ماهو احساسكم بعد الفشل في المسابقة؟؟

[allmaza]

حبيت نعرف احساسكم
انا حطيت الغضب في التنظيف
والبكاء ما حبستش خلاص غاضتني بزاف لا ابتدائي لا تانوي
ومتخرجة من2004 وعندي خبرة في الميدان بصح ما كتبليش ربي و هدا ما كان
كل عضو يكتب احساسه بعد اعلان النتيجة و لم يجد اسمه

[فارس المسيلي]

في البداية أحسست بالغضبلكن الكثير منّا يتوقف عند إحساس الفشل ويشعر أنه توقف في متصف طريقه ولم يجد أي طريق أو مخرج إلى النجاح

ولكن الفشل يكون نجاحا إذا كسر هذه القاعده وتحوّل ذالك الإحساس إلى رغبه في التقدم

أتمنى للجميع دوام التوفيق والنجاح وأن لا يستسلمولإحساسهم بالفشل

[sousouhalima]

اول حاجا تواحشتك يا لؤلؤتي الغالية .
ثانيا . ربي يكون معانا على خاطر كل عام نفس الحال : نعقب وننجح في الكتابي و من بعد ما نلقاش اسمي في القائمة .
ثالثا : كي ما لقيتش اسمي بكيت شويا و من بعد هزيت بنتي وخرجت نحوس و نضحك و نحي على بالي . الدنيا راهي ماشيا .

[nesrine84]

انا قالولي راك ناجحا من عند الوظيف العمومي صورولي la liste شفتها قبل ما تخرج بايام قالولي la liste تبدلت 3fois كي خرجت ما لقيتش اسمي
؟؟؟؟؟؟؟؟؟؟؟؟؟؟؟؟

[فارس المسيلي]

المشاركة الأصلية كتبت بواسطة nesrine84

انا قالولي راك ناجحا من عند الوظيف العمومي صورولي la liste شفتها قبل ما تخرج بايام قالولي la liste تبدلت 3fois كي خرجت ما لقيتش اسمي
؟؟؟؟؟؟؟؟؟؟؟؟؟؟؟؟

نفس الشيئ الذي حدث لي بولاية المسيلة كنت في قائمة الناجحين عند خروج القائمة من الوظيف العومومي وبعدما وصلت لمديرية التربية نزع إسمي وأستبدل مكانه شخص أخرى

[ahmedhistoir]

أنا ثلاث سنوات فقط في الاستخلاف
يعني لا تقارن ببعض المستخلفين الآخرين
لكن هذا لا يعني أني لم أتأثر
أرجوا أن يحالفنا التوفيق في المرات القادمة وجميع الاخوة
الحمد لله على كل حال
الحمد لله على كل حال
الحمد لله على كل حال
الحمد لله على كل حال
الحمد لله على كل حال

[attaoui]

تكره التعليم واصحابه

[عبدالله بولنوار]

.................................................. .................................................. .................................................. ..................................... لم اجد ما اكتب لأصف لكم
الحمد لله

[hanane_fr]

انا في الحقيقة متخرجة من 2008 فقط فوت مسابقة المتوسط ولم انجح لانو اخذو الا اصحاب المعدلات العالية ولم يحتسبو الخبرة اساسا وشاركت في مسابقة الصانوي نجحت في الكتابي والشفهي لم انجح لانو المعريفة في الشفهي تعرف اللجنة تدي مليح متعرفش انت وزهرك بكيت وبكيت حتى عييت وقلت منزيدش فيها دقيقة في التعليم ولكن بعدها استغفرت ربي وقلت هاذا ما هو الا مكتوب والرزق على ربي وكي نياس من رحمتو كانني خرجت من الملة والعياذ بالله لملمت دموعي وواصلت المشوار حتى نجحت في 2009 في الصانوي والحمد لله نقلكم اصبرو برك صح بلادنا تخرج واحد من عقلو بصح رحمة ربي كبيرة وواسعة والي خلق ما يضيع ربي يوفقكم جميعا يا رب

[الأستاذ الصغير]

انا - اعوذ بالله من كلمة انا- اشتغلت مباشرة بعد تخرجي كمستخلف ثم في اولى محاولاتي في المسابقة نجحت ولله الحمد لا لشيء الا لانني لا أؤمن الا بالله و بقدره لا قوائم مخدومة ولا معريفة ولا هم يحزنون

لكن حسب ما ارى فان الاخوات هنا متزوجات وهي اكبر نعمة للانسان (الزواج نصف الدين) فكم من عاملة لها من الجاه ما لها اراها مهمومة لانها عازبة بل يتوصل بهن الامر الى عرض انفسهن للزواج بل انها تنفق على زوجها

والله يا الاخوات وجب عليكن الاتصاف بصفة المؤمن : " لا يؤمن احدكم حتى يحب لاخيه ما يحب لنفسه" وكماترون اليوم اغلب الناجحين هم بنات فما رايكم في الرجال الذين لم ينجحو وهم احوج للعمل ؟؟؟

[ala eddine b]

ربي يقدر الخير وربي يفرح كل إنسان

[biologie2001]

و الله العظيم و بصراحة انني لم اغضب و لم أبك ابدا عند خروج النتائج ....على العكس لما اتصلت بي صديقتي و اخبرتني ان اسمي غير موجود ضحكت و كنت متاكدة من انني لم انجح لان القائمة تغيرت عدة مرات و الفساد معشش في مديرية التربية بجيجل . نجحت في الكتابي و لم انجح في الشفهي .... هدا هو قدري مع العلم أنني متخرجو مند 2001

[الشريف النايلي]

فقدت الثقة في كل المسابقات و في النظام ، كل شيء فاسد في هذا البلاد إلا من رحم ربي ، هذي رابع مرة أجتاز مسابقة ثانوي ابتدائي ، و لم أنجح ، المشكل أنني ننجح في الكتابي و الشفهي ، ربي يخلف ، مع أنني خدمت استخلاف و سنة ثانية ما جستير ،و في الإبتدائي و ما نجحتش.

لكن في الحقيقة لم أتأثر لأنني لم أنجح ، لكن تأثرت من حال هذه البلاد وين رايحة.
و عرفت لماذا ولاية الجلفة دائما في آخر ترتيب نتائج نهاية الدراسة ، و في الحقيقة كل البمنظومة التربوية فاسدة ، إلا من رحم ربي

[youcef_1015]

والله انا نهار منخدمش مليح والله غير عادي منحس بوالوااااااااااااا انزيد اجيني الكوراج اكثر

بصح انهار نخدم مليح او منجيبش تم الكارثة

اجتزت حتى الان 5 مسابقات في حباتي

[manouchebsm]

ربي يجعل الخير