مضمون ومجرب 100/100 Bombino

[أوتار*]

حلوى بومبينو ماتستغربوش اسمها هكذا هي اصح بنينة بزاف ومليحة بزاف بالصح أنا كرهتها مناه خدمتها بزاف للدار ,للأقارب , للجيران , للأصدقاء اللي يذوقها يقولي اعطيني الوصفة وكل اللي تجيه مناسبة ارواحي ديريها , المهم طولت عليكم ان شاء الله تجربوها وترجعولي بالخبر
المقادير :
رطل زبدة لابال , كاس سكر رطب , كاكاو , كاس كاوكاو مرحي رطب , 01 فاني, 01 خميرة , كاس حلوة الترك, فرينة
التزيين :
معجون المشمش ,شيكولة وجوز أو نواد كاجو المهم انت واش عندك .
طريقة التحضير :
نخلط الزبدة +السكر+كاكاو+كوكاو+فاني+حلوة الترك+خميرة وشيحي بالفرينة حتى تتحصلي على عجينة ماهي يابسة ماهي جارية مليحة برك حليها بالحلال شوية برك واعدليها بيدك لأنها شوي صعيبة في التقراص وماترقيهاش بزاف ثم قطعيها بالطابع اللي تحبي وحطيها تطيب ثم لصقي كل زوج حبات بالمعجون ثم ذوبي الشيكولة وأغطسي الحبة فيها وزينيها بحبة جوز
و هاهي الصورة , صدقوني عملت كل الأشكال , مثلث, وردة ,قلب ,مربع ............إخ.