخطاء,ونتمى ما نطيحوش فيهم..............سلام.مشكورة

[جناح الحمام]

المشاركة الأصلية كتبت بواسطة koukou93

مش في كلش المواد الادبية هلكوني مي عموما كاين تحسن في مواد الا اني عاودت غلطات الثلاثي الاول الا كاينة حاجة مليحة تعلمتها و هي منكتبش في المحاولات و هذي عجبتني

بارك الله فيك يا أخي. صح واحد مالازمش يحاول في ورقة خارجية.من الأحسن نكتبوا مباشرة على ورقة الاجابة .لأن الوقت مايكفيش.أنا في الرياضيات حاولت شوية في التمرين الأول والوقت ماكفانيش.خليت ثلاث أسئلة, ومبعد في الفيزيا خفت من الوقت وما حاولتش كامل.

[القارئ الجزائري]

المشاركة الأصلية كتبت بواسطة جناح الحمام

بارك الله فيك يا أخي. صح واحد مالازمش يحاول في ورقة خارجية.من الأحسن نكتبوا مباشرة على ورقة الاجابة .لأن الوقت مايكفيش.أنا في الرياضيات حاولت شوية في التمرين الأول والوقت ماكفانيش.خليت ثلاث أسئلة, ومبعد في الفيزيا خفت من الوقت وما حاولتش كامل.

نعم هذه فكرة جبدة خاصة في المواد تاع الحفظ

[✗ ┋ وَړْﮃَةُ آلـﭴَزآئـړْ ┋ ✗]

المحاولات انساوها هاذ العام هاذيك هيا اللي ضيعتني في الثلاثي الأول اليوم عقبنا فيزياء ما جبت حتى ورقة محاولات وكفاني الوقت

[hamous]

احنا الاختبارات نتاعنا تشعا سقسينا الاساتدة قالولنا باش نكونو مهيين رواحنا للباك بصح انا ماشكيتش يجيونا هادوك الاسئلة

[غفران17]

حنا مازال مكملناش الاختبارات مازال الرياضيات يوم الاحد

[المنشدة رشا]

السلام عليكم
والله بصراحة المادة الي حاسة انو معملتش فيها منيح هي الفلسفة لأنو اخترت تحليل ولخبطتها هههههههههههههههه تخيلي أختي نسيت كل المقولات ورحت أخترع في مقولات من عندي هههههه المهم ان شاء الله خيرها في غيرها
نشكرك بزاف على الموضوع

[نسمة النجاح]

الإختبارات مزالت ما خلاصتش لكن سأقيم نفسي


صراحة الخدمة ما خدمتش مليح أبدا

1-طول مواضيع الرياضيات والفيزياء سبب في عدم اتمام الحل
2-قصيدة اللأدب غير مفهومة
3-الإحساس بعدم ضرورة العمل في هته الإختبارات يؤدي الى نوع من الخمول (وهذا امر مرفوض بالنسبة لي ولا اومن به لكنه سيطر علي )

المهم نقولو الحمد لله على كل حال

[لاتبكي ياقدس جروحي]

مشكورة اختي على الطرح المتميز
بالنسبة ليا والله حاسة روحي قريت احسن من الفصل الاول لكن الخدمة الفصل الاول احسن

لانو احنا دارولنا باك تجريبي وخلعتوا اكبر منو

[yassinecristiano1]

Falsafa 0/20 lol

[جناح الحمام]

المشاركة الأصلية كتبت بواسطة المنشدة رشا

السلام عليكم
والله بصراحة المادة الي حاسة انو معملتش فيها منيح هي الفلسفة لأنو اخترت تحليل ولخبطتها هههههههههههههههه تخيلي أختي نسيت كل المقولات ورحت أخترع في مقولات من عندي هههههه المهم ان شاء الله خيرها في غيرها
نشكرك بزاف على الموضوع

السلام عليك أختي, أنا تحليل نص مانعرفش كامل كيفاش نبداه.الفلسفة نعرف فيها غير طريقة المقارنة.المهم المرة الجاية حاولي تخدمي مليح,بصح وقيلة راح تولي فيلسوفة.يعني وليتي جيبي مقولات من عندك ههههههههه . بارك الله فيك ووفقك.

[جناح الحمام]

المشاركة الأصلية كتبت بواسطة نسمة النجاح

الإختبارات مزالت ما خلاصتش لكن سأقيم نفسي


صراحة الخدمة ما خدمتش مليح أبدا

1-طول مواضيع الرياضيات والفيزياء سبب في عدم اتمام الحل
2-قصيدة اللأدب غير مفهومة
3-الإحساس بعدم ضرورة العمل في هته الإختبارات يؤدي الى نوع من الخمول (وهذا امر مرفوض بالنسبة لي ولا اومن به لكنه سيطر علي )

المهم نقولو الحمد لله على كل حال

سلام أختي,شكرا لك. بصح علاه راكي حاسة هذا الاحساس. أختي هذي الاختبارات تحضيرية واللي خدم فيها من عندو وبقرايتو يشوف مستواه مليح هذا في رأيي. هي صح الباك هو الصح.بصح الاختبارات تاني ضرورية منها نكتشفوا أخطاءنا ونوالفو الاختبارات باش ينحونا شوية من ضغط الباك......موفقة ان شاء الله ,وان شاء الله نسمة النجاح تهب علينا كامل.