أحتاج إلى نصائحكم يا أساتذة من فضلكم

fraise · 2011-03-16, 17:20

السلام عليكم اخوتي ،
اليوم جا لي المفتش زيارة توجيهية ، لقا كل حاجة نورمال ، شاف دفتر النصوص قالي واعلاش ماراكش كاتب الوظائف أو الفروض المنزلية ، لازملك 5 في العام ،وأنا عطيتلهم 2 أو 3 ملي بدا العام صححتهم بصح ماكتبتهمش في دفتر النصوص وقالي لازم ماتعطيلهمش في العطلة ، كيفاش ندير دوركا ، ، وقالي لوكان جيت باش نرسمك على جالهم مانرسمكش، المهم ياخاوتي انصحوني كيفاش ندير ؟؟؟؟ وكيفاش نوجد روحي للترسام ؟؟؟؟؟ من فضلكم مع العلم أنا أستاذ رياضيات متربص

الأستاذ رمزي · 2011-03-16, 18:10

ما تقلقش روحك خويا راهي طريقة للترهيب حتى يدفعك المفتش للعمل
انا ثاني راني مقبل على الترسام واغلب الظن في افريل هذا ..المهم اخدم خدمتك برك
وجد المذكرات ، دفتر النصوص ، صحح كراسات التلاميذ و دفتر التنقيط
وما تنساش الاطلاع على التشريع المدرسي لانو يسألك عليه المفتش
وشوف زملائك لي يخدمو معاك وان شاء الله راك مرسم يا رب

fraise · 2011-03-16, 18:46

يعطيك الصحة يا أخي رمزي ، بصح وين نصيب التشريع المدرسي ؟؟؟ كتاب ولا واشن؟؟؟؟

الجليس الصالح · 2011-03-16, 18:48

اقتباس:

المشاركة الأصلية كتبت بواسطة fraise

السلام عليكم اخوتي ،
اليوم جا لي المفتش زيارة توجيهية ، لقا كل حاجة نورمال ، شاف دفتر النصوص قالي واعلاش ماراكش كاتب الوظائف أو الفروض المنزلية ، لازملك 5 في العام

،وأنا عطيتلهم 2 أو 3 ملي بدا العام صححتهم بصح ماكتبتهمش في دفتر النصوص وقالي لازم ماتعطيلهمش في العطلة ، كيفاش ندير دوركا ،

، وقالي لوكان جيت باش نرسمك على جالهم مانرسمكش

، المهم ياخاوتي انصحوني كيفاش ندير ؟؟؟؟ وكيفاش نوجد روحي للترسام ؟؟؟؟؟ من فضلكم مع العلم أنا أستاذ رياضيات متربص

أنصحك أختاه الاستعانة بالزملاء الدين لديهم خبرة في التعليم المتوسط بمؤسستك او المؤسسات المجاورة
بالاضافة الي دلك عليك التزامات كالدفاتر التحضير اليومي المدكرات وطريقة تقديم الدرس
الاطلاع علي التشريع
موفقة بادن الله

~~tlemcen560~~ · 2011-03-16, 18:49

https://modir.amuntada.com/

أبوعبد الحكيم · 2011-03-16, 19:05

النصيحة الأولى: أن تثق في قدراتك وما لجنة الترسيم الا اشخاص مثلك وزملاءك في مهنة المشاق
النصيحة الثانية: أن تعد كل وثائقك( التحضير .الدفتر اليومي. مراقبة دفاتر التلاميذ......)
النصيحة الثالثة : أن تطالع وليس حفظ قليلا من التشريع المدرسي مثل حقوقك وواجباتك...
وتاج النصائح أن تتوكل على الله وأن تعتقد بعملك هذا مرضاة خالقك قبل أي شخص آخر وأن توقن أن عملك هذا رسالة

الأستاذ رمزي · 2011-03-16, 21:06

اقتباس:

المشاركة الأصلية كتبت بواسطة fraise

يعطيك الصحة يا أخي رمزي ، بصح وين نصيب التشريع المدرسي ؟؟؟ كتاب ولا واشن؟؟؟؟

https://www.djelfa.info/vb/showthread.php?t=70996

fraise · 2011-03-17, 13:32

شكرا لكم يا اخوتي الكرام ، الله يجعلها في ميزان حسناتكم

kamel benaboud · 2011-03-17, 14:29

اقتباس:

المشاركة الأصلية كتبت بواسطة fraise

يعطيك الصحة يا أخي رمزي ، بصح وين نصيب التشريع المدرسي ؟؟؟ كتاب ولا واشن؟؟؟؟

السلام عليك يا اخي اتمنى لك النجاح ولكن كارثة اذا كان استاذ لا يعرف التشريع هل هو كتاب اوماركة لباس .............بربي يوفقك لما يحب ويرضى

fraise · 2011-03-17, 14:53

لا يا أخي أنا أعرف ماهو أردت تحميله فقط ، كنت مشوش وقلقان كي كتبت ، شكرا لك أخي

الأستاذ رمزي · 2011-03-17, 17:38

اقتباس:

المشاركة الأصلية كتبت بواسطة kamel benaboud

السلام عليك يا اخي اتمنى لك النجاح ولكن كارثة اذا كان استاذ لا يعرف التشريع هل هو كتاب اوماركة لباس .............بربي يوفقك لما يحب ويرضى

صيغة سؤاله صحيحة بقوله كتاب ام ماذا لان التشريع في الحقيقة ليس بكتاب بل هي مجموعة قوانين موجودة في الجريدة الرسمية وليست صادرة في كتاب
لكن هناك من يعمل على جمع هذه القوانين في كتاب واحد مثلما كان في السابق بالنسبة للتشريع القديم اما الحتشريع الجديد فلم يصدر له كتاب على حد علمي