خمسةفرفشة بمناسبة العيد دعوة لابتسامه

[فااااااااارس مصر]

خمسة فرفشة بمناسبة العيد .. دعوة للابتسامة

احنا قبل دخلة عيد الأضحى المبارك وأكيد محتاجين لراحة أو ابتسامه ناخد بيها نفسنا عشان كده قلت المره دى اعرض لحضراتكم شوية نكت خفيفة بعيداً عن المواضيع الجاده ياريت تعجبكم واتمنى ولو رسم ابتسامه خفيفة على وجوهكم :.

أمين شرطة عنده ولدين مش شاطرين فى المدرسة فلما ظهرت النتيجة جاء الولد الاول وأعطى الشهادة لأبيه، فقرأ فيها درجاتة السيئة، وخلع الحزام ونزل ضرب فيه. بعد ذلك تقدم الولد الثاني منه واعطاه الشهادة، فإلتفت اليه وقال:
- نتيجتك زفت، بس روح المرة دى...يمكن السنة الجاية تكون درجاتك احسن!!
إستغرب الولد الأول من هذا التصرف وقال لأخيه:
- نفسي اعرف ليه ما ضربكش زى ما ضربنى مع إن نتيجتك أسوأ من نتيجتي.
قال الثاني:
أصلى حطيتله 20 جنيه مع الشهادة ...!!!

عروسه رفيعه قوى
ليلة فرحها لفوها بجرايد عشان تتخن
العريس دخل عليها كل ما يفتح جورنال يلاقى جورنال
اتصل بحماته وقالها: هى العروسه صفحة كام؟

واحده ساكنه عند محطة قطر
كل ما يعدى القطر درفة الدولاب تقع
فجابت النجار يشوف الدرفة ليه بتقع
دخل جوزها من بره وفتح الدولاب
لقى الراجل قاعد فى الدولاب
قاله: نهارك اسود، بتهبب ايه هنا؟
قاله: لو حلفت لك ميت يمين انى قاعد مستنى القطر هاتصدقنى !!

بخيل راح يزور امه فى المستشفى
لقى مكتوب على الباب- ادفع
قال ربنا يشفيها ابقى اشوفها لما ترجع البيت....

واحد غبي جاتله رساله حلوة قعد يضحك
اتصل بالى بعتهاله وقاله
والنبى ابعتها تانى

صعايدة سرقوا البنك
معرفوش يعدوا الفلوس قالوا بكرة نبقى نعرف من الجرايد!!

واحد اتصل بمراته قالها
حضرى المايه السخنه انا جاى فى الطريق
صاحبه قاله
دانت حمش اوى
قاله امال اغسل المواعين بمايه ساقعه!!

بطيخه بتقول للخضار متخلوش البصل يجى هنا
علشان الناس بتطفش
البصل سمع الكلام فزعق وقال
تروح الأول تشوف نفسها الصايعه
اى حد يطبطب عليها تروح معاه

واحد بيقول لصاحبه عيب مراتك تحدفك بالشبشب واحنا قاعدين
قاله
بس بزمتك جه فيا

مرة إتنين مساطيل قاعدين ومعاهم مراية
فواحد مسك المراية وبص فيها
وقال الشكل دة مش غريب عليا راح التانى مسكها وبص فيها
وقاله إيه يا عم انت مسطول؟ ده انا

اسد ونمر وديب وتعلب وفار تايهين في غابه
قال الديب : ياجماعه جعنا .. رد الثعلب : ايه رايكم ناكل اضعف واحد فينا
اتعصب الفار وقال : قسماً بالله اللي هيلمس الاسد مش هرحمه
خروف بيسأل خروف : مر عيدين وليه مدبوحكش ؟
قاله له : اصل أنا متسجل فى شهادة الميلاد حمار .

كــل عــام وأنتـــــم بخيـــــر بمناسبــــة عيــــد الأضحـــى المبـــارك أعــاده اللــه عليكــــم وعلى ســائر المسلميـــــن بالخيــــر والصحـــة والسعـــادة (عيد سعيد )ا

اخوكم : فااااااااااااارس مصر