انانية بشكل غرييييب ادخل تشوف

[thorpe]

بسم الله الرحمان الرحيم

السلام عليكم ورحمة الله تعالى وبركاته

صباح الخير يا مميزين ومميزات واش راكم اليوم ؟؟؟؟
هههههههههه باين لاباس كي العادة
الحمد لله على كل حال
شوفو اليوم حبيت نحكي على وحد الحاجة ما لقيت كيفاه نسميها ممكن هيا عادة او ظاهرة او او او سميوها كيما بغيتو عندكم الحرية
لكن بشرط لازم ما تمنشروش فيا سيرتو خاوتي الشباب لانو اليوم رايح نحكي على حاجة سلبية تخص شبابنا وخاصتا المتزوج
بدون اطالة هيا نبداو
ههه
بصراحة البارح فالليل دخلت للدار قلتلها واش يما وش كاين للعشاء ؟
آآآآآآ فهمت فهمت كي العادة امي منين نسقسيها تقولي الي كتب ربي ساع انا سبقتها قلتلها ايه باينة الي كتب ربي
هههه ضحكت بنت خالتي وقالتلي بربوشة يعني كسكس
قلتلها واااااااااااش بربوشة ؟؟؟؟؟؟؟؟؟؟
وعلاش يعني تديرونا في طاجين الجوع ه انا نسميها طاجين الجوع لانو كي ناكلها لا تمر 10 دقايق نزيد نجوع ساع كرهتها
ماعليش خرجت ورحت لوحد الدكان عندنا فالحي يدير ماكولات خفيفة حبيت ناكل فريت ولا اي حاجة المهم ما ناكلش البربوشة ههههه
ياو المصيبة لقيت السيركيلاسيو فالحانوت ههه الدالة ماكانش باه تشري والمصيبة الكبرى انو الي جاو يشريو كامل شباب الحي المتزوج حديثا
ههه ضحت وقلت في قلبي وش كاين بالاك يخافوا يقولو لنساهم طيبونا ههه ومن بعد بديت نشوف في هذا يديموندي بوراك سبيسيال ويقعد والاخر اعطيني هاذي غير الماكولات الي كامل نحبوها بصراحة قعدت نشوف قلت سبحان الله هاذو ديما هنا ياكلو ويتمتعو وعلاش تزوج ؟
قلت بالاك مرتو دارتلو بربوشة كيما حنا لكن علاش هو يجي هنا ياكل الشواء وياكل البوراك سبيسيال وينحي السخة ومرتو مسكينة تاكل البربوشة فالدار ؟
ياك هي ثاني عندها نفس وتسخف وبالاك هي حشمت منو تقولو جيبلي على خاطر عارفة الحالة غالية
علاش يعني ما يروحش للبيت ويشاركها واش راه ياكل كل يوم ؟
نقولكم الصح والله نشوفها انانية انا يقولها ما تطليش على البالكو وما تخرجيش وما وما وما وزيد فوق كل ها يحرمها من حاجة هو يتمتع بيها ديما
ياك هي امانة في رقبتو انا بصراحة نشوف انو مازال صغير ونورمالمو ما يقولش باغي نتزوج لانو ماشي الزواج هذا مراة واولاد فقط على حسب اعتقاديهو عشرة ومشاركة الطرف الثاني في الفرح والحزن وفي الخير والشر
المهم اخوتي انا بالاك راني شوي نتسرع في الحكم كيما قلتوهالي لكن ما رايكم في هاته الظاهرة يا ترى هل معي حق او انني تسرعت في الحكم مرة ثانية ؟؟؟
مع اطيب السلام اخوووووووكم حسين thorpe


آآآآآآه نسيت والله انا آآآآآسف على اللهجة العامية ربما ستجدون صعوبة في قراءته وفهمه ارجو المعذرة

[تَــــــيْمَـــــآءْ ,]

هههههههههههههه طاجين الجوعـ’
صح عندك الحق نورمالمون يمتعها*ـ*
مي برك عندك لاانت تتزوج ودير كيم هذوك الرجال لشتهم
علابالك نحب بزاف نقرا مواضيعكــــ’
يقتلو بالضحك وروماركيت عليك حاجة
في كل رد راك تضحك وتحط ايقونات يضحكو
ربي يدوم عليك الحالة*ـ*
سلااااامـ،

[ع.جمال]

السلام عليكم.
أنت لم تتسرع في الحكم وكان من الواجب اشراك زوجاتهم فيما يأكلون وهو المطلوب.
و قد قال الله تعالى :[ وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ]
وفي حديث بهز بن حكيم عن معاوية بن حيدة القشيري عن أبيه عن جده أنه قال :
يا رسول الله ! ما حق زوجة أحدنا ؟
قال : ( أَن تُطعِمَهَا إِذَا طَعِمتَ ، وَتَكسُوَهَا إِذَا اكتَسَيتَ ، وَلا تَضرِبِ الوَجهَ ، وَلا تُقَبِّح ، وَلا تَهجُر إِلا فِي البَيتِ ) [وصححه الألباني ] .
وبارك الله فيك على الموضوع المهم والذي قد يغفل عنه الكثير منا.

[صُبح الأندلس]

ههههه والله وحدك يا الحسين قتلوك بالشر أنا تاني ما نحبش الكسكس يزيد يجوع
معك حق الكثير من الشباب و خاصة من يسكن مع عائلته يقصد المحلات و البيتزيريات لتناول وجبته المفضلة لأن في البيت عايلة هايلة و لن يجد ما يعجبه دائما ، أنا أيضا أسميها أنانية و هذه الزوجة لم أتى بها من بيت والديها ؟ المفروض حتى يتقاسما العيش حلوه و مره و لكن
ههههه اقعد هاكا خيرلك وين راه كمال يسمع

[thorpe]

المشاركة الأصلية كتبت بواسطة كنـ جوهرة الايمان ـزة

هههههههههههههه طاجين الجوعـ’
صح عندك الحق نورمالمون يمتعها*ـ*
مي برك عندك لاانت تتزوج ودير كيم هذوك الرجال لشتهم
علابالك نحب بزاف نقرا مواضيعكــــ’
يقتلو بالضحك وروماركيت عليك حاجة
في كل رد راك تضحك وتحط ايقونات يضحكو
ربي يدوم عليك الحالة*ـ*
سلااااامـ،

هههههههههههه
والله ياكنزة راني صح خايف نتبدل بعد الزواج من يدري ههههههههههه
ايه انا نحب نضحك معاكم لانو ابتسامة في وجه اخيك صدقة وانا راني ندي فالاجر على ضهوركم هه مالا هاهي هاذي ليك من عندي
هههههههههههههه

[thorpe]

المشاركة الأصلية كتبت بواسطة ع.جمال

السلام عليكم.
أنت لم تتسرع في الحكم وكان من الواجب اشراك زوجاتهم فيما يأكلون وهو المطلوب.
و قد قال الله تعالى :[ وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ]
وفي حديث بهز بن حكيم عن معاوية بن حيدة القشيري عن أبيه عن جده أنه قال :
يا رسول الله ! ما حق زوجة أحدنا ؟
قال : ( أَن تُطعِمَهَا إِذَا طَعِمتَ ، وَتَكسُوَهَا إِذَا اكتَسَيتَ ، وَلا تَضرِبِ الوَجهَ ، وَلا تُقَبِّح ، وَلا تَهجُر إِلا فِي البَيتِ ) [وصححه الألباني ] .
وبارك الله فيك على الموضوع المهم والذي قد يغفل عنه الكثير منا.

يا الله ويااااااااااااااا سلام من هنا خويا جمال رانا نحوسو عليك فالظلمة نلقاوك فالضو ههههههههه ؟؟؟
ياو راك فالروشارش
هههه
الله يجازيك خويا كلام رائع وخير دليل هذا الذي اتيت به

[thorpe]

المشاركة الأصلية كتبت بواسطة اعتماد13

ههههه والله وحدك يا الحسين قتلوك بالشر أنا تاني ما نحبش الكسكس يزيد يجوع
معك حق الكثير من الشباب و خاصة من يسكن مع عائلته يقصد المحلات و البيتزيريات لتناول وجبته المفضلة لأن في البيت عايلة هايلة و لن يجد ما يعجبه دائما ، أنا أيضا أسميها أنانية و هذه الزوجة لم أتى بها من بيت والديها ؟ المفروض حتى يتقاسما العيش حلوه و مره و لكن
ههههه اقعد هاكا خيرلك وين راه كمال يسمع

هههههههههه اهلا بييييييييييييييييييك اعتماااااااااااد واش راك ؟
ههه ايه اختي هي انانية اظن انو الله سيحاسب هذا الزوج على امر مثل هذا
الله اعلم مانيش نفتي لكن قلت اظن هههههههههه وليت نخاف من الفتاوى
الله يجااااااااااازيك على طلتك البهية كالعادة

[thorpe]

ههههههههههههههههه
اين البقية ربما كامل ما تحبوش البربوشة ههههههههههههه
ماعليه رانا نستناو فالبقية

[تَــــــيْمَـــــآءْ ,]

المشاركة الأصلية كتبت بواسطة thorpe

هههههههههههه
والله ياكنزة راني صح خايف نتبدل بعد الزواج من يدري ههههههههههه
ايه انا نحب نضحك معاكم لانو ابتسامة في وجه اخيك صدقة وانا راني ندي فالاجر على ضهوركم هه مالا هاهي هاذي ليك من عندي
هههههههههههههه

هههههههههه بينسور راح تتبدل مي راني خايفة تنسانى قصدي تنسيك فينا :d
مممممممممم تدي فالاجر على هورنا مالا لازم تخلصنا وين راه التقييم ههههههه
سلاااامـ،

[محمد حانطي]

ايه يااخي حسين هذي الضاهرة رانا نشفو فيها كل يوم على كل حال كل واحد وضروفو
لكن هذا الشخص الاناني انت حكمت عليه بتسرع وعلاش متقولش بلي الزوجة فنيانة ودايرة فيه غير الكحلة وكي يجي المسكين من الخدمة مايلقا والو يتحتم يروح يتغدى او يتعشى برا هههههههههههههههه يالبنات راني غير نزعق ههههههه لالا راني صح ..... كاين وكاين ماشي الناس كيف كيف
اذا حكيت على الانانية نقول ربي يبعد شرها علينا وعلى كل امة محمد ان شاء الله


وانت واش درت كليت لفريت ولا رجعت غير للكسكس .......نعطيك معلومة عليا انا ناكل كلش اي اكلة نحبها ....ههههه

[تَــــــيْمَـــــآءْ ,]

المشاركة الأصلية كتبت بواسطة thorpe

ههههههههههههههههه
اين البقية ربما كامل ما تحبوش البربوشة ههههههههههههه
ماعليه رانا نستناو فالبقية

لالا مش ميحبوش البربوشة
راهم ياكلو وميمدوش لنساهم يعني كيما قلت انت ههههه
علابيها حشمو يدخلو
سلاااامـ،

[الجزائري_dz]

السلام عليكم

عندي ثلاث ايام مكليتش فالدار
هه
نشرب غير الماء


دمتم بخير ان شاءالله

[¨°o.سيدو~علالو.o°¨]

*هههههههه اي قتلتني بالضحك يالحسين الله يهديك*
*عندك الحق خيو عندك الحق هههههه*
*سلام*

[تَــــــيْمَـــــآءْ ,]

المشاركة الأصلية كتبت بواسطة محمد حانطي

ايه يااخي حسين هذي الضاهرة رانا نشفو فيها كل يوم على كل حال كل واحد وضروفو
لكن هذا الشخص الاناني انت حكمت عليه بتسرع وعلاش متقولش بلي الزوجة فنيانة ودايرة فيه غير الكحلة وكي يجي المسكين من الخدمة مايلقا والو يتحتم يروح يتغدى او يتعشى برا هههههههههههههههه يالبنات راني غير نزعق ههههههه لالا راني صح ..... كاين وكاين ماشي الناس كيف كيف
اذا حكيت على الانانية نقول ربي يبعد شرها علينا وعلى كل امة محمد ان شاء الله


وانت واش درت كليت لفريت ولا رجعت غير للكسكس .......نعطيك معلومة عليا انا ناكل كلش اي اكلة نحبها ....ههههه

ممممممممممممم كاين وكاين كاين مساكن مظلومينـ*ـ*
ربي يهنيك خويا ما عندك وين تهرب من ماكلت الداـــــ’
سلاااامـ،

[دمعة على خد الزمن]

بلاك تتزوج ودير كيما هما شري ودي لمرتك طيبلك وكول انت وهي بصح كاين مشكل أنت قلت رايح نتزوج مع 4 شكون لي تديلها طيبلك وصحتين على قلبك