شاركوني فرحتي

ام راضية · 2013-06-17, 07:28

تحياتي حبيباتي وان شاء الله تكونو بخير وفي خير ويومكن سعيد
بمناسبة العيد الثالث عشر لتوامي ربي يحفظهم استغليت الفرصة وعملت حفله صغبرة للعائلة كي نجتمع ونغير من الروتين وحبيت نزهي ابني وهو من دوي الاحتياجات الخاصة ويحب اللمات والزهو والشطيح
المهم حبيت نفرحهم
والاهم حبيت نوريلكم واش عملت
في الطبخ الاخوات اللي يتبعو وصفاتي علي بالهم باللي وصلت ضربت 3عصافير بحجر واحد
في الحلويات بمناسبة فرحة ولادي راني ضربت عصفورين بحجر واحد هههههه
تبعوني
هده العجينة وها هو الرابط كيفاه ديريها
https://www.djelfa.info/vb/showthread.php?t=1229503

عملت منها 2انواع تاع بركات

عملت كريمة الليمون بطريقة سهله جداااااااااا من قوقل
بيضة زازت تاع ليمونة وعصيرها ملعقة اكل سكر عادي واللي تحبها حلوة دير 2 ملعقة علي نار هادئه مع التحريك المستمر كي تعقد ملعقة اكل زبدة وخلطي مليح وعندك كريمة بالليمون رائعة

اسفة لم اصور كل المراحل
ها هي الحلوي نص عمرته بالحليب نستلي كرامل والنصف الباركات بالكريمة

وها هم زينتهم

وهده تحلية بالفراز خلطتها من راسي وجات روعة

هده من والدهم

شفتو الحكاية وما فيها رطل فرينه و250غ مرغرين عملت 2انواع حلوي وفرحت العائلة
واش رايكم
كان عجبكم الموضوع دعوه لتوامي ربي يحفظهم ويسترهم ويعطيهم وقت صالح ولكن بالمثل حبيباتي

bz.Yasmina · 2013-06-17, 07:46

Machaa Allah okhti , ya3tik essa7a ou rabi ye7afdek anti ou rajlek lewladek nchallah
Allah ye7fadhom nchallah wi sahelhom hadi edonya nchallah . Rabi yestorkom ou yerda 3ankom ou 3ana nchallah .
fe la crème nta3 el kares (alaymoun) y a pas de farine ou maizena (ncha)??

kaouther cha · 2013-06-17, 07:49

ممممممممم يعطيك الصحة ربي يخليهملك

ام الهضاب · 2013-06-17, 08:02

ان شاء الله يبارك لك ربي فيهم و يكبرو امام اعينكم بالصحة و الهناء

درة بيتي · 2013-06-17, 08:06

يعطيك الصحة شهيتيني سلمت يداك

صفاء البحر · 2013-06-17, 08:13

الف شكر اختي ربي يبارك فيك و هاكدا نلعبو لعبة السعادة و نوسعوها على رواحنا و نقولو الابليس روح حنا مؤمنين و من لاشيء نحمدو ربي و هادا درس ماشي نتاع حلويات انا حسيتو درس في القناعة بارك الله فيك و في اولادك و جعلهم الله لكم كنز يوم القيامة

ام اجياد · 2013-06-17, 08:14

الله يبارك هذي فحولة ولا بطل ربي يحفضهم

سارة يعرب · 2013-06-17, 08:15

ماشاء الله فرحة اولاد هي فرحة الوالدين وان شاء الله يفرحوك كيما فرحتيهم

حياتي نبع امل · 2013-06-17, 08:16

ماشاء الله
ربي يحفظهم ويكبرهم على طاعتو وطاعة والديهم وربي يفرحك كيما فرحتيهم خاصة ابنك ربي يخليهملك

بشرى2008 · 2013-06-17, 08:27

يعطيك الصحة وربي يحفظلك أولادك ويدوم فرحتكم ان شاء الله يارب

oum anas 69 · 2013-06-17, 08:36

ربي يدوم أفراحكم و هذه هي المرأة الجزائرية سعادتها من سعادة أطفالها و عام سعيد للتوأم و الشفاء لإبنك يارب يعطيك الصحة عزيزتي أم راضية

أم ياسين الزهراء · 2013-06-17, 09:29

ربي يعيشهملكم ويصلحهم وتعيشي وديريلهم افراحهم ولماتهم الله يبارك فيك

سلمىسلمى · 2013-06-17, 09:33

يعطيك الصحة اختي و ربي يباركلك فيهم و يحفظهملك
و عيد ميلاد سعيد لهما

شلال فرح · 2013-06-17, 09:38

ربي يخليلك اولادك و زجك و يحفظكم

ربي يعطيك القوة و الصبر حتى تقدري تكملي المشوار مع ابنك ربي يخفف عليك و عليه و يشفيه ان شاء الله

كل عام و اطفالكم بخير و انتم مجموعين و متاحدين ربي يهنيكم اختي

لمسة حنية · 2013-06-17, 10:24

ماشاء الله تبارك الرحمان ربي يخليلك اولادك جميعا ويحفظهم ويصلحهم ويكون من الصالحيين يارب
ويبارك في ابنك ويحفظهولك اختى راكي شهتيني لازمني نجي عندك