طبق يهبل .......

[توتة اميرة]

السلام عليكم حباباتي
اليوم جبتلكم طبق بابيشامال يهبل تقدري تعمليه في رمضان نبداو باسم الله
بالنسبة للبطاطا تقطعيها قطع شوي كبار تغليغا و ماتخليهاش تتطيب مليح شوي برك و كي تكمل صدريها و ارحيها كيما لابيري و حطيها بجيه
بالنسبة للحم
اشري لحم مفروم الكمية على حساب واش تحبي و حطيه في المقلة و زيديلو شوي زيت + ملح+فلفل اسود+بصل مفروم و نشفيه مليح و حطيه بجيه
بالنسبة للبيشاميل
ساشي حليب و ربع باكي زبدة و الفرينة و مادا بيك تضيفي الفرينة غير بالشوي و حركي مليح باش ماتتكربعش
نجيو للمفيد ادهني الطبق ديالك بالزبدة و حطي البطاطا(زيديلها شوي حليب باش تجي هشيشة و تمشيلك في الطبق) بعدها حطي اللحم ثم البيشاميل و الفرماج بالطبع اسكرفجيه و بصحتك يا الغالية و شهية طيبة نتمنى تكون عجبتكم و ما تنساوش الردود