المسمن المقلي التفصيل الممل من مطبخي

touta2010 · 2013-04-30, 16:54

بمناسبة تثبيت تطبيقي جبتلكم اليوم مسمن المهم انا درته بعجلة وزادت الالة التصوير غبنتني البطارية نفذت بقيت نستنا كل عشرة دقائق حتى العجينة رخفت شوية

المقادير معروفة سميد ملح وتعجني بالماء

تدلكيها مليح بكف يديك

ثم توضعيها في كيس وتخليها ترتاح وكل مرة تدلكيها شوية بلا ما تضيفي الماء حاولي تبلي يدك قليلا فقط

حتى تصبح هكذا ومتبقاش حبة السميد

قطعيه كويرات بهذا الشكل

شوفو الحبة عن قرب

اذا كان البرد غطيه بابلاستيك حتى متبسش العجينة

حلي العجينة بهذا الشكل ورفعيها بكفيك مثل الرقاق هذ الطريقة صعيبة شوية نسهل عليكم شوفو طريقة سهلة

حليها بهذ الشكل ولوي الجهتين

وهاهي واجدة للقلي

الزيت لازم يكون سخون و فرغي فوقها الزيت بمغرف بعد ما ترميها في المقلى مباشرة

هذا حق جارتي

وهذا اخرمخلفات الدمار الشامل لوقع في المطبخ هههههه

مغطيتش بعد القلي نحبه مقرمش ولي تحبه طري توضع فوقه كيس