لا حياة لمن تنادي .............

[أمين المستغانمي]

الجزائر بلد الله الغالب فهذه الكلمة موجودة نقولكم علاه فأينما ذهبت يقال لك الله غالب ما عندنا ما نديروا صدقوني بالله أنا خريج جامعة فالإدارة التي أذهب إليها أسمع هذه الكلمة حتى فقدت كل الأمل في بلد لا يعرف سوى البيروقراطية و الهمجية الإدارية و التعفن و السقوط المباشر إلى مجال الإنحطاط و التدني فأنا أعرف أنه من سيقرأ هذا المقال سيقول مازالت البلاد مليحة و ما زال الخير و لكن هذا الموضوع موجه لمن عاش تجربتي أو سيعيشها و الله كرهنا أين المفر يا أصدقائي الجزائر على راسي و عيني لكن ................. سامحوني على صرحتي فأنتم إخواني و القلب فتح لكم.


أنتظروا تعليقكم و.............

toujour أمين المغبون

[الأخ سعيد]

يا امين خويا عارف بلي كي نكونوا حنا مش ملاح يسلط علينا ربي ناس مش ملاح....

و قيل : عمالكم اعمالكم و كما تكونوا يولى عليكم

مالا لازم نسقموا رواحنا و منبعد ربي يسهل

تقبل مروري و ربي يفرج عليك يا المغبون..

[أمين المستغانمي]

ربي يخليك تحياتي

[حمزة القالمي]

والله راتي حاسس بيك لا خاطر رانا مازالنا نعانيو بصح او ربي يفرج في يوم مليام....اما البييروقراطية يا خويا راي مخالتش تلقى الموظف قول الشركة مول باباها حتى العساس يشوف روحو خير منك.........المهم ربي يصبرنا .........وربي ينوب علينا........بالتوفيق

[نور]

أخي أمين لا تغبن فأنا عشت هذه اللاحظات و تألمت من تلك العبارات و لكن أقول لك امر لا تقنط من رحمة الله. الله هو الرزاق
صدقني مكثت في البيت 2 سنتين و انا أيضا متحصلة على شهادة جامعية بل معهد لكن المحسوبية لم تترك مجال لذوي الشهدات و لكن الله رزقني بعمل من حيث لم احتسب و الحمد لله على كل شيء سيأتي الفرج بإذن الله فقط لا تيأس أخي
تقبل مروري

[مارس]

[/زهرة عصفور الجنة/]

ومن يتق الله يجعل له مخرجا ويرزقه من حيث لا يحتسب. كن واثقا انالرزاق هو الله.. الله يفرج عليك

[أمين المستغانمي]

شكرا لمروركم جميعا تحياتي

[نورالدين17]

ارفع التحدي وحاول ان تجد لنفسك مكانا....................

[اليتيمة العصماء]

لا تياس في بلد يائس و حاول ان تكون قوي فبعد العسر يسر و شكرا لك اخي امين

[سلاف26]

عليك بالتوكل على الله و السعي و لا تترك لليأس مكان في قلبك فهما طال الزمن سيأتي يوم فيه الفرج
و ربي يفرج على الجميع

[أمـ جيجل ــال]

يا أخي المغبون لأنني مغبونة مثلك وما حدث لك حدث لي ولا يزال يحدث أقولها لك صراحة صراحة صراحة أحنا ما عندنا مانديروا عندنا شي واحد هو الله " حسبنا الله ونعم الوكيل في كل مسؤول يدعي المسؤوليه " ويا سبحان الله هادوك البنات لي راهم يخدموا في عقود ما قبل التشغيل
كي روحوا نسقسيو على الخدمه يتفششوا علينا وما يهدروش معانا كي تشوفهم تقول ما عداوش بشي لي رانا نعديو فيه احنا .
اسمح لي خويا احنا بلاك رانا عالة عليهم واحنا ماعلابالناش .
شكرا للطرح