بشرى سارة لخريجي الجامعات

bahnas kamel · 2011-02-05, 00:31

لقد اعلنت جريدة الشروق اليوم انه سيتم تمديد صلاحية الادماج المهني من سنتين الى ثلاث سنوات او اكثر

soufianeinfo · 2011-02-05, 00:47

والله حاجة تفرح

demag · 2011-02-05, 00:49

و الله ربي يهديك يا أخي
هل تسمي هذا بشرى سارة ..

tayeb chaatane · 2011-02-05, 01:47

يبشرك بالخير والعافية والستر .............................
يا بهناس كمال هادي ماهي بشرى سارة ما والو البشرى السارة كي تولي خدام مترسم وفي الاختصاص نتاعك
واسمحلي على هدرتي كي يمددها 3 سنين وبعدها تخرج للشارع وين راها الفايدة
لوكان جاو يخممو في الشباب يدمجك ديراكت في المنصب نتاعك ميش يمصك كي العلفة ويولحك في الشارع
انا راني خدمت ادماج كملت عامين نتاعوعس انا من الدفعة الاولى نتاع الادماج والرقم نتاعي في العقد هو 570 سنة 2008 وما صحلي والو خسرو عليا كلمة وحدة راها خلاصت الكونترا نتاعك ايا فهمني دركة وين ارها البشارة

sabrac · 2011-02-05, 02:58

هل هادي بشرى؟ رانا هدرنا عليها في يومين هادي كارثةواحباط كبير

عبدالقادر 02 · 2011-02-05, 08:05

ياخي حالة ياخي
هاذي بشرى وراك تحكي عليها
انت باينة ماقريتش في الجامعة

imed bb · 2011-02-05, 09:10

خليكم من التنوفيق

qasseml2003 · 2011-02-05, 09:46

نعم ... هادي بشرى سارة ...
نتشة من الذيب ولا يروح سالم
شكرا جزيلا

bigboy · 2011-02-05, 10:03

هههههههههههههه لازم تقول خبر غير سار لانه لن ترسم ولن ياخذ اي حل اخر سوى ان يتم تصبيرك اى ان تموت و انت تسمح في حقك لازم نبدلو النظام

ingénieur sabrine · 2011-02-05, 11:10

اقتباس:

المشاركة الأصلية كتبت بواسطة عبدالقادر 02

ياخي حالة ياخي
هاذي بشرى وراك تحكي عليها
انت باينة ماقريتش في الجامعة

ياأخي مع احتراماتي لك ...............كل واحد وكيفاه تبانله .....هو شاف فيها بشرى الله يسهل له و نقولك هاد

الحكمة وان شاء الله تفهمها

(اذا كانت النفس جميلة رأت الفجر غديرا و الليل مهرجانا و الناس أحبة و الكوخ قصرا مشيدا .............)

كن جميلا ترى الكون جميلا

تفاءل وان شاء الله يفرج علينا أجمعين

redguitare · 2011-02-05, 11:22

هذي هي لي يقولك يقتل فيه بالشوية ... عامين او ثلاثة ، سي كيف كيف اومبعدة تلقا روحك مطايش في برا.

أسامة الزمالة · 2011-02-05, 11:25

ههههههههههههههه12000

djalil1983 · 2011-02-05, 11:41

نريد سياسة واضحة ،من غير المعقول ان نعمل لمدة سنتين ثم نحال على البطالة،من فضلكم لا نريد سياسة الترقيع،ارحموا شباب الامة
انا اعمل في احدى الادارات الاستشفائية ولا يوجد إلا اربعة موظفين والاخرين كلهم من اصحاب العقود المحددة المدة.نريد حلا
فلماذا سميت عقود الادماج ؟ الحديث اطول من كل هذا.شكرا لكل الاخوة الاعضاء.

bahnas kamel · 2011-02-05, 12:30

يا خاوتي لا تقنطوا من رحمة الله قولو الحمد لله و لا تقنطوا من رحمة الله و لئن شكرتم لازيدنكم

مهدي المتالق · 2011-02-05, 12:43

نقولك صدق من قال عقود الاستنزاف -عقود ماقبل الحيطيست ., فيقي ياختي راهم يكلحوا فينا برك انا درت عقود ماقبل التشغيل وخلصت راني من 2008 واناري راني شوماج